Coração quebrantado

18 RAMPAUBE au mi pe sui sia kelame taiga lala,

nah pa mina penui keregui gah kedime pelane de keli lula.

17 Tinggwang a ratakdung au acu kegai deda.

Tinggwang, Nang, hena kegaime de nah helung nreu kelume de gidi lama.

3 RAMPAUBE pe lung keherei kelame de teihemi beula

nah penui rezam zamdung kangbeu la.

26 A nlung nah a pumteih mnei kedi dau,

dede Tinggwang au kelungta a kengkieng be.

15 Kedanemene kehu ga Kebambe ne aide ranggai, kelungta ringkebam be, pe zi kemci be,

"Ih hutu nah kemci ni ga lungh, peda liede pangkedi nah pezai kehena rabe,

pezai kehenamedung rabe de tei mring beu kerane, nah helung keherei kelame rabe tei mring beu kera.

2 Ma aidungde a ba ne teilu; aidung de ainzwa teigwang lu, aide RAMPAUBE ne ndugai.

Ih ne petau delie kecu mina aide da, rabe lambie mnei nah lungrei kelame, nah a sam de hing eh mbeu kelame.*

Tinggwang Suiyi Mmi

1 Caihakecibe Isaiah rangla, "RAMPAUBE Tinggwang Rabe a da bam, kedanemene RAMPAUBE ne acu keniaklu

keherei kebamme dage sam keyi ranglia kerane. Pelung ceu kelame de teingkei beu kerane pa acu langgai,

hebaangme dage lungkempet ranglia kera, nah hebaangme kangpwa kebamme de ngkei beu kera.*

2 RAMPAUBE pesuiyi kela tingkum de ranglia kera pa acu langgai,

anui Tinggwang hekum peei kera tingba,

nah hap kela leune lung taumla kera.*

3 Pa acu langgai, Zion ga hap kebamme de peu kerane, penuide mimüt mene peuzui ge peu kerane,

kehap mene suiyi ca, keregui kegah rabe be mene hetwa cwatie be,

penuide mhu masangbe qulu kerane, RAMPAUBE ling kebam de, peu pecu twa zie.*

3 "Rabe kilam nneila reulie ci kelame samlam pungtu,

kedanemene tinggim hegwangram penui gu zielu.

4 Hei eh hap kelame samlam pungtu,

kedanemene penui kerelui ngaulu zielu.

5 Nciep kebamme samlam pungtu,

kedanemene penui kideube gumlu zielu.✝

10 Kedanemene Tinggwang suisiet kai kegai mariemde au kelikelu helungkenreu ngngai dila kemak teugwang beula. Dede kideu suisiet au ketsai peula. 11 Pielo, Tinggwang lungning gade nnui lung rei kegaidau aide ne nnui dade daige petlu dibi: nnui lung kaisüt, nnui nzeu lie kecu laikai teisüt, nnui rata süt, nah ngngi süt, nnui hengin süt nah nnui laikai teisüt, nah kemau de saja peu! Nnui maleune ga nnuikatei nnuide aide ga nzeu lie kecu lia gaida.

9 Dede pa a dage ranggai, "A ngaugia de nang teumai kesia pelane da, kedanemene kemnei gade a kengkieng tei mmi canglu lalu." Cine Ih a kemnei de ziemne a suiyi eh ngangki zie, iciu eh Khrista kengkieng de a da bamlu kerane.