Conversão

19 Samh’samheni na mumbwelele Mulungu, muladi yamulekeleleni uhasanyi wenu. Muhatenda ivo,

38 Petili kedika, "Chila munhu kolondeka yaleke uhasanyi wake na yabatizigwe kwa zina da Yesu Chilisito, Mulungu keza mulekelelani uhasanyi wenu. Na mweye mwizahokela Muhe Yelile, chitumetume cha Mulungu.

30 Mulungu katenda fana viya halola lusita luja wanhu viwakalile hawammanyile, mbali sambi kowalongela wanhu wose chila hanhu waleke uhasanyi wawo.

17 Kulawa lusita ulo, Yesu kandusa kuwapetela wanhu usenga wake, "Lekeni uhasanyi wenu, kwaviya Ufalume wa Kuulanga wa habehi."

8 Mutende vinhu viya vilagusa kuwa muleka uhasanyi wenu.

15 Kalonga, "Lusita lufika, Ufalume wa Mulungu wa habehi. Lekeni uhasanyi wenu na kuitogola Mbuli Inogile!."

7 Iviya nowalongelani, kwizakuwa na deng’ho kulu kuulanga kwa ichimu cha munhu imwe mwene uhasanyi yoyosamha kufosa wanhu malongo kenda na kenda wanogile wohawalonda kusamha."

10 Iviya nowalongelani, wasenga wa kuulanga wa Mulungu wana deng’ho kwa ichimu cha munhu imwe mwene uhasanyi yoyosamha."

32 Sizile bule kuwatanga wanhu wanogile, ila niza kuwatanga waja weli na uhasanyi wapate kusamha."

9 Mndewa hakalama kufikiza chiyalagane fana wanhu wamwenga viwogesa kukalama, mbali kufunya umoyo kwa ichimu chenu, kwaviya halonda munhu yoyose yanangigwe. Mbali kolonda wanhu wose wasamhe uhasanyi wawo.

7 Wanhu wotenda mbuli zihile waleke mbuli zawo zihile,

iviya wolondeka waleke magesa yawo yehile,

na wambwelele Mndewa Mulungu, nayo kezawawonela ubazi.

Wabwele kwa Mulungu wetu, nayo kezawalekelela ng’hani.

22 Nizilava mbuli zako zihile,

nazo zizasegela fana mawingu,

niusegeza uhasanyi wako,

nawo wizasegela fana kungugu.

Bweleni kumwangu kwaviya niye niwakombola."

Kumbwelela Mulungu

12 Mbali Mndewa Mulungu kolonga, "Hata sambi modaha kunibwelela kwa mizoyo yenu yose,

kwa kufunga na kulila."

13 Sekemudege mawalo yenu kwa kulagusa usungu,

mbali mizoyo yenu yolondeka iwe ya unyendanyenda.

Mbweleleni Mndewa Mulungu, Mulungu wenu.

Yeye kana ubazi na ulondo wa kufunya umoyo,

hapata ludoko himahima,

kanoga ng’hani koisasala kugalula magesa yake muladi sekeyataguse.

Waisilaili wolongeligwa wasame

1 Muna umwezi wenane, mwaka wekaidi wa utawala wa mfalume Dalio, mbuli ya Mndewa Mulungu imwizila mulotezi Zekalia mwana wa Belekia, mzukulu wa Ido. Ilonga, 2 "Mndewa Mulungu kawawonela ludoko ng’hani wasaho zenu. 3 Ivo uwalongele wanhu kuwa Mndewa Mulungu Yeli na Udahi kolonga, one muhanibwelela, nizambwelelani. 4 Sekemuwe fana wasaho zenu, waja walotezi walongole wawalongela Mndewa Mulungu Yeli na Udahi kolonga, ‘Hindukeni muzileke nzila zenu zihile na sang’hano zenu zihile.’ Mbali hawanitegeleze na hawazindilile chiya chinilongile. 5 Vino wasaho zenu wakulihi? Vino walotezi wezakuwa wagima siku zose? 6 Mbuli zangu na ndagilizi zangu zoniwalagilize wasang’hani wangu walotezi, zifikizigwa kwa wasaho zenu. Maabaho waleka uhasanyi wawo na walonga, ‘Mndewa Mulungu Yeli na Udahi kachitenda viya voilondeka kwa ichimu cha uhasanyi wetu na sang’hano zetu fana viyailungile kutenda.’ "

