Deus é nosso refúgio
Deus é nosso refúgio e fortaleza, socorro bem presente nas angústias. Quando o mundo treme, o crente encontra paz sob as asas do Altíssimo.
Refúgio e fortaleza
Deus é nosso refúgio e fortaleza. Quem habita no abrigo do Altíssimo descansa à sombra do Todo-Poderoso.
Imana ni yo buhungiro bwacu n’inkomezi
ni umufasha atabura guseruka mu magorwa.
Uwuba mu bwugamo bw’Iyisumbavyose
azokwama ari mu gitutu c’Iyishoboravyose.
Nzobwira Uhoraho nti: "Uri ubuhungiro bwanje n’igihome kinkingira,
uri Imana yanje nizigira."
Ni ukuri azogukiza
umutego w’umutezi
n’ikiza gihonya.
Azokubundikiriza amoya yiwe,
kandi uzohungira musi y’amababa yiwe;
ubwizigirwa bwiwe ni bwo buzokubera inkinzo n’icuma gikingira igikiriza.
Ndagukunda, Uhoraho, uri inkomezi zanje.
Uhoraho ni we gitandara canje, igihome canje kinkingira n’umutabazi wanje;
Imana yanje ni igitandara canje nihishamwo,
inkinzo yanje, n’ihembe ry’agakiza kanje, n’umunara mpungiramwo.
Nambaje Uhoraho, we abereye gushimwa,
na we ankiza abansi banje.
Unzigame, Mana yanje,
kuko nguhungiyeko.
Uhoraho ni we muco wanje n’agakiza kanje;
none notinya nde?
Uhoraho ni igihome kinkingira;
none ni nde yontera ubwoba?
Abanyakibi nibantera
ngo bamire miyonzwa,
abansi banje n’abangwanya
ni bo bazotsitara batembe.
Naho ingabo zontera,
umutima wanje worema;
naho intambara yokwaduka intumbereye,
naho nyene norema.
Muri wewe, Uhoraho, ni ho mpungiye;
sinze nigere maramara;
unkize ku bw’ukugororoka kwawe.
Ntega ugutwi,
nyaruka untabare;
umbere igitandara mpungiramwo,
igihome gikomeye kinkingira.
Ni wewe gitandara canje n’igihome canje,
undongore kandi ungire inama ku bw’izina ryawe.
Undinde kugwa mu mutego watezwe imbere yanje,
kuko ari wewe buhungiro bwanje.
Mu biganza vyawe ni ho nshize impwemu yanje;
nkiza, Uhoraho, Mana yanje yo kwizigirwa.
Umbere igitandara mpungiramwo,
aho nama nirukira imisi yose.
Tegeka ntabarwe,
kuko ari wewe gitandara canje n’igihome kinkingira.
Proteção e segurança
O Senhor é a minha rocha e a minha fortaleza. Melhor é confiar no Senhor do que confiar no homem.
Ni vyiza guhungira k’Uhoraho
kuruta kwizigira abana b’abantu.
Ni vyiza guhungira k’Uhoraho
kuruta kwizigira abashizwe hejuru.
Ego cane, mutima wanje, ruhukira mu Mana;
ivyizigiro vyanje biva kuri yo.
Ni ukuri ni we gitandara canje n’agakiza kanje;
ni we gihome kinkingira, sinzonyiganyizwa.
Agakiza kanje n’icubahiro canje kiva ku Mana;
ni we gitandara canje gikomeye, ni ubuhungiro bwanje.
Muze muhore mu mwizigira ibihe vyose, yemwe bantu;
mumugaragarize imitima yanyu,
kuko Imana ari yo buhungiro bwacu.
Ni wewe nkomezi zanje, ndakuririmbira ishimwe;
Mana, wewe uri igihome kinkingira,
Imana yanje nizigira.
Uhoraho, watubereye aho kuba
uko urunganwe rwakurikiranye n’urundi.
Imisozi itaravuka
canke ngo wibaruke isi yose,
uhereye kera hose ukageza ibihe bidashira uri Imana.
Uhoraho abera ubuhungiro impahazwa,
ni igihome co guhungiramwo mu gihe c’ivyago.
Abazi izina ryawe bazokwizigira,
kuko wewe, Uhoraho, ntiwigeze uheba abakurondera.
Ese ukuntu urukundo rwawe rudashira ari akaburarugero, ewe Mana!
Abantu bahungira musi y’igitutu c’amababa yawe.
Em todo tempo
O Senhor é bom e é fortaleza no dia da angústia. A torre forte do nome do Senhor protege os seus em toda circunstância.
Uhoraho ni mwiza,
ni ubuhungiro mu gihe c’amagorwa,
kandi yitaho abamuhungirako.
Wabereye aboro ubuhungiro,
ubuhungiro bw’abakene mu kuburanirwa kwabo,
ubabera ubwugamo mu gihuhusi,
n’igitutu mu gihe c’indugumba.
Kuko uburake bw’inkozi z’ibibi,
bumeze nk’igihuhusi cisuka ku gihome,
Uwubaha wese afise ubwihisho bukomeye k’Uhoraho,
kandi uruvyaro rwiwe Uhoraho azorubera ubuhungiro.
Inzira y’Uhoraho ni ubuhungiro bw’abagororotsi,
ariko ni uguhona kw’umunyakibi.