Dependência
A dependência de Deus é o caminho da verdadeira liberdade. Sem Cristo, nada podemos fazer. Mas em Deus encontramos sustento, direção e força para todo desafio.
Sem Ele nada podemos
Sem mim nada podeis fazer. O cristão que se desconecta da videira seca — mas o que permanece dá muito fruto.
आऊँ अँगूरा री बेल ए, तुसे डाल़िया ए, जो मांदे बणेया रा रओआ और आऊँ तेसरे, तिदे बऊत फल़ लगोआ, कऊँकि मांते लग रई की तुसे कुछ पनि करी सकदे।
ओ परमेशर मेरी रक्षा कर,
कऊँकि मेरा परोसा सिर्फ तां ई पाँदे ए।
आऊँ जाणूंआ कि यहोवा मां साथे ए।
से मेरे नेड़े ई ए; इजी री खातर कुछ बी माखे चिन्ता करने री गल्ल नि ए।
जे कअरो खे प्रभु नि बणाओ, तो तिजी खे बनाणे वाल़े माणूंए री मईणत बेकार ऊणी।
जे प्रभु शईरो री रक्षा नि करो, तो पईरेदारो रा जागणा बेकार ई ऊणा।
म्हारे बुजुर्ग ना तो आपणी तलवारी रे बलो ते एते देशो रे अक्कदार ऊए ओर ना ई आपणी बांई री तागती साथे;
बल्कि तेरे दाँणे आथ ओर तेरी बां ओर तेरे खुश मुंए रिया बजा ते जीती गे; कऊँकि तूँ तिना ते खुश था।
यहोवा आपू ई तुसा रिया तँईं लड़ना, इजी री खातर तुसे चुपचाप रओ।"
Depender do Senhor
Confia no Senhor de todo o coração e não te estribes no teu próprio entendimento. Em todos os caminhos o reconhece.
तैं आपणियां समजा रा साअरा नि लणा,
बल्कि पूरे मनो ते यहोवे पाँदे परोसा राखणा।
तुसे जो कुछ बी करोए तिदे यहोवे खे याद राखो,
ओर तेस तुसा खे सई बाट दखाणी।
माणूं आपणी योजना बणाओए,
पर यहोवा पक्का करोआ कि आसा केई जाणा।
माणूंए रे मनो रे बऊत सारिया इच्छा ओईया,
पर जो योजना यहोवा करोआ, सेई बणी दी रओई।
जो पैसा यहोवे रिया आशीषा ते मिलोआ,
तिदे से दु:ख नि मलांदा।
मेरा शरीर ओर दिल चाए दोनो आरी जाओ;
पर परमेशर, तूँ सदा मेरे दिलो री चट्टान ओर इस्सा ए।
ओ स्वर्गिय सेनाओं रे प्रभु परमेशर, आसा खे जिंयाँ का तिंयाँ करी दे
ओर आसा पाँदे दया कर, ताकि आसे आपणे दुश्मणा ते बची जाईए,
मां आपणियां आखी पाह्ड़ा रिया तरफा खे लगाणियां।
माखे मताद केथा ते मिलणी?
माखे मताद प्रभुए रिया तरफा ते मिलोई,
जो सर्ग ओर तरतिया खे बनाणे वाल़ा ए।
यहोवा तेरी रक्षा करने वाल़ा ए,
ओर से ना तो सऊणा ओर ना तूँ रूड़ने देणा।
जेबे मैं बोलेया, "मेरा पैर खड़ीसणे लगी रा,"
तेबे ओ प्रभु, तेरी करूणे माखे साअरा दित्तेया।
मैं मुसीबता दे परमेशरो खे आका पाईया,
यहोवे माखे उत्तर दित्तेया ओर आऊँ मुसीबता ते छुड़ाया।
प्रभु माखे चराणे वाल़ा ए,
माखे कोई कमी नि ऊणी।
से माखे अरी-परी काओ री जमीना दे राम कराओआ;
से माखे शांत झरने रे कनारे पाँदे लई जाओआ।
Contentamento e confiança
Aprendi a viver contente em toda situação. A dependência de Deus nos livra da ansiedade e nos firma na paz.
ये नि कि आऊँ आपणी कमिया री बजअ ते ये बोलणे लगी रा, कऊँकि मैं ये सिखी राखेया कि जेते दशा रे आए, तिदे ई तसल्ली राखूँ।
कऊँकि आऊँ तेरा परमेशर यहोवा ए, मां तेरा दाँणा आथ पकड़ी की बोलणा, "डर नि, मां तेरी मताद करनी।"
से थके रेया खे तागत देयोआ ओर कमजोरा खे शक्ति देयोआ।
आपू बीचे एक जेड़ा मन राखो, कमण्डी नि बणो। पर गरीब लोका साथे संगति राखणे खे सदा त्यार रओ। आपणी नजरा रे अक्लमंद नि ओ।
कऊँकि जेड़े म्हारे एक ई शरीरो रे बऊत अंग ए और सबी अंगा रा एक जेड़ा काम निए, तेड़ा ई आसे जो बऊत ए, मसीह रे एक शरीर ऊई की आपू बीचे एकी दूजे रे अंग ए।
और जो लोक पापमय शारीरिक दशा रे, सेयो परमेशरो खे खुश नि करी सकदे।
इजी खे कालकी चिन्ता नि करो, कऊँकि काल का जो दिन ऊणा, तेस आपणी चिन्ता आपू करी लणी, आजो खे तो आजका दु:ख ई बऊत ए।"
ना तो आऊँ कुछ ए ओर ना ई मेरी प्रजा कुछ ए। आसा दे इतणी तागत नि ए आसे आपणिया मर्जिया ते ताखे कुछ पेंट देई सकिए। तांते ई आसा खे सब कुछ मिलोआ ओर आसे तांते ई लया ओर ताखे ई दित्तेया।