1 Baakpana Israel batii bamuu ayooto di ana kanya di Israel baka kukũ kamɛ.

Baamufũ Yuda batii baasifiko sɛlanle kamɛ di Babel ta onukwale lɛma ɔtanle oso. 2 Nioso batii kasale ba niakple baabase ni disiɛ di mma bamu kasɔ suoto di sekpoo lɛma simu kamɛ bawo niale Israel batii, olebatatɛ, Lewi batii ku olekatakɔ bakpɛmblatɛ nɛ.

3 Mba niakye ni Yuda, Benyamin, Efraim ku Manase baasiɛ ni di Yerusalem niale:

4 Amihud obisuɔtɔbi Utai, aale ni Omri obisuɔtɔbi, aale ni Bani obisuɔtɔbi, aale ni Yuda obisuɔtɔbi Peres ɔnantii onwii lɛma.

5 Di Silon batii kamɛ yi:

Asaia dibite ku babisuɔtɔbi nɔɔ.

6 Di Sera batii kamɛ yi:

Yeul.

Batii ba niakye ni Yuda lɛpɔ labla alafa-akuɔ-afosi-anaasĩ.

7 Di Benyamin batii kamɛ yi:

Mesulam obisuɔtɔbi Salu, aale ni Hodawia obisuɔtɔbi, aale ni Hasenua obisuɔtɔbi;

8 Yeroham obisuɔtɔbi Yibneia; Usi obisuɔtɔbi Ela; aale ni Mikri obisuɔtɔbi; ku Sefatia obisuɔtɔbi Mesulam, aale ni Reuel obisuɔtɔbi, wɔ niale ni Yibnia obisuɔtɔbi.

9 Batii ba niakye ni Benyamin fɛ mmle bɛɛkpana ni di banantii lɛma ayooto kanya lɛpɔ labla alafa-anaasĩ-afosi-anɔɔ-bakuɔ. Basuɔtɔ ba mmle bamuu lale ayo lɛma kamɛ banɔɔfo.

10 Di Olebatatɛ kamɛ yi:

Yedaia; Yehoiarib; Yakin;

11 Hilkia obisuɔtɔbi Asaria, aale ni Mesulam obisuɔtɔbi, aale ni Sadok obisuɔtɔbi, aale ni Meraiot obisuɔtɔbi, aale ni Ahitub obisuɔtɔbi. Asaria niale ɔnɔɔfotii wɔ niayila ni di Yaa leyo kanya nɛ;

12 Yeroham obisuɔtɔbi Adaia, niale ni Pashur obisuɔtɔbi, niale ni Malkiya obisuɔtɔbi; ku Adiel obisuɔtɔbi Maasai, aale ni Yahsera obisuɔtɔbi, aale ni Mesulam obisuɔtɔbi, niale ni Mesilemit obisuɔtɔbi, aale ni Imer obisuɔtɔbi.

13 Olebatatɛ ba niale ni ayo kamɛ banɔɔfo, lɛpɔ labla kakpe-alafa-akuɛnsĩ-afosi-akuɔ. Baale basuɔtɔ sientɛ, ɔkpɛ lɛma niale kasumu ɔkpɛ ɔbla di Yaa leyo kamɛ nɛ.

14 Di Lewi batii kamɛ yi:

Hasub obisuɔtɔbi Semaia, aale ni Asrikam obisuɔtɔbi, aale ni Hasabia obisuɔtɔbi, Merari otii aale; 15 Bakbakar, Heres, Galal ku Mika obisuɔtɔbi Matania, aale ni Sikri obisuɔtɔbi, aale ni Asaf obisuɔtɔbi; 16 Semaia obisuɔtɔbi Obadia, aale ni Galal obisuɔtɔbi, aale ni Yedutun obisuɔtɔbi; ku Asa obisuɔtɔbi Berekia, aale ni Elkana obisuɔtɔbi wɔ niasiɛ ni di Netofa batii sekpoenyii nwu kamɛ.

17 Kayoko banyuntɛ niale:

Salum, Akub, Talmon, Ahiman ku babilɛma-suɔtɔbi, Salum kanyayilatɛ lɛma, 18 baase ni di Ɔka Kayoko di kufĩ katunkɔ lɛkyɛ, diɛbadu miɛ obe wɔ mmle kamɛ. Mba mmle niale kayoko banyuntɛ ba niale ni Lewi batii kasiɛkɔ bale nɛ. 19 Kore obisuɔtɔbi Salum, aale ni Ebiasaf obisuɔtɔbi, aale ni Kora obisuɔtɔbi ku kayoko banyuntɛ wo nɔɔ ba niakye ni leyo nɔɔ kamɛ (Kora batii nwu) ɔkpɛ kuale alɛ baatoonyu Lɛkpaayo kayokontũ sewoso nwu fɛ mmle okle kuale ni bate lɛma ɔkpɛ baatoonyu ni kayoko ka manfe mambuo ni SAATE nwu kasiɛkɔ. 20 Eleasar obisuɔtɔbi Pinehas niayila di kayoko banyuntɛ kanya di obe wɔ nitɔbafɛ ni kamɛ, SAATE nwu lasiɛko nwɔ kafɔɔ. 21 Meselemia obisuɔtɔbi Sakaria niale kayoko nyuntɛ di kayoko ka manfe mambuo ni Lɛkpaayo le Mansi ni kamɛ.

