7 ओ मेरे प्यारेओ! आसे आपू बीचे प्यार राखिए, कऊँकि प्यार परमेशरो ते ए। जो कोई ओरी ते प्यार करोआ, से परमेशरो ते पैदा ऊई रा और परमेशरो खे जाणोआ। 8 जो कोई ओरी साथे प्यार नि राखदा, से परमेशरो खे नि जाणदा, कऊँकि परमेशर प्यार ए।

10 प्यार इजी ते नि कि आसे परमेशरो ते प्यार कित्तेया, पर इजी रे ए कि तिने आसा ते प्यार कित्तेया और आसा खे पापो ते छुड़ाणे खे आपणा पुत्र बलिदान ऊणे खे पेजेया।

15 जो कोई ये मानी लओआ कि प्रभु यीशु परमेशरो रा पुत्र ए, परमेशर तेसदे बणेया रा रओआ और से परमेशरो रे 16 और जो प्यार परमेशर आसा साथे राखोआ, तिजी खे आसे जाणी गे और आसा खे तिजी पाँदे विश्वास ए कि परमेशर प्यार ए, जो प्यारो रे बणेया रा रओआ, से परमेशरो रे बणेया रा रओआ और परमेशर तेसरे बणेया रा रओआ।

19 आसे इजी री खातर परमेशरो खे और ओरी खे प्यार करूँए, कऊँकि पईले परमेशरे आसा ते प्यार कित्तेया।

16 "कऊँकि परमेशरे दुनिया रे लोका ते एड़ा प्यार कित्तेया कि तिने आपणा एकलौता पुत्र देईता, ताकि जो कोई तेस पाँदे विश्वास करो, से नाश नि ओ, पर अनन्त जीवन पाओ।

8 पर जेबे आसे पापी ई थे, तेबुई मसीह आसा री खातर मरेया। इजी ते परमेशरे आसा रिया तँईं आपणे प्यारो रा सबूत दित्तेया।

4 पर परमेशरे जो दया रा धनी ए, आपणे तेस बड़े प्यारो री बजअ ते, जेतेते तिने आसा साथे प्यार कित्तेया। 5 जेबे आसे पापो री बजअ ते मरे रे थे, तो आसे मसीह साथे जिऊँदे कित्ते। परमेशरो री कृपा तेई तुसा रा उद्धार ऊई रा।

15 पर तूँ, ओ प्रभु, दयालु ओर कृपा, देरिया ते गुस्सा करने वाल़ा,

करूणा ओर सच्चाईया ते परेया रा परमेशर ए।

7 ओ परमेशर, तेरी करूणा कितणी कीमती ए!

माणूं तेरे पंखा रिया छाया रे शरण लओए।

3 कऊँकि तेरी अटल प्यार जिन्दगिया ते बी खरी ए,

मां आपणे मुंए ते तेरी तारीफ करनी।

1 प्रभुए रा तन्यवाद करो, कऊँकि से पला ए

ओर तेसरी करूणा सदा री ए।

18 ओ यहोवा, तेरे जेड़ा कोई परमेशर नि ए; तूँ तिना लोका रे पापा खे माफ करेया जो बची गे दे ए, मतलब तेरे लोक। तूँ सदा गुस्से दे नि रंदा; तूँ आसा खे ये दखाणे दे बऊत खुश रओआ कि तूँ आसा ते सच्चा प्यार करेया।

11 ओ साथी विश्वासियो, आँऊ इना शब्दा साथे आपणी चिट्ठी बन्द करूँआ। खुश रओ, सिद्ध बणदे जाओ, एकी दूजे खे औंसला देंदे रओ, एक ई मन राखो, मेल-मिलापो साथे रओ। तेबे प्यार और शान्तिया रा परमेशर तुसा साथे रणा।