1 ፆሳይ ኮይሮ ሳሎታነ ሳአ መስ። 2 ሄ ዎደ ሳእ ጊጎናነ አይብካ ባይና መላ ደኤስ። ም ቢታ ማእዳ ዎልቃማ ሃታ ቦላ ደኤስ። ፆሳ አያናይ ሃፈ ቦላራ ቃፄስ።

26 ሄሳፈ ስምን፥ ፆሳይ፥ "አሰ ኑና ዳንስድ አነ መኦስ። ኤንቲ አባ ሞሉዋ፥ ሳሎ ካፎታ፥ ቢታ ቦላ ዎፅ ቃፅያ መተ ኡባ ሃሮ" ያግስ።

27 ሄሳዳ ፆሳይ አሰ ባና ዳንስድ መስ። እ አሰ ፆሰ ዳንስድ መስ፤ ኤንታ አደነ ማጫስ ኦድ መስ።

3 ፆሳይ ላፑን ጋላሳን ባ ኦያ ኦሱዋ ኦንግድ ሸምፕዳ ግሾ ሄ ጋላሳ አንጅስ፤ ጋላሳታፐ ዱማይስ።

18 ሄሳፈ ጉየ፥ ጎዳ ፆሳይ፥ "አደይ ባርካ ደኤይስ ሎኦ ግደና። ታኒ እያ ማዳና መላ እያዉ እንጀትያ ላገ መና" ያግስ።

6 ጎዳ ቃላን ሳሎት መትዶሶና፤

እያ ዶናፐ ከይያ ሸምፑዋን

ሳሎን ደእያ መተት የለትዶሶና።

2 ደረት መታናፐ ካሰ፥

ሳእ ኦሰታናፐ ካሰ፥

መርናፐ መርና ጋካናዉ ነ ፆሰ።

6 ሃይተ፤ አነ ጉፋንድ እያ ጎይኖስ፤

ኑና መዳ ጎዳ ስንን ጉልባቶስ።

1 ታዉ ማዶይ አዉፐ ያነ ጋዳ፥

ታኒ ደረታኮ ፄላስ።

2 ታዉ ማዶይ

ሳሎነ ሳኣ መዳ ጎዳፐ ዬስ።

8 ሳሎነ ሳኣ መዳ፥

ጎዳ ሱንን ኑስ ማዶይ ዬስ።

24 ሀይስ ጋላሳይ ጎዳይ ኦዳ ጋላስ፤

አነ ኑኒ እያን ኡፋይቶስነ እልሎስ።

13 ኔኒ ታ ግዶ አሳተ መዳሳ፤

ታ አየ ኡሎን ታና ኔኒ ትላዳሳ።

14 ኔኒ ታና ማላልስያባነ

የገልስ ኦዳ መዳ ግሾ፥

ታኒ ነና ጋላታይስ።

ነ ኦሶት ማላልሴስ!

ታኒ ሄሳ ሎይዳ ኤራይስ።

28 ኤራብኪ? ስአብኪ?

ጎዳይ መርና ፆሳ፤

ቢታ ኡባ መዳይ እያ።

እ ዳቡረና፤ ዎይኮ አርጋጨና፤

ኦንካ እያ ቆፋ ኤራናዉ ዳንዳኤና።

9 ባና መዳይሳራ ፓላምያ ኡራ አየ!

እ ሳአን መቅድ ዎዳ

ኦቶፐ እሱዋ መላ።

ኦቶይ ባና መይሳኮ፥

ኔኒ፥ "አይ ኦይ?"

"ነዉ ኩሸይ ባዋ" ያግዬ?✝

17 "አቤት ኡባ ሃርያ ጎዳዉ፥ ነ ሳሎታነ ሳኣ ነ ግታ ዎልቃንነ ነ ምጨትዳ ኩሸን መዳሳ። ነዉ ዳንዳኤቶናባይ ባዋ።

6 ባ ኬ ሳሎን ኬፅዳይ፥ እያ ባሱዋ ሳአን ኤስዳይ፥ አባ ሃ ፄግድ፥ ቢታ ቦላ ዱገ ቡክሰይ፤ እያ ሱንይ ጎዳ።

36 ኡባ እ መስ፤ ኡባይ እያን ደኤስ፤ ኡባይ እያ ቦንቾሳ። ፆሳስ መርናዉ ቦንቾይ ግዶ። አምንእ።✝

20 አላመይ መቶሳፐ ዶምድ፥ አሳስ በንቶና ፆሳ ካንዶይ፥ ሄስካ እያ መርና ዎልቃይነ ፆሳተይ እያ መተን ቆንጭድ ደእያ ግሾ፥ አሳይ ባንታ ኢታተስ ጋሶያባይ ባዋ።

19 መተ ኡባይ ፆሳ ናይታ ቆንጨ ዳሮ ላሞትድ ናጎሶና።

17 ሄሳ ግሾ፥ ኦንካ ክርስቶሳን ደእኮ ኦራ መተ፤ ጋልአ መተይ አስ፤ ኡባይካ ኦራ ግድስ።

10 ኑኒ ፆሳ መተ፤ እ ኑስ ካሰትድ ጊግስ ዎዳ ሎኦ ኦሶታ ኦና መላ ክርስቶስ የሱሳ ባጋራ ኦራ መትዳ።

18 ኑኒ፥ እያ መተስ ኮይሮ ግዳና መላ ኑና ቱማ ቃላን ባ ሸነን የልስ።

4 እስ እስ ኬ ኬፅዳ አስ ደኤስ፥ ሽን ኡባ ጊግስዳይ ፆሳ።

28 ህንተፈ እስ እስ የፀይሳት፥ ‘ኑኒ እያ ናይታ’ ግዳይሳዳ፥ ‘ኑኒ እያን ፓፃ ደኦስ፥ ቃፆስ።’

13 ሄሳፈ ጉየ፥ ሳአን፥ ሳሎን፥ ሳአፐ ጋርሳንነ አባ ግዶን ደእያ መተ ኡባይ፥

"አራታ ቦላ ኡትዳይሳስነ ዶርሳስ፥

ጋላታይ፥ ቦንቾይ፥ ሳብነ ዎልቅ፥

መር መርናዉ ግዶ"

ያግድ የፅሽን ስአስ።