1 Nnya Israel batii- di ayo kamɛ banɔɔfo, nkpe kanyabayilatɛ ku alafa kanyabayilatɛ ku banɔɔfotii lɛma, mba niabla ni ɔka ɔkpɛ di asaa ya amuu niakaako ni bakpɛtɛ akudi nwu niatɔɔbla ni ɔkpɛ di kɔwɛntɛ biala di lɛlɛɛ nimuu kamɛ. Dikudi biala labla bakpɛtɛ nkpe afosi-anyɔ-nkpe-nna.

2 Mba niayila ni di dikudi kasale kanya, baata ni kɔwɛntɛ kasale niale, Sabdiel obisuɔtɔbi Yasobeam. Bakpɛtɛ nkpe afosi-anyɔ-nkpe-nna niawɛ di dikudi nɔɔ kamɛ. 3 Peres ɔnantii aale ku bakpɛtɛ bamuu banɔɔfotii ɔka aale di kɔwɛntɛ kasale.

4 Ahohi otii nwu Dodai niayila di kɔwɛntɛ nyɔɔfa dikudi kanya; Miklot niayila di dikudi nɔɔ kanya. Bakpɛtɛ nkpe afosi-anyɔ-nkpe-nna niawɛ di dikudi nɔɔ kamɛ.

5 Bakpɛtɛ dikudi tiɛfa kanyayilatɛ, diata ni kɔwɛntɛ tiɛfa niale oletatɛ Yehoiada obisuɔtɔbi Benaia. Bakpɛtɛ ɔka aale, di bakpɛtɛ nkpe afosi-anyɔ-nkpe-nna lawɛ ni di dikudi nɔɔ kamɛ. 6 Benaia wɔ mmle niale kpɛtɛ sientɛ di bakpɛtɛ Afosi-atiɛ nwu kamɛ, ni aayila kafɔɔ di bakpɛtɛ sientɛ nwu Afosi-atiɛ kanya nɛ. Obisuɔtɔbi nɔɔ Amisabad niayila di dikudi nɔɔ kanya.

7 Ɔnaafa, diata ni kɔwɛntɛ naafa, niale Yoab obilɛma-suɔtɔbi Asahel; obisuɔtɔbi nɔɔ Sebadia niayila nwɔ kaanya di kakpimaa nɔɔ. Bakpɛtɛ nkpe afosi-anyɔ-nkpe-nna niawɛ di dikudi nɔɔ kamɛ.

8 Ɔnɔnle, diata ni kɔwɛntɛ nɔɔnle, niale Yisrah otii nwu kakpɛ kanyayilatɛ Samhut nɛ. Bakpɛtɛ nkpe afosi-anyɔ-nkpe-nna niawɛ di dikudi nɔɔ kamɛ.

9 Okuɔnle, diata ni kɔwɛntɛ kuɔnle, niale Tekoa otii nwu Ikes obisuɔtɔbi Ira. Bakpɛtɛ nkpe afosi-anyɔ-nkpe-nna niawɛ di dikudi nɔɔ kamɛ.

10 Okuɛnsinle, diata ni kɔwɛntɛ kuɛnsinle, niale Pelon otii nwu Heles, aale ni Efraim otii. Bakpɛtɛ nkpe afosi-anyɔ-nkpe-nna niawɛ di dikudi nɔɔ kamɛ.

11 Ɔnɛnle, diata ni kɔwɛntɛ nɛnle, niale Husa otii nwu Sibekai, aakye ni Serah. Bakpɛtɛ nkpe afosi-anyɔ-nkpe-nna niawɛ di dikudi nɔɔ kamɛ.

12 Ɔnansinle, diata ni kɔwɛntɛ nansinle, niale Anatot otii nwu Abieser, aale ni Benyamin otii. Bakpɛtɛ nkpe afosi-anyɔ-nkpe-nna niawɛ di dikudi nɔɔ kamɛ.

13 Ofosile, diata ni kɔwɛntɛ fosile, niale Netofat otii nwu Maharai, aale ni Serah otii. Bakpɛtɛ nkpe afosi-anyɔ-nkpe-nna niawɛ di dikudi nɔɔ kamɛ.

14 Lefosi ɔkasale, diata ni kɔwɛntɛ lefosi- kɔkasale, niale Piraton otii nwu Benaia, aale ni Efraim otii. Bakpɛtɛ nkpe afosi-anyɔ-nkpe-nna niawɛ di dikudi nɔɔ kamɛ.