22 Mba baadiki alɛ bale ni kayoko banyuntɛ di kayokontũ sewoso nwu suoto, bamuu lɛpɔ labla alafa-anyɔ-lefosi-banyɔ. Baakpana ayooto lɛma di ana kanya di sekpoenyii lɛma kamɛ. Dawid ku Samuel, asaanyatɛ nwu niayɔ kayoko banyuntɛ n-yilakɔ lɛma nwu baakpee ma ninnɛɛ. 23 Mma ku banantii lɛma niayila di SAATE nwu leyo n-yoko kanya nɛ- leyo le manlɛɛ ni alɛ Lɛkpaayo. 24 Kayoko banyuntɛ nwu n-yila di nkyɛ nwu nna: kufĩ katunkɔ, kufĩ kamɛɛkɔ, katoo kasɔ ku kala kasɔ. 25 Babilɛma-suɔtɔbi di sekpoenyii lɛma nwu n-wa di obe ku obe kamɛ mamablako ma sɛkpɛ nwu di ayi akuɛnsĩ obe kamɛ. 26 Kafɔɔ kayoko banyuntɛ bana nwu bamubamu ba niale ni Lewi batii yi, baayɔ ayo kamɛ ɔkpɛ ɔbla ku ato ntɛkɔ nwu di Yaa leyo kamɛ baakpee ma ninnɛɛ. 27 Mante mankyi Yaa leyo nwu ku kakyɛ, diekye dikpeni mannyu ni; mma kafɔɔ niakle saafĩi ɛɛta ni Yaa leyo nwu ɔsɛkɛtɛ olesɛ biala nɛ.

28 Bawo layila di awansaa ya mamblako ni ɔkpɛ di olekatakɔ nwu kanya; manka nya nse bɛɛwako nya, ku nse beedieko nya kafɔɔ. 29 Baata babamba alɛ banyu asaa nwu ku akpanta klekle nwu akpɛmblasaa bamba amuu, fɛ nnaafũ ku nta, nnɔnyi, olufui ku akɔnɔkɔnɔsaa nwu. 30 Kafɔɔ olebatatɛ nwu bawo layila di akɔnɔkɔnɔsaa nwu ɔkpɔtɔɔsa kanya. 31 Lewi otii onwii baatɔɔlɛɛ ni Matitia, Kora otii nwu dibite manlɛɛ ni Salum, niale nnwɔ baakpee ni asaaɔta bloblo ofiɛ ɔkpɛ ninnɛɛ nɛ. 32 Kehat batii babilɛma-suɔtɔbi bawo niayila di Lenyɛɛtɛyi biala bloblo wɔ mantika ni di opunu suoto ɔbla kanya nɛ.

33 Mba niale ni sinu basantɛ, Lewi batii ayo kamɛ banɔɔfo nsiɛ di olekatakɔ nwu ayo kamɛ, batata ma babla sɛkpɛ bamba, diekye baatɔɔbla ɔkpɛ di anu nwaa ku kakyɛ.

34 Mba mmle bamuu lale Lewi batii ayo kamɛ banɔɔfo, baka fɛ mmle bɛɛkpana ni di banantii lɛma ayooto kanya, baasiɛ ni kafɔɔ di Yerusalem.

35 Gibeon ote Yeiel lasiɛ di Gibeon.

Ɔsɔfɔ nɔɔ leyooto niale Maaka nɛ, 36 dibite nɔɔ kafɔɔ niale Abdon, Sur latikanko, Kis, Baal, Ner, Nadab, 37 Gedor, Ahio, Sakaria ku Miklot nɛ. 38 Simea ote niale Miklot nɛ. Mma kafɔɔ baasiɛ baakaako banantii lɛma di Yerusalem.

39 Ner nialofo Kis, Kis lalofo Saul, ni di Saul lalofo Yonatan, Malki-Sua, Abinadab ku Es-Baal nɛ.

40 Yonatan obisuɔtɔbi niale:

Merib-Baal wɔ nialofo ni Mika nɛ.

41 Mika babisuɔtɔbi niale:

Piton, Melek, Tahrea ku Ahas nɛ.

42 Ahas nialofo Yada, Yada lalofo Alemet, Asmawet ku Simri, ni di Simri lalofo Mosa nɛ. 43 Mosa nialofo Binea; Refaia lale nwɔ obisuɔtɔbi, Eleasa obisuɔtɔbi nɔɔ, Asel kafɔɔ obisuɔtɔbi nɔɔ.

44 Asel lawɛ babisuɔtɔbi bakuɔ, ayooto lɛma kafɔɔ niale n-ya mmle nɛ:

Asrikam, Bokeru, Ismael, Searia, Obadia ku Hanan. Mba mmle niale Asel babisuɔtɔbi nɛ.