Deus é nosso refúgio
Deus é nosso refúgio e fortaleza, socorro bem presente nas angústias. Quando o mundo treme, o crente encontra paz sob as asas do Altíssimo.
Refúgio e fortaleza
Deus é nosso refúgio e fortaleza. Quem habita no abrigo do Altíssimo descansa à sombra do Todo-Poderoso.
Wurubuarɛ yɛna da keyeu kagyoo na de doŋ,
ɔ ne kyɔ daa debaŋ kamasɛ da wose kekyaŋ man.
Walaŋ ŋon ɔ kyaa Adidote ŋon dekyae man nɛ,
waa fɛɛfo Dekpataakpere ŋon wuluŋ tɛɛ.
Maa yako Degbeŋgyoo nyiaa, <<Nyaŋ yɛna me keyeu kagyoo na me gyeere,
me Wurubuarɛ ŋon mɛɛ mo ma wose lɔ ɔ dɔɔ.>>
Ampaŋ waa lɛɛ neŋ,
lee kɔtase nyɔɔre kɔta man,
na yeŋ kawee kamasɛ man.
Waa mo ɔ wona wuu n dɔɔ,
na n ke yeu kagyoo ɔ beŋkelɛɛ tɛɛ,
wa anokoare kedi yɛna n yoo nyeele pampasaŋ keŋ ne gyee neŋ.
Ao Degbeŋgyoo, me doŋ, mɛɛ gyae neŋ,
Degbeŋgyoo yɛna me kpanaŋ, na ma dekagya, na me lɛɛre,
me Wurubuarɛ yɛna me kpanaŋ ŋon mee yeu kagyoo,
ŋon yɛna me yoo nyeele pampasaŋ, na ma nyeekelɛɛ doŋ, na ŋon ɔ ne gyee maŋ.
Me baake Degbeŋgyoo ŋon kaboena nyi baa lese ɔ yele nɛ,
te ɔ lɛɛ maŋ lee me kɔlara nyiŋmaa man.
Me Wurubuarɛ, yela maa kyaa wose kefɛɛ man,
nawolo nyi nyaŋ te me yeuwɔ kaa gyoo.
Degbeŋgyoo yɛna ma keŋmaŋee na ma nyeekelɛɛ,
amɔte yaa maa yee?
Degbeŋgyoo te me yeuwɔ kagyoo,
amɔte ne gyaela waa ŋmaase maŋ.
Akpaa akpanyanyaŋtena de kaa wuu me dɔɔ,
nyi baa wɔlɛɛ maŋ nɛ,
me kɔlara na baŋ bɛɛ kɔla maŋ,
ne gyaela baa sarakee na baa lee yala.
Doo nyi yoonɔɔtena te kaa tɔ maŋ do koraŋ nɛ,
me wɔe be gyae ke lɔ maŋ ya,
nyi yoo da koro me dɔɔ nɛ,
keŋ gba te me wɔe ne fɛɛ maŋ.
Degbeŋgyoo, nyaŋ te me yeuwɔ kaa gyoo,
naa yele desɛŋ ke kyaŋ maŋ korakora ya,
lɛɛ maŋ lee n katenee keŋ dɔɔ.
See deŋele na n ke tei maŋ,
kɔŋ bileŋ kaa lɛɛ maŋ,
yɛɛ me kpanaŋ keŋ maa yeu kagyoo,
na dekyaŋ doŋte keŋ gyae ke lɛɛ ma nyee.
Nyaŋ yɛna me kpanaŋ na ma dekyaŋ,
lee n yele keŋ dɔɔ ta me siaman na n ke gyee maŋ.
Lese maŋ lee kɔta keŋ bɔɔ nyɔɔ maŋ nɛ man,
nawolo nyi nyaŋ yɛna me keyeu kagyoo.
Me ta mo ma nyeedoŋ do n nyiŋmaa man,
Degbeŋgyoo me Wurubuarɛ anokoarete lɛɛ maŋ.