15 Lefosi ɔnyɔɔfa, diata ni kɔwɛntɛ lefosi-kɔnyɔɔfa, niale Netofat otii nwu Heldai, aakye ni Otniel leyo kamɛ. Bakpɛtɛ nkpe afosi-anyɔ-nkpe-nna niawɛ di dikudi nɔɔ kamɛ.

16 Banɔɔfotii ba niayila ni di Israel ana kanya niale:

di Ruben batii suoto; Sikri Obisuɔtɔbi Eliesa;

di Simeon batii suoto:

Maaka obisuɔtɔbi Sefatia;

17 di Lewi suoto: Kemuel obisuɔtɔbi Hasabia;

di Aron suoto: Sadok;

18 di Yuda suoto: Elihu, Dawid obilɛma-suɔtɔbi;

di Isakar suoto: Mikael obisuɔtɔbi Omri;

19 di Sebulun suoto: Obadia obisuɔtɔbi Yismaia;

di Naftali suoto: Asriel obisuɔtɔbi Yerimot;

20 di Efraim batii suoto: Asasia obisuɔtɔbi Hosea;

di Manase kɔna kakyɛ suoto: Pedaia obisuɔtɔbi Yoel;

21 di Manase kɔna-kakyɛ ka ninkpe ni di Gelead suoto niale: Sakaria obisuɔtɔbi Ido nɛ;

di Benyamin suoto: Abner obisuɔtɔbi Yaasiel;

22 di Dan suoto: Yeroham obisuɔtɔbi Asarel.

Mba mmle niale banɔɔfotii di Israel ana suoto nɛ.

23 Dawid ditaka basuɔtɔ ba niafũ ni alɛɛ afosi-anyɔ diawa ni kasɔ, diekye SAATE nwu labuɛ aatɛ alɛ abata Israel batii mpɔ kpinwu fɛ awɛntrɛbi di kolo. 24 Seruia obisuɔtɔbi Yoab lakyekasɔ aatɔɔka basuɔtɔ kafɔɔ ataloo. Yaa ɔblɔ yakayaka lawa di Israel suoto ta batii ɔka nwu oso, ni batakpana lɛpɔ lɛma baakpee di Ɔka Dawid sekofolaa kukũ kamɛ nɛ.

25 Adiel obisuɔtɔbi Asmawet niayila di ɔka leyo asaantɛkɔ kanya.

Usia obisuɔtɔbi Yonatan niayila di kale akudi kɔkyɛɛ asaantɛkɔ kanya, di sekpoo, sekpoenyii ku ayo takale ya di banyuntɛ nsiɛ ni kamɛ.

26 Kelub obisuɔtɔbi Esri niayila di bakpɛntɛ ba ninkpɛ ni afe di kasɔ nwu suoto kanya nɛ.

27 Ramat otii nwu Simei niayila di nta awosobi afe kanya nɛ.

Sifim otii nwu Sabdi niayila kaanya diata awosobi nta nsekɔ nɛ.

28 Geder otii nwu Baal-Hanan niayila di nnɔnyi awoso ku abue awoso di kufĩkamɛɛkɔ akpenkpe nkpaa kanya nɛ.

Yoas niayila di awosobi nnɔnyi ɔkpɛ kanya nɛ.

29 Saron otii nwu Sitra niayila di base-bɔkɛɛ kplɛ ba niatoowee ni sɛfa di Saron kanya nɛ.

Adlai obisuɔtɔbi Safat niayila di base-bɔkɛɛ kplɛ ba niawɛ ni di sɛtaata kanya nɛ.

30 Ismael otii nwu Obil niayila di kapu bapɔnkɔ kanya nɛ.

Meronot otii nwu Yehedia niayila di bapɔnkɔ ba nintuka ni atoo kanya nɛ.

31 Hagri otii nwu Yasis niayila di babɔkɛɛ sele kanya nɛ.

Mba mmle bamuu niale banɔɔfotii ba niayila ni di Ɔka Dawid lɛsaawɛ kanya nɛ.

32 Dawid ote bisɔnle Yonatan lale otii wɔ ninta ni kɔkã, otii wɔ niatofo ni lɛsaa, aatofo ni kukũ kafɔɔ. Hakmoni obisuɔtɔbi Yehiel niatoonyu ɔka babisuɔtɔbi nɛ.

33 Ahitofel niale otii wɔ ninkà ni ɔka nɛ.

Arki otii nwu Husai niale ɔka siɛwo nɛ. 34 Benaia obisuɔtɔbi Yehoiada ku Abiatar nfɛ niatɔɔta ɔka kɔkà di Ahitofel sɛmaa nɛ.

Yoab niale bakpɛtɛ kanyayilatɛ di ɔka leyo nɛ.