Corpo
O corpo é templo do Espírito Santo. A Bíblia ensina a cuidar do corpo com responsabilidade, moderação e respeito — honrando a Deus com nosso ser integral.
Templo do Espírito
Vosso corpo é templo do Espírito Santo. Glorificai a Deus no vosso corpo — ele não é vosso, foi comprado por preço.
Ku shina nkye nkiku e ma anya zunwa Aworo nsuseki, Aworo de Mirikisi ba ku? Ku shina nkye nki aku ema na ku aba; Mirikisi see ku, nkayomu ku bowuta Mirikisi ni nki ku.
Sede ni ma poro nki na, ni la yi ema bunwa na sobon de kede a beyi de ni gye worosu manki Mirikisi, Eni nkiya na nlesa nani wuta ni tatarigye de ni yi.
Ko na la mbode ni manshi guru ba potoruwa ni kuma beyi nki na de su shuwuta e yi. Nde niman so ni yayiwa na ba, ba ni nnani wuta anya Mirikisi ba.
Guru amu su yi mu tunkwasa a siki ni Aworo daa a siki nki daa, ko Yawudawa ko worede su ma Yawudawa ba, ko bunwa ko worede su ma bunwa ba, guru amu mu sha dege siki Aworo daa.
Mu mani ganga nki nyowa a siki nki daakaka, guru ganga nki mu mani ankisu mbombom de su meyi, yomuna kode mu man nyowa a siki Kiristi sede mu ma nki ndandaa la, kowoni daa mu muma ganga nki yayiwa mu la.
Cuidar do corpo
O exercício físico é proveitoso, mas a piedade tem promessa para a vida presente e futura. Cuide do corpo com sabedoria.
Kode poro nki e mani ampani, sede nde ki mani ali yiri ni Mirikisi e mani ampani pi mbo guru, e ma keyi anabirika te nja zunwa ni kuzukam nja leyi nsu zo.
Corpo e espírito
O espírito está pronto, mas a carne é fraca. Não vos preocupeis com o corpo — a vida é mais do que alimento.
<<Ku kone nja de ku yi lepa sobon kede ku puari a siki ni gwada ba. Aworo e yeda sede nki seni.>>
Nde ndani ke te sakye de ka yi lepi, butu yi kutiri. E pi de ki lesa ganga nki ke da nja de guru nki ke yaa te a gizi wuta Mirikisi.
<<Nkaa yomu Na gye ku, kede ku damu a kiya ni leyi ku, mbo de kwa si ko mbo de kwa sha; ko keyi de kwa sa nki ku. Leyi ku pi mbo si, nki ku pi keyi bo?
Kede ku zi womba worede sua kisa nki ku sede sua kisa leyi aku ba; sede ku zi womba Mirikisi, e shi de yaa kisa nki aku nja leyi aku de ala kutiri te siki wuta.
De ntani dupu Nyowa tala, ari su ma takada nki asu, Yesu para yi beta nja yayagizi yi, nkye: <<Ku kula yisti ni Parisiyawa, munabuki. Ba mbode su ripe de sua bure yi ba, ko mbode e ma a boyi de sua ki shina ba. Mbode ku pala a siki dopuwa sua zi yi a pili nde geri shekeri, nja mbo de ku pala a kuni a siki laki de ku ripe sua pala yi a kiya lenda laki.
<<Oboki na, Na gye ku, kede ku zi womba ni nsu kisa nki a beyi de su kisa sua yi yaa yi mbodaa nshi ba. Sede Eni ma gye ku nsu de kwa yi womba yi: ku yi womba Mirikisi, de a beyi de e kisa nki aku, e kwa mani yiko de yaa la nki aku kutiri a siki wuta. Na gye ku e shiya ma nsude ku yi womba yi. Yaya ogbanjo biyari na su ma la see toro bi bo? Nzun yomu Mirikisi moshi nja daa asu ba. Yomu, ko gesa kiya aku ma su kiriga su guru. Kede ku zi womba; nkaa ku pi yaya ogbanjo dereja.
<<Na gye ku, du nsude gye ntani nkye su yeda nja ni, Yaa Nsebeki ma yaa nkye e yeda nja shi a geba meleku ni Mirikisi. Sede nsude ki ni a geba ntani e ni ma na ki yi a geba ni meleku ni Mirikisi. Guru nsude yi beta ni saba a kiya ni Yaa Nsebeki sua yape yi, sede nsude saba Aworo ni Mirikisi sua yape yi ba.
