Deus é nosso refúgio

1 Ọlọ́run ni ààbò àti agbára wa

ó jẹ́ olùrànlọ́wọ́ ní ìgbà ìpọ́njú.

1 Ẹni tí ó gbé ibi ìkọ̀kọ̀ Ọ̀gá-ògo

ni yóò sinmi ní ibi òjìji Olódùmarè.

2 Èmi yóò sọ nípa ti Olúwa pé,

"Òun ni ààbò àti odi mi,

Ọlọ́run mi, ẹni tí èmi gbẹ́kẹ̀lé".

3 Nítòótọ́ òun yóò gbà mí nínú

ìdẹ̀kùn àwọn pẹyẹpẹyẹ

àti nínú àjàkálẹ̀-ààrùn búburú.

4 Òun yóò fi ìyẹ́ rẹ̀ bò mí,

àti ni abẹ́ ìyẹ́ rẹ̀ ni èmi yóò ti rí ààbò;

òtítọ́ rẹ̀ ni yóò ṣe ààbò àti odi mi.

1 ✝Mo fẹ́ ọ, Olúwa, agbára mi.

2 Olúwa ni àpáta àti odi mi, àti olùgbàlà mi;

Ọlọ́run mi ni àpáta mi, ẹni tí mo fi ṣe ibi ìsádi mi.

Òun ni àpáta ààbò àti ìwo ìgbàlà mi àti ibi ìsádi mi.

3 Mo ké pe Olúwa, ẹni tí ìyìn yẹ fún,

a ó sì gbà mí lọ́wọ́ àwọn ọ̀tá à mi.

1 Pa mí mọ́, Ọlọ́run,

nítorí nínú rẹ ni ààbò mi wà.

1 Olúwa ni ìmọ́lẹ̀ mi àti ìgbàlà mi;

ta ni èmi yóò bẹ̀rù?

Olúwa ni ibi ìsádi ẹ̀mí mi,

ẹ̀rù ta ni yóò bà mí?

2 Nígbà tí àwọn ènìyàn búburú kọjú ìjà sí mi

láti jẹ ẹran-ara mi,

àní àwọn ọ̀tá mi àti àwọn abínúkú mi,

wọn yóò kọsẹ̀, wọn yóò sì ṣubú.

3 Bí ọmọ-ogun tilẹ̀ yí mi ká tí wọ́n sì dìde sí mi,

ọkàn mi kì yóò bẹ̀rù;

bí ogun tilẹ̀ dìde sí mi,

nínú èyí ni ọkàn mi yóò le.

1 Nínú rẹ̀, Olúwa ni mo ti rí ààbò;

má ṣe jẹ́ kí ojú kí ó tì mí;

gbà mí nínú òdodo rẹ.

2 Tẹ́ etí rẹ sí mi,

gbà mí kíákíá;

jẹ́ àpáta ààbò mi,

jẹ́ odi alágbára láti gbà mí.

3 Ìwọ pàápàá ni àpáta àti ààbò mi,

nítorí orúkọ rẹ, máa ṣe olùtọ́ mi, kí o sì ṣe amọ̀nà mi.

4 Yọ mí jáde kúrò nínú àwọ̀n tí wọ́n dẹ pamọ́ fún mi,

nítorí ìwọ ni ìsádi mi.

5 Ní ọwọ́ rẹ ni mo fi ẹ̀mí mi lé;

ìwọ ni o ti rà mí padà, Olúwa, Ọlọ́run òtítọ́.

3 Jẹ́ àpáta ààbò mi,

níbi tí èmi lè máa lọ,

pa àṣẹ láti gbà mí,

nítorí ìwọ ni àpáta àti odi agbára mi.

8 Ó dára láti máa gbẹ́kẹ̀lé Olúwa

ju àti gbẹ́kẹ̀lé ènìyàn lọ.

9 Ó dára láti máa gbẹ́kẹ̀lé Olúwa

ju à ti gbẹ́kẹ̀lé àwọn ọmọ-aládé lọ.

5 Nínú Ọlọ́run nìkan ni ìsinmi wà, ìwọ Ọlọ́run mi.

Ìrètí mi wá láti ọ̀dọ̀ rẹ.

6 Òun nìkan ní àpáta àti ìgbàlà mi;

Òun ni ààbò mi, a kì yóò ṣí mi ní ipò.

7 Ìgbàlà mi àti ògo mi dúró nínú Ọlọ́run;

Òun ní àpáta ńlá mi, àti ààbò mi.

8 Gbẹ́kẹ̀lé ní gbogbo ìgbà, ẹ̀yin ènìyàn;

tú ọkàn rẹ jáde sí i,

nítorí Ọlọ́run ni ààbò wa.

17 Ìwọ agbára mi, èmi ó kọrin ìyìn sí ọ;

ìwọ, Ọlọ́run, ààbò mi, Ọlọ́run ìfẹ́ mi.

1 Olúwa, ìwọ ti jẹ́ ibùgbé wa ní gbogbo ìran dé ìran.

2 Kí a tó bí àwọn òkè ńlá

àti kí ìwọ tó dá ilẹ̀ àti ayé,

láti ayérayé dé ayérayé ìwọ ni Ọlọ́run.

9 Olúwa ni ààbò fún àwọn tí a ni lára,

ibi ìsádi ní àkókò ìpọ́njú.

10 Àwọn tí ó mọ orúkọ rẹ yóò gbẹ́kẹ̀lé ọ,

nítorí, Olúwa, kò kọ àwọn tó ń wá a sílẹ̀.

7 Báwo ni ìṣeun ìdúró ṣinṣin ìfẹ́ rẹ ti tó! Ọlọ́run!

Kí gbogbo ọmọ ènìyàn le sá sí abẹ́ òjìji ìyẹ́ rẹ.

7 Rere ni Olúwa,

òun ni ààbò ní ọjọ́ ìpọ́njú.

Òun sì tọ́jú àwọn tí ó gbẹ́kẹ̀lé e,

4 Ìwọ ti jẹ́ ààbò fún àwọn òtòṣì

ààbò fún aláìní nínú ìpọ́njú rẹ̀

ààbò kúrò lọ́wọ́ ìjì

bòòji kúrò lọ́wọ́ ooru.

Nítorí pé èémí àwọn ìkà

dàbí ìjì tí ó bì lu ògiri

26 Nínú ìbẹ̀rù Olúwa ni ìgbẹ́kẹ̀lé tí ó lágbára,

yóò sì tún jẹ́ ibi ààbò fún àwọn ọmọ rẹ̀.

29 Ọ̀nà Olúwa jẹ́ ààbò fún olódodo,

ṣùgbọ́n ìparun ni ó jẹ́ fún àwọn tí ń ṣe ibi.