Coração quebrantado
Deus está perto dos que têm o coração quebrantado. A Bíblia consola os aflitos: o sacrifício que Deus aceita é o espírito quebrantado e um coração contrito — jamais desprezará.
"ଚିୟାଃଚି ଅକଏ ସାଲାଙ୍ଗିଉତାର୍ ଓଡ଼ୋଃ ଜାନାଅଗି ତାଇନ୍ନିଃ, ଅକେୟାଃ ନୁତୁମ୍ ଚି ପାବିତାର୍ ଓଡ଼ୋଃ ପୁରାଃ ମାରାଙ୍ଗ୍, ଇନିଃ ନେ କାଜି କାଜିତାନାଏ, ଆଇଙ୍ଗ୍ ଚେତାନ୍ରେ ଓଡ଼ୋଃ ପାବିତାର୍ ଠାୟାଦ୍ରେ ଓଡ଼ୋଃ ଅକଏ ଲେବେଃ ମନ୍ରେନ୍ ହଡ଼ ଇନ୍କୁତାଃରେ ତାଇନ୍ତାନା। ଲେବେଃ ମନ୍ରେନ୍ ହଡ଼କଆଃ ଆତ୍ମାକେ ଜିହୀଦ୍ ରିକାୟା ଓଡ଼ୋଃ ଦୁକୁତାନ୍ ହଡ଼କଆଃ ମନ୍ସୁରୁଦ୍କେ ରାସ୍କାତେ ପେରେଜେୟା।
ପ୍ରାଭୁ କାଜିତାନାଏ, ଚିୟାଃଚି ତିଃଇ ତାଇଁୟାଃ ନେ ସବେନାଃ ବାଇୟାକାଦାଏ। ଓଡ଼ୋଃ ଏନାମେନ୍ତେ ନେ ସବେନାଃ କା ଚି ଉନୁଦୁବ୍ୟାନା ?" ମେନ୍ଦ ଅକଏ ଲେବେଃ, ମନ୍ରେ ନାରାଦୁରା ଓଡ଼ୋଃ ଆଇଁୟାଃ ବାଚାନ୍ ବର ତାନାଏ, ନେ ଲେକାନ୍ ହଡ଼କେ ଆଇଙ୍ଗ୍ ନେଲିୟା।
ପ୍ରାଭୁ ପାର୍ମେଶ୍ୱାର୍ଆଃ ଆତ୍ମା ଆଇଙ୍ଗ୍ରେ ମେନାଇୟାଃ,
ଚିୟାଃଚି ପ୍ରାଭୁ ଆଇଙ୍ଗ୍କେ ସୁକୁକାଜି ଉଦୁବ୍ ନାଗେନ୍ତେ ଆଭିଷେକ୍କାଦିୟାଁ।
ଓଡ଼ୋଃ ଆଇଙ୍ଗ୍କେ ନେଆଁ ନାଗେନ୍ତେ କୁଲ୍କେଦିୟାଁ,
ଚିଲ୍କା ଲେବେଃ ମନ୍ରେନ୍ ହଡ଼କତାଃରେ ସୁକୁ ଏମ୍ଦାଡ଼ିୟା,
ତଲାକାନ୍ କତାଃରେ ରାଡ଼ାରେୟାଃ କାଜି
ଓଡ଼ୋଃ ଜେହେଲାକାନ୍ କତାଃରେ ଜେହେଲ୍ ଏତେ ବାହାରିତେ ଅଡଙ୍ଗ୍ରେୟାଃ କାଜି ଉଦୁବେ ନାଗେନ୍ତେ କୁଲ୍କେଦିୟାଁ।
ପ୍ରାଭୁଆଃ ଲିନିବୁଇ ବାରାଷ୍ ଓଡ଼ୋଃ ଆବୁଆଃ ପାର୍ମେଶ୍ୱାର୍ଆଃ ସାଜାଇ ଏମ୍ ଦିପିଲିକେ ଉଦୁବ୍ ନାଗେନ୍ତେ
ଓଡ଼ୋଃ ଏୟମ୍ତାନ୍ ହଡ଼କକେ ଜୀଉରାଡ଼େଃ ଏମ୍ ନାଗେନ୍ତେ ଆଇଙ୍ଗ୍କେ କୁଲାକାଦିୟାଁ।
ସିୟୋନ୍ରେ ରାଆଃତାନ୍ ହଡ଼କକେ, ତରେକ୍ ବାଦ୍ଲାରେ ମୁକୁଟ୍,
ଦୁକୁରେୟାଃ ବାଦ୍ଲାରେ ସୁନୁମ୍,
ଆସ୍ରା ବାନଃ ଆତ୍ମା ବାଦ୍ଲାରେ ମାଇନାନ୍ ରେୟା ଲିଜାଃ ଏମାକ ନାଗେନ୍ତେ
ଇନିଃ ଆଇଙ୍ଗ୍କେ କୁଲ୍କେଦିୟାଁ।
ଏନାତେ ପ୍ରାଭୁ ଚିଲ୍କା ମାଇନାନ୍ ନାମେୟା, ଏନାନାଗେନ୍ତେ ଇନ୍କୁ ଧାର୍ମାନ୍ ରେୟାଃ ଦାରୁ
ଓଡ଼ୋଃ ଇନିୟାଃ ବାଗାନ୍ ମେନ୍ତେ କାଜିୟଃଆକ।
"ଆତ୍ମାରେ ରେଙ୍ଗେଃତାନ୍କ ସୁକୁତାନ୍ଗିୟାଃ;
ଚିୟାଃଚି ସିର୍ମା ରାଇଜ୍ ଇନ୍କୁଆଃଗି ତାନାଃ !
