28 ते अस ज़ानतम, कि ज़ैना लोक परमेशरे सेइं प्यार केरतन, परमेशर तैन केरे लेई सब गल्‍लां केरे ज़िरिये भलियाई पैदा केरते; मतलब तैन केरे लेई ज़ैना तैनी अपने मेर्ज़रे मुताबिक च़ुनोरेन। 29 किजोकि तैने ज़ैना पेइले च़ुने, ते पेइले ठहराए भी कि तैसेरे मट्ठेरे रूपे मां भोन, ताके तै बड़े ढ्लान मां ज़ेठो भोए। 30 फिरी ज़ैना तैने पेइले ठहराए, तैना च़ुने भी, ते ज़ैना च़ुने, तैना धर्मी भी ठहराए, ते ज़ैना धर्मी ठहराए तैन महिमा भी दित्तोरीए।

18 अवं ई भी प्राथना केरताईं कि तै तुश्शे मने खोलेलो, कि तुस बुझ़थ कि इश्शे कुजानेरी कुन उमीदे, ते केत्री महान ते महिमा बैली बरकतां केरे लेई परमेशरे अपने लोकन जो वाधो कियोरोए। 19 ते तैसेरी शक्ति इश्शे लेई ज़ैना अस विश्वास केरतम, केत्री महाने, तैसेरी शेक्तरे कम्मेरे मुताबिक,

8 एल्हेरेलेइ होरि लोकन प्रभु यीशुएरे बारे मां ज़ोने करां शरमा ते एल्हेरेलेइ शरमा कि अवं प्रभुएरी सेवा केरनेरे लेई कैदे मां आईं। बल्के तू परमेशरेरे तैस शेक्ति इस्तेमाल केर ते मीं सेइं साथी खुशखेबरारे लेई दुख झ़ैलने मां शामल भो। 9 परमेशरे असन मुक्ति दित्ती, ते अस पवित्र ज़िन्दगी ज़ींनेरे लेई कुजाए, तैने अस एल्हेरेलेइ नईं कुजेवरे कि असेईं रोड़ां कम्मां कियां, किजोकि दुनिया बनाने करां पेइलो परमेशरेरो ई मकसद थियो कि तै यीशु मसीह इश्शे लेई इस दुनिया मां भेज़तां असन पुड़ अनुग्रह हिराए। 10 पन हुनी इश्शे मुक्ति देनेबाले यीशु मसीह एवरोए ते तैनी अपनो अनुग्रह हिरावरोए। तैने मौतरी शक्ति नाश की, तैने असन खुशखेबरारे ज़िरिये हमेशारे ज़िन्दगरी बत हिराई।

10 हुनी परमेशर ज़ै सारे अनुग्रहे सेइं भेरतांए, तैने अस हमेशारी महिमाई मां शामल भोनेरे लेई च़ुनोरेम किजोकि इश्शो रिश्तो यीशु मसीह सेइं आहे। थोड़े वक्तेरे दुख झ़ैल्‍लनेरे बाद परमेशर तुसन सही बनालो ताके तुसन मां कोई गलती न राए, तै तुश्शे दिलन मज़बूत केरेलो ताके तुस मज़बूती सेइं तैस पुड़ विश्वास केरथ।

5 "गर्भे मां रच़ने करां पेइले अवं तीं ज़ानताईं, ते पैदा भोने करां पेइले मीं तू च़ुनो; मीं तू कौमां केरो नबी ठहराव।"✝

44 कोई मीं कां न एज्जी बटे ज़ांतगर बाजी, ज़ैनी अवं भेज़ोरोईं, तैस मीं कां न आने, ते अवं तैस आखरी दिहैड़ी फिरी ज़ींतो केरेलो।

26 हे ढ्लाव ते बेइनव, इस बारे मां सोचा ज़ेइस परमेशरे तुस कुजाए तुस केरहे थिये, कि न जिसमेरे मुताबिक बड़े ज्ञानी, ते न बेड़ि शेक्तिबाले, ते न इज़्ज़तदार घरेरे कुजाए। 27 ज्ञाने बालन शरमिन्दा केरनेरे लेई परमेशरे तैना च़ुने ज़ैना दुनियारे नज़री मां बेवकूफन। ते ताकतबरन शरमिन्दा केरनेरे लेई परमेशरे तैना च़ुने ज़ैना दुनियारे नज़री मां कमज़ोरन।

5 हे मेरे ट्लारे ढ्लाव ते बेइनव शुना, कुन परमेशरे दुनियारे गरीब न च़ुने, कि विश्वासे मां धनी भोन, ते तैस राज़्ज़ेरे बारस भोन, ज़ेसेरो वाधो तैने तैन सेइं कियोरोए ज़ैना तैस सेइं प्यार केरतन।

13 किजोकि तैने अस शैतानेरे अधिकारे मरां छुटेइतां अपने ट्लारे मट्ठेरे राज़्ज़े मां आने 14 परमेशरेरे अपने मट्ठेरे बलिदाने सेइं असन पापां केरि माफ़ी दित्ती (यानी शैतानेरे राज़्ज़े करां आज़ाद किये)।

38 पतरसे तैन सेइं ज़ोवं, "पापन करां मन फिराथ ते तुसन मरां सारे यीशु मसीहेरे नंव्वे सेइं बपतिस्मो घिन्ना, त परमेशर तुसन माफ़ केरेलो ते पवित्र आत्मा तुसन इनामे मां मैल्हेली। 39 एल्हेरेलेइ कि ऐह वाधो तुसन त तुश्शी औलादी सेइं आहे ते तैन सेब्भन सेइं ज़ैना दूर-दूर रातन, ते ज़ैन इश्शो प्रभु परमेशरे एप्पू कां कुजाते।"

10 एल्हेरेलेइ हे ढ्लाव ते बेइनव, एन्च़रे कम केरनेरे लेई होरि जादे मेहनत केरा, ज़ैस सेइं तुस अपनो आप साबत केरा कि परमेशरे तुस हकीकति मां तैस पत्ती च़लनेरे लेई च़ुनोरेथ ते तैसेरे लोक भोनेरे लेई च़ुनोरेथ। अगर तुस इना गुणा केरे मुताबिक केरेले त तुस कधी मसीह पुड़ भरोसो केरनो न शारेले। 11 ते परमेशर भी तुसन तैस राज़्ज़े मां बड़े जोशे सेइं कबूल केरेलो ज़ैड़ी यीशु मसीहे, ज़ै इश्शो प्रभु ते इश्शो मुक्ति देनेबालोए, तै राज़ेरो ज़ेरो हमेशा राज़ केरेलो।

6 ते मीं इस गल्‍लरो भरोसोए, कि परमेशरे तुसन मां रोड़े कम्मेरी शुरुआत कियोरीए, तैए तैस कम्मे यीशु मसीहेरे वापस एजनेरे दिहाड़े तगर पूरू केरेलो।

14 किजोकि परमेशरे हमेशारे ज़िन्दगरे लेई त बड़े कुजोरेन पन च़ुनोरे थोड़ेन।"