<<Nde su keyi ku zo a geba ni toree kolonwa, ko a geba nsu yiko ku, ko a geba nsu solota, kede ku da mu sobon yiri de kwa butu kiya aku ko mbode kwa pala, A kwanki ni Aworo ni Mirikisi yaa kokoyi ku mbode kwa pala.>>
Nse daa a siki ntani gye yi nkye, <<Male, gye yayiwa na de e laba lobo ni gado de adaa mu muntu bila mu nsi.>> Yesu keleba nkye, <<Oboki, waa sani ma nsu shiriya ko nsu laba ku keyi de adaa ku muntu bila ku nshi?>> Se Yesu gye su nkye, <<Ku kone! kede kuma nsu opu ni mbo durinya; sobon nyowa ni mbo durinya e shina ma samu leyi ba.>>
Yesu gye su abenshi mu: <<Bikiya ni nseminji daa nsu mbo a nani bayi yaya nkyawu. E yi tunani a dishiya e yi, <Minana na yi? Ni ma ni rigogo totolo de na nya ka yi bikiya na ba.>
<<Se e pala nkye, <Damu na ma mbode Na yi. Na juru rigogo na de ni yi daa totolo, anya ni Na tala guru mbo bikiya nja keyi de ni ma nshi. Na gye la yi na nkye, <<Ki mani mbosi Nyowa de yaa la ke shekera Nyowa. Zuzunwa de ki pushe, ki si, ki sha, nja ki yi peri siki.>>>
<<Sede Mirikisi gye yi nkye, <E ke Odundu! A siki dederi mu ka muntu. Ma geni ko waa yaa si keyi de ki tala mu.>>
<<Yesu karikye nkye, Yomuna yaama nja dun nsude e tala mbo ba kiya e yi sede anya ni Mirikisi e mani mbo nani ba>>.
Se Yesu gye yayagizi e yi nkye: <<Nkaa yomu Na gye ku, kede ku da mu ni leyi aku, mbode kwa si; ko a kiya ni nki aku, mbode kwa saa. Leyi aku pi mbosi, nja nki pi keyi de kwa saa. Ku kone nsunsuwa: Su ma nunkwa ko tala mbosi ba, su mani laki ni tala mbosi ko rigogo ba; nzun yomu Mirikisi ma si nsu. Oku ku pi nsunsuwa dereja bo! Waa a siki aku sobon damuwa de e ma shi yaa yi yaa ja kiya e yi keripi daa a siki leyi e yi? Tunde kwa yi yaa yi mbo dende mu ba, mina sa de kuma damu a kiya mbo de rigye?
<<Ku kone yiri de pure ma girima. Sua yi ANKI ba ko dunki ba. Nzun yomu Na gye ku ko Seleki Sulemanu ni guru girima e yi e taba sa keyi de kyawu pi daa a siki genya woromu ba. Nde yomu na Mirikisi ma sa sanwa ni denka riga, sanwa de su ma leyi yawu, gobe a suwuta su a siki kongo wuta, birishi oku de yaa sa ku riga, oku nsu beigaskye piri! Kede ku sa dishiya aku a siki mbode kwa si ko kwa sha; kede ku da mu a kiya yi. Ko worede su ma ni durinya su ma bila yiri mbo woromu du, Adaa ku de ma a siki bisi shina nkaa kuma so su. Sede ku para bila solota ni Mirikisi npari, se guru mbo worosu mu sua ba ku.
<<Kede ku yi womba, gerike dende, Adaa aku ni siki bisi e mayi perisiki de e ba ku solota ni bisi. Ku la mbode ku manshi guru la see de ku gyolo ba potoruwa. Ku tala kiya ku mbo nani anya yaa bebeta ba, ku tala kiya mbo nani ku a bisi anya de bebeta, sobon de ba bolowa de yaa te kwa yi ku nshi ba ko gana yaa bebeta ku nshi. Anya de mbo nani ake ma, ayan na dishiya ake yaama.
