Corpo é o templo de Deus
O corpo do cristão é templo de Deus. Ele habita em nós pelo Espírito Santo, fazendo do crente morada viva e sagrada do Altíssimo.
Templo do Deus vivo
Vós sois o templo do Deus vivo. Deus disse: habitarei neles e entre eles andarei. O criador mora em sua criação redimida.
Deenek, bi nɛ gu ɛnyɔɛpe náá, bi ɛ́ ndjaa-Zɛɛb, tin, Sisim Zɛɛb ɛ́ tɔ len. É di’enek, mot ɛ pul ndjaa-Zɛɛb ɔɔ, Zɛɛb aatwak nyɛ. Etɛɛ náá, ndjaa-Zɛɛb ɛ́ dɛɛ, tin yɛ ɛ́ biyɔ ɛ di ndjaa-Zɛɛb tak.
Bi ààgu náá, mɛnyel men ɛ́ ndjaa Sisim na Dɛɛ? Sisim di tɔ len ɛ, Zɛɛb nyɛy ɛmet ɛ nadjɛ bin Sisim tak. Tin, mɛnyel men tokapɛ yebɔ met. Zɛɛb naazebɔm bin nɛ boo mɛtaŋ. Tin, bi goka ɛ́ nɛ ɛdjɛ Zɛɛb duu nɛ mɛnyel men dáa ye di egoka ɛ.
Yak mbi ɛgwakel aadi pak ndjaa-Zɛɛb nɛ mendjaa mɛ bɛnaghisɛ, bot ɛ di ààdum koŋ nɛ Zɛɛb ɔ? Tin, menaka ɛ́ ndjaa-Zɛɛb di nɛ tsik ɛ! Gwakeka sa Zɛɛb nyɛy nyɛ ɛmet nalɛɛ ɛ:
«Mɛ aadidi ɛ́ bis nɛ bɛnɔɔ,
mɛ aagegyee ɛ́ bis nɛ bɛnɔɔ,
mɛ aadi ɛ́ Zɛɛb’ɔɔ,
bɔɔ aakadi ɛ́ bot bam.»
Dáa ye di deenek ɛ́, biyɔ bot ɛ di ààbɛ bot ɛ mbyak eYuda ɔ, bi tokapɛ bɛdjoŋ. Bi tokapɛ bot ɛ dus pɛ kyee mɛdhik mɛ sis ɔ. Bi moo ɛ́ bot ɛ mbyak edɛɛ. Bi moo ɛ́ bot ɛ mɛbyel ɛ Zɛɛb. Bi moo ɛ́ dáa ndjaa di náá, ghus-zumal tak ɛ́ bot ɛ lwoma nɛ bɛngoolel ɛ Mɛkpa ɛ Zɛɛb ɛ. Yezu Klisto, nyɛy ɛmet kadi ɛ́ ɛkok di epyet ndjaŋ ɛ. Yɛ ɛ́ sama nɛ Klisto ɛ mɛkok mɛ zumal djas di epyet ndjaa. Ndjaa tak sumel ɛ́ étɛp ye needi di, Ndjaa-ebuwa na Dɛɛ yii Ghɛŋ. Tɔ ɛgwakel ɛ len nɛ Yezu Klisto, biyɔ pe, bi ɛ́ bot ɛ zumal ndjaa-Zɛɛb. Tin, zɛɛga nɛ bɔn-nyɛɛg bin djas, bi moo ɛ́ ndjaa-Zɛɛb aadi tɔ tak é ze Sisim yɛ ɛ.
Mendjaa djas sumaa ɛ́ nɛ mot, ghuna, Zɛɛb ɛ́ di mot di esum esonok djas ɔ. Yɛ kabɛ Moiiz ɔɔ, nyɛ nabɛ ɛ́ sosoob tɔ ndjaa-Zɛɛb djas. Nyɛ nabɛ ɛ́ mot-mɛsa di egoola etɛp e Zɛɛb nadi elɛɛ ɛ. Tin, Klisto ɛ́ sosoob dáa Mɔn di náá, Sɛɛg naadjɛ nyɛ ekukuma ɛdjɛɛd ndjaŋ’ɛ ɔ. Bela náá, ndjaŋ’ɛ tak ɛ́ menabɛlka, yɛ bɛ náá, mena ɛpebaalka ɛdum ɛ koŋ nɛ Zɛɛb nɛ ɛbwaalel mena dika nɛ mɛmyaala kɔ ɛsu ɛ tak ɔɔ.
