18 Saate nwu lɛtɛɛtɛɛ batii ba di situ lebiɛ ni

anfũ kafɔɔ batii ba di anwuna kodie ni.

17 Yaa oleɔta nwu nle ninwuna le niɛwakosa ni suoto kasɔ;

O Yaa, flɔbasĩ,

otu wɔ niebiɛ, kuɔwakosa ni kafɔɔ suoto kasɔ.

3 Anyɔɔsa mba situ niɛkpá ni

annii kafɔɔ nkɔ lɛma.

26 Suoto nii ku otu nii mawakasɔ,

kafɔɔ Yaa ninle otu nii nwu osie

ku kalekɔ nii dinaa ni kaloo.

15 Diekye nnya ɔlaa wɔ di Nnwɔ niɛtaka ni katoo kaatakalekɔ-

nnwɔ ninkpe ni nkpa anaa ni kaloo, di leyooto nɔɔ ninle ni klekle kobuɛ ni:

"Nsi di lɛba takale ku Kakleklekɔ,

kafɔɔ nsiko otii wɔ niekyisa ni nkpa di ninwuna nɔɔ lɛwa ni kasɔ,

makpee nnwɔ ninwuna niɛwa ni kasɔ osie

nkpee kafɔɔ nnwɔ niekyisa ni otu ɔnyɛɛ.

2 Diele kɔnɛɛ nii niɛbla asaa ya mmle amuu

oso akpe?"

SAATE nwu niebuɛ.

"Nnya otii wɔ ninta ni dibu:

nnwɔ niɛwakosa ni suoto kasɔ di ninuwuna kamɛ,

di lɛyɛkɛ mpɛ nwɔ ni di ɔlaa nii suoto.

1 SAATE Kplɛ nwu Ninwuna ntika di suoto nii,

diekye SAATE nwu lɛpɛ mi ɔfɔɔ

alɛ mbuɛ ɔlaa biene nwu nta bapiitɛ.

Eekpee mi alɛ nkpee mba situ niebiɛ ni kɔnɛɛ kaafutu,

alɛ mmayie didiki lakya nta balanle

ku ayo batentɛ odiki di ditunu kamɛ,

2 ninyie lɛkya di SAATE nwu sibualɛ lɛlɛɛ suoto

ku Yaa loo ɔbla okyisa dii nwu

alɛ kakpee mba bamuu nikowi ni kɔnɛɛ kaafutu,

3 alɛ kabie asaa nta mba nikowi ni sɛnyaami di Sion-

kayɔ sɛlɛ lɛkakoto anta ma

di ntɔ̀ kanya,

suoto lɛyɔɔ nnɔnyi

di kaku owi kanya

ku katansa akpeele

di nnɛɛ ofee ninwuna kanya.

Babalɛɛ ma ɔsaabla tinini awoso kplɛ,

SAATE nwu awoso ya ɛɛsɔ ni

alɛ oodiki sɛlɛ nɔɔ lɛkakoto antuo.