<<Kuzukam nshiri sobon ANKI kuma ku bila pitila ku si geba ni asikye, Ku ma Kankye bunwa de su ma pekye nsugizi asu de e zo dege anya buki amere, kwanki de e te zo kwala sua bure yi kopa. Yaama mbo perisiki la anya bunwa worede nsugizi asu zo sa nsu sua yi kwana ba su ma pekye nyi ari kwanki de e zo. Na gye ku gaskye, yaa butu riga de e sa, e gye su de su zuzunwa a kingbolo de su si mbosi nsugizi asu mu nkiya e yi yaa keyi su mbosi. Bunwa mu su ma nsu anabirika na nde e zo sa nsu su ma pekye yi, ko e zo nsisika dederi ko ni sasape e zo sa nsu su ma pekye yi. Sede ku shina da mu: Nde nsu gizi yaa shina kwanki de bolowa yaa te zo a gizi e yi, yaa Bele yi de e yuru e bebeta yi gizi ba. Oku ma ku zunwa nshiri, sobon Yaa nsebeki yaa zo a kwanki de ku shina ba.>>
Biturusu minya Yesu, <<Obagizi, ki ma gye mu na abenshi mu, ko kowon nse na?>>
Obagizi keleba, <<waa ma bunwa mu nsu aminshi nja nsu simi mu, de nsugizi e yi yaa sayi de e kone gizi yi e kuma ba nsu bunwa yi mbosi asu a kyakya kwanki? Yaman mbo perisiki anya bunwa mu de nsugizi e yi yaa zo san shi mayi ANKI a kwanki de e kuma beyi. Na gye ku gaskye, yaa sa bunwa mu de e kone yi mbode e man shi guru. Sede nde bunwa mu yi beta a siki dishiya e yi nkye, <Nsugizi na zo seberi ba,> se e si geba nja dukwa bunwa menza nja bunwa mata mu e kuma sigeba nja si nja sha ari e bugu. Nsugizi ni bunwa mu yaa zo a nana nja kwanki de bunwa mu shina ba. Yaa yi bunwa mumungu dukwa yaa kuma la yi sa nja worede su nja mere beigaskye ni Mirikisi.
<<Bunwa de shina mbode nsugizi e yi ma so de e yi se e yi ba e kuma yi mbode nsugizi e yi ma so ba sua yi poro soseyi. Sede daa de shina mbode nsugizi e yi nkye e yi ba e kuma yi mbode sua dukwa e yi sua dukwa e yi piri. Dege anya nsude su beyi nyowa, sua bila nyowa dege anya e yi; nsude kuma su beyi mbo nsu yowa soseyi sua, keleba mbo nsu yowa soseyi anya yi.
<<Wuta Ni zo nshi de ni sa a durinya, so na la de su wula wuta ni wo! Sede Ni mani tunkwasa de sua yi ni nshi, na sayi a siki dishiya na ari se e sika! Kuma yi tunani Nka ni zo ni selema na a durinya? Ayi, Na gye ku gaskye, laba kiya na ni zo nshi. Dege kuzukam ntani biyari sua ma a gizi daa sua laba bi, wuku sua yi geba nja bi bi sua yi geba nja wuku. Adaa yaa yi geba nja yaa yi yaa yi geba nja adaa e yi, amaa yaa yi geba nja yaa ni mase yaa mase yaa yi geba nja amaa e yi, amaa ni minzi yaa yi geba nja mata yaa mata ni yaa kuma yaa yi geba nja amaa ni minzi e yi.>>
Yesu gye ntani nyowa: <<Nde ku geni bisi juyi beki butu anyema, dandani kwa nkye, <riki yaa zo,> Yomu na sua yi riki. Nde ku zi akusuka wula butu a kudu, kuma nkye sua yi dimi, Yomu na sua yi. Munabuki! Ku yi yaa pala yiride kisi nja bisi sua juyi. Sede mina sa de ku yi yaa pala alama ni kuzukam ba?
Mina sa oku Nkiyaku kwa yi shiriya ni mbo de man kyakya de kwa yi ba? Nde oboki geba ake keyi kara ake te a laki shiriya, yi kokori de ku shiriya nja shi tunde kuma a kiya turiki, nde ki ki yaa keyi ke te anya jakada, jakada yaa keyi ke te anya yaya gwala, yaya gwala yaa la ke sa a siki jaru. Na gye ke, ka taba butu ba se ki beyi karishe ni toro de ki manshi kpataka.>>
União e harmonia
O corpo é um só, mas tem muitos membros. Cristo é a cabeça; a paz de Cristo governe em vossos corações.
Omu nsubiya Yesu mu ma nki daa muma Aworo daa, yomu na ku mani sadishiya daa de su sukwa ku sobon nshi,
Oku mata amere, ku ba menza aku girima yiri de kwa ba Obagizi. Sobon yaa minzi mani yiko a kiya mata yi yiride Kiristi mani yiko a kiya nsubiya yi woto, nki yi, de e shi ma nsu sila su.
Bila de selema Kiristi yi solota a siki dishiya ku, tunde kuma nki daa na Mirikisi sukwa ku de ku yi zunwa selema. Ku ma nsu gbede Mirikisi kowoni nana.
Nkayomu mu butu dishiya ba. Kode nkimu yaa bebeta, nzun yomu kowoni nana aworo amu yaa ma sabuwa.
Kiristi nkiya yi la lepi mu e muntu a gidiri, sobon de ali mu ni lepi e muntu de mu zunwa ni gangasi anya Mirikisi; sobon suwo de zi na mu samu worikye.
Guru amu mua yi kusukuri a turiki nyowa. Nde nsude yi lepi a siki mbo de yaa pala ba, e sika nsebeki naka, yaa kpanku nki e yi guru.