Yɛɛ ma keyeu kagyoo kpanaŋ,
ŋon gyaŋ maa tale gyu debaŋ kamasɛ,
fa mmaraa na baa lɛɛ ma nyee,
nawolo nyi nyaŋ yɛna me kpanaŋ na me gyeere.
Proteção e segurança
O Senhor é a minha rocha e a minha fortaleza. Melhor é confiar no Senhor do que confiar no homem.
Dei nyi dee yeu kagyoo Degbeŋgyoo,
kela keŋ dɛɛ mo da wose lɔ denibalaŋ dɔɔ.
Dei nyi dee yeu kagyoo Degbeŋgyoo,
kela keŋ dɛɛ mo da wose lɔ kyaarabia dɔɔ.
Ampaŋ ma woo waa fɛɛfo Wurubuarɛ man,
me lookegyakaa na lee bo ɔ gyaŋ.
Ampaŋ ŋon yɛna me kpanaŋ na ma nyeekelɛɛ,
ŋon yɛna me gyeere, kolo be tale tɛɛse maŋ ya.
Ma nyeekelɛɛ na me gyoorobiiri lee Wurubuarɛ gyaŋ,
ŋon yɛna me kpanaŋ dekpataakpere, ŋon mee yeu kagyoo.
Ɛmɛɛ balaŋ, ɛ mo ɛ wose lɔ ɔ dɔɔ debaŋ kamasɛ,
ɛ yako e keŋ doo ɛ konɔɔ man,
nawolo nyi Wurubuarɛ yɛna da keyeu kagyoo.
Nyaŋ yɛna me doŋ, maa kpee nɔɔneŋ lese n yele,
nyaŋ Wurubuarɛ yɛna me gyeere,
me Wurubuarɛ ŋon maa tale mo ma wose lɔ ɔ dɔɔ.
Degbeŋgyoo, nyaŋ yɛna da keyeu kagyoo,
lee kalola kegyakaarese pou man.
Pɛ n ke yɛɛ bulase,
yaa tɛɛle kei pou nɛ,
na nyaŋ yɛna Wurubuarɛ kekpaakekpaa.
Degbeŋgyoo yɛna baŋ bɛɛ ŋere wɔ do nɛ keyeu kagyoo,
ŋon yɛna baŋ ba wose be kyaŋ wɔ nɛ keyeu kagyoo.
Baŋ ba gyeŋ n yele nɛ na mo ba wose lɔ n dɔɔ,
nawolo nyi nyaŋ Degbeŋgyoo, n te bɛɛta baŋ bɛɛ kɛo neŋ nɛ ya.
Ao Wurubuarɛ, n balaŋ kegyae keŋ taŋ ɔto ya nɛ na lee koya nideli.
Balaŋ ne yeu kaa gyoo n beŋkelɛɛ wuluŋ man.
Em todo tempo
O Senhor é bom e é fortaleza no dia da angústia. A torre forte do nome do Senhor protege os seus em toda circunstância.
Nyaŋ yɛna ayematena keyeu kagyoo,
baŋ bɔɔ dana kolo ya nɛ, keyeu kagyoo ba wose kekyaŋ man,
dayoe lee feliŋkum man,
weese kpalala man wuluŋ.
Tɔɔman ŋantena weesɛɛ,
yɛɛ ŋgba ɔga feliŋ ne gyɔɔna dekyaŋ nɛ.
Ɔ kamasɛ ŋon ɔ ne yee Degbeŋgyoo na sem keŋkeŋ,
keŋ gyae ke yɛɛ keyeu kagyoo fa ɔ bia.
Degbeŋgyoo gbɛɛneŋ yɛna keyeu kagyoo fa ŋon dukum be doo ɔ man ya,
mɔna ke yɛɛ kewɔlɛɛ fa baŋ bɛɛ yɛɛ nombia kumɛɛ nɛ.