Yɛ kabɛ Moiiz ɔɔ, nyɛ nabɛ ɛ́ sosoob tɔ ndjaa-Zɛɛb djas. Nyɛ nabɛ ɛ́ mot-mɛsa di egoola etɛp e Zɛɛb nadi elɛɛ ɛ. Tin, Klisto ɛ́ sosoob dáa Mɔn di náá, Sɛɛg naadjɛ nyɛ ekukuma ɛdjɛɛd ndjaŋ’ɛ ɔ. Bela náá, ndjaŋ’ɛ tak ɛ́ menabɛlka, yɛ bɛ náá, mena ɛpebaalka ɛdum ɛ koŋ nɛ Zɛɛb nɛ ɛbwaalel mena dika nɛ mɛmyaala kɔ ɛsu ɛ tak ɔɔ.
Cristo em nós
Já não sou eu quem vive, mas Cristo vive em mim. A presença de Deus no crente é privilégio e responsabilidade sagrada.
Deenek, mɛ di nɛ tsik mos ɔɔ, ye tok mam di nɛ tsik, yɛ ɛ́ Yezu Klisto ɛ di nɛ tsik tɔ lam. Etɛɛ náá, tsik mɛ kadi nɛ yɛ mos kɔ ɛko ɛ bɔs’ak ɛ, yɛ ɛ́ kɔ ɛsu ɛ ɛdum ɛ koŋ ɛ lam nɛ Mɔn ɛ Zɛɛb, mot nakwyɛl mɛ, da djɛ tsik’ɛ étɛp mɛ neetsak ɔ.
Tin, Yezu eezɛbɔɔza nɛ nɛ náá: «Mot di ekwyɛl mɛ ɔ, nyɛ waakɛ dáa mɛ di elɛɛ ɛ. Tin, Saagam ɛ́ waakwyɛl nyɛ. Bis nɛ Saagam ɛ́ waazyɛ pɛ daa lɛ, bis aadi nɛ nɛ sama.
Djhookunaaka nɛ Zɛɛb
É di’enek, bɔn-nyɛɛg bam, menaka ɛ́ nɛ ɛbwaalel náá, mena waanika tɔ Di na Dɛɛ dhaa nyel, kɔ ɛsu ɛ ghiya ɛ Yezu naso tyee buwa ɛ. Nyɛ naazedii mena ze na bes di nɛ tsik ɛ, nyɛy nyɛ ɛmet ɛ́ nadhaa é ze boo lɛmbɛ na pip-pip ndjaa-Zɛɛb, ye kwyɛl ɛlyaal ɛ́ nyel’ɛ met. Tin, menaka ɛ́ nɛ boo ghaa-Zɛɛb, mot di kukuma di edjɛɛd ndjaa-Zɛɛb ɔ. Djhookunaaka nɛ Zɛɛb, nɛ lyem wat, nɛ ɛdum ɛ koŋ nɛ Zɛɛb zepyet ɛ, etɛɛ náá, ghiya ɛ Yezu eezegwyii embee esiiza ee di tɔ bhum elyem bena ɛ, dɔɔ nɛ mɛnyel mena eezegwyiiel nɛ tɛtɛ mɛdii.
Yɛ kabɛ biyo ɔɔ, bi ɛ́ bot ɛ mbyak Zɛɛb natɔ ɔ, zɛɛga bɛghaa-Zɛɛb ɛ Mɛkoozi, mbyak na dɛɛ. Deenek, bi ɛ́ mbyak Zɛɛb naazesɛ́ɛ étɛp ɛlɛɛ eboo esa ee nyɛ nasa ɛ. Tin, nyɛ nawyisal bin tɔ ghooghom ɛ́, étɛp ɛdjɛɛd ɛ́ bin pɛ gwyɛ yɛ di ɛ.