7 हे ट्लारव, अस एक्‍की होरि सेइं प्यार केरम; किजोकि प्यार परमेशरे करा आहे, ज़ै कोई प्यार केरते, तै परमेशरेरो बच्‍चोए, ते परमेशरे ज़ानते। 8 ज़ै होरन सेइं प्यार न केरे, तै परमेशरे न ज़ाने, किजोकि परमेशर प्यारे।

10 प्यार इस सेइं नईं कि असेईं परमेशरे सेइं प्यार कियो, पन इस मांए, कि तैने असन सेइं प्यार केरो, ते इश्शे पापां केरे छुटकारेरे लेई अपनु मट्ठू भेज़ू।

15 ज़ै इन मन्ते, कि यीशु परमेशरेरू मट्ठूए, परमेशर तैस मां बनोरो रहते, ते तै परमेशरे मांए। 16 ते ज़ै प्यार परमेशर असन सेइं केरते, तै असेईं ज़ानो, ते असन तैस पुड़ विश्वासे, परमेशर प्यारे, ज़ै प्यारे मां बनोरो रहते, ते परमेशर तैस मां बनोरो रहते।

19 अस परमेशरे सेइं ते होरन सेइं एल्हेरेलेइ प्यार केरतम, कि पेइलो परमेशरे असन सेइं प्यार कियो।

16 "किजोकि परमेशरे दुनियारे लोकन सेइं एत्रो प्यार कियो कि तैनी अपनु एकलौतू मट्ठू दित्तू, ताके ज़ै कोई तैस पुड़ विश्वास केरे, तै नाश न भोए, बल्के हमेशारी ज़िन्दगी हासिल केरे।

8 पन परमेशरे अपनो महान प्यार एन्च़रे बांदो कियो, कि ज़ैखन असां पापी थिये तैखन मसीह इश्शे लेई मरो।

4 पन परमेशर ज़ै बड़ो दया केरनेबालोए; अपने तैस बड़े प्यारे सेइं, ज़ैस सेइं तैने असन सेइं प्यार कियो। 5 ज़ैखन अस पापां केरे वजाई सेइं मर्रे लोकां केरे ज़ेरे थिये, तैनी असन ज़िन्दगी दित्ती ज़ैखन तैनी मसीह मुड़दन मरां ज़ींतो कियो, परमेशरेरे अनुग्रहे सेइं तुसन मुक्ति मैल्होरीए।

15 पन प्रभु दया केरनेबालो ते अनुग्रह केरनेबालो

ते च़िरे सेइं क्रोध केरनेबालो ते बड़ो प्यार केरनेबालोए।

7 हे परमेशर, तेरी दया केत्री कीमतीए!

मैन्हु तेरे फंघां केरे छावी हैठ छ़पतन।

3 किजोकि तेरी दया ज़िन्दगी भर बड़ी रोड़ीए,

अवं तेरी तारीफ़ केरेलो।

1 यहोवारू शुक्र केरा,

किजोकि तै भलोए,

ते तैसेरो प्यार हमेशारोए।

18 हे यहोवा, तेरो ज़ेरो एरहो परमेशर कोड़िए ज़ै पाप माफ़ केरे, ते अपने हिस्सेरे बच़ोरे लोकां केरे पाप माफ़ केरते? तै अपनो क्रोध हमेशारे लेई न रख्खे, किजोकि तै दयाई सेइं प्यार केरते।

11 हे ढ्लाव ते बेइनव, खुशी राथ, सिद्ध बनते राथ; एक्‍की होरि हिम्मत देथ; ते मेल मिलापे सेइं राथ, ते प्यार केरनेबालो ते शान्ति देनेबालो परमेशर तुसन साथी भोल्हो।