1 Israel obi kasale Ruben babisuɔtɔbi (nnwɔɔ niale obi kasale nɛ, kafɔɔ di obe wɔ aatenko ni ote ɔsɔfɔ yi, baayɔ sɛnɔɔfo nɔɔ nwu fɛ obi kasale baata Israel obisuɔtɔbi Yosef babisuɔtɔbi; nioso batafuo nwɔ leyooto ɔkpana okpee di selofo ayooto kukũ kamɛ fɛ mmle di selofo sɛnɔɔfo nɔɔ late ni kanya. 2 Kuntɛ Yuda niale sientɛ di babilɛma-suɔtɔbi kamɛ di ɔka kafɔɔ lakye kamɛ nɔɔ yi, dibite kablakɔ nle Yosef kale)- 3 Israel obi kasale Ruben babisuɔtɔbi niale:

Hanok, Palu, Hesron ku Karmi nɛ.

4 Yoel banantii niale:

Obisuɔtɔbi nɔɔ Semaia, obisuɔtɔbi nɔɔ Gog,

obisuɔtɔbi nɔɔ Simei, 5 obisuɔtɔbi nɔɔ Mika,

obisuɔtɔbi nɔɔ Reaia, obisuɔtɔbi nɔɔ Baal,

6 ku obisuɔtɔbi nɔɔ Beera, nnwɔ di Asiria ɔka Tiglat-Pileser lakpaa aasifiko ni sɛlanle kamɛ. Beera lale Ruben batii tunlentɛ.

7 Batii lɛma di nfaabi kanya, baakpana nya ni di mmle di selofo lɛma ntika ni kanya:

Yeiel niale disi, Sakaria, 8 ku Asas obisuɔtɔbi Bela, niale ni Sema obisuɔtɔbi, aale ni Yoel obisuɔtɔbi. Baasiɛ di obo wɔ niayɔ ni di Aroer dialaadu ni Nebo ku Meon. 9 Baasiɛ di kufĩ katunkɔ kasɔ nwu baakata baalaadu ɔfafuu wɔ nialaadu ni Eufrat Okle nwu, diekye babɔkɛɛ lɛma sele lalɛɛsa di Gilead kasɔ suoto.

10 Di Saul sɛka olebee kamɛ yi, baadieko Hagri batii kakpɛ, baalenkee ma ku nnɛɛ lɛma; baasiɛ di Hagri batii nsiɛkɔ nwu diafe ni di Gilead kufĩ katunkɔ kasɔ nwu kamuu.

11 Gad batii lasiɛ baakaako Ruben batii di Basan, dialaadu bia Saleka:

12 Yoel niale disi, Safam niale ɔnyɔɔfa, Yanai ku Safat lasiɛ di Basan.

13 Batii lɛma di ayo kanya niale:

Mikael, Mesulam, Seba, Yorai, Yakan, Sia ku Eber- bamuu labla bakuɛnsĩ.

14 Mba mmle niale Huri obisuɔtɔbi Abihail babisuɔtɔbi nɛ, Yaroa obisuɔtɔbi, aale ni Gilead obisuɔtɔbi, aale ni Mikael obisuɔtɔbi, aale ni Yesisai obisuɔtɔbi, aaleYado obisuɔtɔbi, aale Bus obisuɔtɔbi.

15 Abdiel obisuɔtɔbi Ahi, aale ni Guni obisuɔtɔbi, niale ni leyo lɛma kamɛ ɔnɔɔfo nɛ.

16 Gad batii lasiɛ di Gilead, di Basan ku sekpoenyii se niakyo ni ninsĩ kamɛ, ku Saron sɛfa kaweekɔ nsɔ nwu mmuu fɛ mmle kanya baatɔɔkpɛ̀ baatɔɔkyakaa ni nɛ.

17 Baakpana n-ya mmle amuu baakpee di ayooto akũ kamɛ di Yuda ɔka Yotam ku Israel ɔka Yeroboam sɛka olebee kamɛ.

18 Ruben batii, Gad batii ku Manase batii-kakyɛ lawɛ basuɔtɔ nkpe afosi-ana, nkpe-nna, alafa-akuɛnsĩ-afosi-akuɔ ba nialolaa suoto baata ni kakpɛ ɔkpɛ ɔsaabla. Basuɔtɔ ba niewo ni babafuo ni kubidifũsaa ku kapamii oklee, mba nikafuo ni kɔtaa ɔkpɛ ɔblako, ku mba baananfi baata ni kakpɛ. 19 Baadieko Hagri batii, Yetur batii, Nafis batii ku Nodab batii kakpɛ. 20 Yaa lakyakaako ma baakpɛ ma, ni aayɔ Hagri batii ku nnle be niatɔɔkpɛko ma ni mmuu akpee ma ninnɛɛ nɛ. Diekye baawi baalɛɛ nwɔ di kakpɛ obe nwu kamɛ. Ni aanu ɔlaa ɔpɛ lɛma nɛ, diekye baatika nwɔ disi. 21 Baafũ Hagri batii babɔkɛɛ- kapu-bapɔnkɔ nkpe-afosi-anɔɔ, bafoso nkpe alafa-anyɔ-afosi-anɔɔ ku babɔkɛɛ ba nintuka ni atoo nkpe-nnyɔ. Baamufũ kafɔɔ batii nkpe kɔlafa baasifiko, 22 batii kpinwu bawo kafɔɔ lanɔɔ kakpɛ, diekye kakpɛ nwu Yaa kale kaale. Ni baasiɛ di kasɔ nwu suoto dialaase di obe wɔ baasifi ni sɛlanle kamɛ nɛ.

23 Manase batii-kakyɛ latɛ baapɔ̀, baasiɛ diayɔ ni di Basan dialaadu Baal Hermon, dile ni Senir (Hermon Kobokote).

24 Mba mmle niale ayo lɛma kamɛ banɔɔfo nɛ: Efer, Yisi, Eliel, Asriel, Yeremia, Hodawia ku Yahdiel. Baale bakpɛtɛ ku sɛkambi, basuɔtɔ finle, ku ayo lɛma kamɛ banɔɔfo. 25 Kafɔɔ batale onukwale baata bate lɛma Yaa, baalaayɔ suoto lɛma baata kasɔ nwu batii bayaa, mba di Yaa lawɔɔsa ni di anu lɛma. 26 Nioso Israel Yaa nwu lata Asiria ɔka Pul ɔblɔ lataka (dile ni, Asiria ɔka Tilgat-Pileser), ni aakpaa Reuben batii, Gad batii ku Manase kafaabi-kakyɛ aasifiko sɛlanle kamɛ nɛ. Aakpaa ma aasifiko Hala, Habor, Hara ku Gosan okle kotoko, nfa basi diɛbase di miɛ dii le mmle nɛ.