Malaguso ya Zekalia kusonhela mkwelafalasi

7 Muna isiku ya malongo maidi na nne ya mwezi wa longo na umwe, niuwo mwezi utangigwe Shebati, mwaka wekaidi wa utawala wa Dalio, mbuli ya Mndewa Mulungu imwizila mulotezi Zekalia mwana wa Belekia, mzukulu wa Ido. Ilonga ivo. 8 Ichilo niwona munhu kakwela falasi mdung’hu. Munhu iyo kakala kema hagati ya mibiki itangigwa mihadasi ikalile kuna dibawe. Kuchisogo chake kukala na falasi wamwenga wadung’hu na wa langi ya ivu na wazelu. 9 Maabaho nimuuza msenga iyo, "Mwenevale, falasi wano wana fambulo jaki?" Msenga iyo wa Mndewa Mulungu yalongile na niye kanilongela, "Nizakulagusila waja falasi wana fambulo jaki." 10 Maabaho munhu iyo yemile hagati ya mibiki itangigwa mihadasi kalonga, "Wawo watumigwa na Mndewa Mulungu wahite kuna izisi zose." 11 Wawo wamulongela msenga iyo wa Mndewa Mulungu yemile hagati ya mibiki itangigwa mihadasi, "Chilolesa zisi zose, kweli zikala na tindiwalo."

12 Maabaho msenga wa Mndewa Mulungu kalonga, "Weye Mndewa Mulungu Uli na Udahi, mbaka zuwaki kwizalema kuwawonela ubazi wanhu wa Yelusalemu na mabululu yano ya Yuda youyawonele ludoko kwa miyaka malongo saba?" 13 Ivo Mndewa Mulungu kamwidika msenga yalongile na niye kwa mbuli zinogile na kwa mbuli za kuguma moyo. 14 Maabaho msenga iyo yalongile na niye kanilongela, "Gong’onda kuwa Mndewa Mulungu Yeli na Udahi kolonga, ‘Nina wivu ng’hani kwa ichimu cha Yelusalemu na Sayuni. 15 Niye nizaziwonela ludoko ng’hani zisi zimwenga zili na tindiwalo. Niwawonela ludoko chidogo Waisilaili, mbali wanhu wa zisi zimwenga waiyoha kuwananga.’ " 16 Mndewa Mulungu Yeli na Udahi kolonga, "Nodibwelela bululu da Yelusalemu kwa ubazi na kaye yangu izazengigwa umo. Wezakwandusa kudizenga kaidi bululu da Yelusalemu."

17 Maabaho msenga iyo kanilongela, "Guta na ulonge, ‘Mndewa Mulungu Yeli na Udahi kolonga, "Mabululu yangu yezamema mbuli zinogile muhala. Niye Mndewa Mulungu nizawagangamiza kaidi wanhu wa Sayuni, iviya nizasagula bululu da Yelusalemu kuwa bululu jangu." ’ "

Malaguso ya Zekalia kusonhela mhembe na wahunzi

18 Maabaho nilola, niwona mhembe nne.

19 Nimuuza msenga ija yalongile na niye, "Chino choni?" Nayo kanidika, "Zino niizo mhembe zowazipwililise wanhu wa Yuda na Isilaili na Yelusalemu." 20 Maabaho Mndewa Mulungu kanilagusila wahunzi wane. 21 Niuza, "Wano wokwiza kutenda choni?" Iyo kanidika, "Zino niizo mhembe zowazipwililise muladi munhu yoyose sekeyenule ditwi jake. Mbali wahunzi weza kuwadumbiza wanhu na wazasa hasi zimhembe zino za zisi zimwenga zozinule mhembe zawo kwa ichimu cha kuwapwililisa wanhu wa Yuda."

19 Waja woniwalonda, nowakalikila na kuwatagusa. Iyohe kwa moyo wose usamhe uhasanyi wako.

Ugima wa sambi kwa kuilumba na Chilisito

5 Ivo mukome chila chinhu chihile chili mgati yenu, uzinzi na unyolodo na kumelela mate na ugila, ugila uwo sawa na nhambiko ya nyang’hiti,

13 Iviya sekemulave viungo va ng’huli zenu vitende uhasanyi, mbali mwiilave wenyewo kwa Mulungu, fana wanhu wazilibuke, vilaveni viungo va ng’huli zenu kwa Mulungu kutenda yanogile haulongozi ha Mulungu.

Chiifunyile umoyo na kuitaza

1 Ndugu zangu muhamuwona munhu kabananga, mweye womulangulizigwa na Muhe wa Mulungu mzumeni munhu iyo kwa uhole, mbali mweye wenyewo muiteganye muladi sekemugezigwe.

21 Kwa ichimu icho muleke ugenzi wihile na wihi mvunyo wowenele kumwenu. Muhokele kwa unyendanyenda mbuli ija yoihandigwe mgati yenu na yoidaha kuwalopola mweye.