ଏୟମେଁତାନ୍କ ସୁକୁତାନ୍ଗିୟାଃ;
ଚିୟାଃଚି ପାର୍ମେଶ୍ୱାର୍ଦ ଇନ୍କୁକେ ଜୀଉରାଡ଼େଃକଆ !
ଲେବେଃଜୀଉକ ସୁକୁତାନ୍ଗିୟାଃ;
ଚିୟାଃଚି ପାର୍ମେଶ୍ୱାର୍ ବାନାର୍ସା ଏମାକାଦ୍ତେୟାଃକ ଅତେରେକ ଆକ୍ତେୟାର୍ରେୟା ।
ଚିୟାଃଚି ନେ ଲେକାନ୍ ଦୁକୁ ପାର୍ମେଶ୍ୱାର୍ଆଃ ହରାତେ ବେଭାର୍କେଦ୍ତେ ମନ୍ସୁରୁଦ୍ ନେ’ଲେକା ବାଦ୍ଲାଅଃରେଦ ଜୀଉବାଞ୍ଚାଅ ନାମଃଆ । ନେଆଁଁରେ ହୁଡିଙ୍ଗ୍ଜୀଉଃରେୟାଃ ଜେତ୍ନାଃ ବାନଃଆ । ମେନ୍ଦ ସାଂସାର୍ରେୟାଃ ଦୁକୁରେ ଏସ୍କାର୍ ଗନଏଃ ହବାଅଃଆ । ନେଲେପେ, ପାର୍ମେଶ୍ୱାର୍ଆଃ ଇଛାସାନାଙ୍ଗ୍ ଲେକାତେ ଆପେ ଅକନ୍ ଦୁକୁପେ ନାମାକାଦା, ଏନା ଆପେତାଃରେ ଚିମିନ୍ ରାସ୍କା, ଚିମିନ୍ ବର, ଚିମିନ୍ ଚିହୁଟ୍, ଆତ୍ମା ସୁଧ୍ରାଅ ନାଙ୍ଗ୍ ଚିମିନ୍ ଉନୁଦୁବ୍, ଏତ୍କାନ୍ ହଡ଼କକେ ସାଜାଇ ଏମ୍ ନାଙ୍ଗ୍ ଚିମିନ୍ ଚିହୁଲ୍ଲାନ୍ କାଜିକ ହବାକାନା । ନେ ସବେନ୍ ବିଷାଏରେ ଆପେ ବେଗାର୍ ଚିଟାକାନ୍ ଲେକାପେ ଉଦୁବାକାନା ।
ମେନ୍ଦ ଇନିଃ ଆଇଙ୍ଗ୍କେ କାଜିକିୟାଁ, "ଆଇଁୟାଃ ସାୟାଦ୍ ଆପେ ନାଗେନ୍ତେ ପୁରାଃଗିୟା, ଆପେ ନାରାଦୁରାଃଅ ଇମ୍ତା ଆଇଁୟାଃ ପେଡ଼େଃ ପୁରାଃଗିଆ ।" ଏନାତେ ଖ୍ରୀଷ୍ଟ୍ଆଃ ପେଡ଼େଃ ଆଇଙ୍ଗ୍ତାଃରେ ତାଇନଃ ନାଙ୍ଗ୍ ଆଇଙ୍ଗ୍ ଆଇଁୟାଃ ନାରାଦୁରା ନାଗେନ୍ତେ ପୁରାଃଗି ଆପାନ୍କେ ମାରାଙ୍ଗ୍ ମେନ୍ତେ କାଜିନାଇଙ୍ଗ୍ ଆଡଃ ରାସ୍କାଅଃଆଇଙ୍ଗ୍ ।