14 "ሀእ ስም ታን ሀይቃና ማታድ። መና ጎዳይ ህንተንቱ ጾሳይ ህንተንቶ እማና ጌዳ ሎኦ ኡባፐ እትባይነ አትቤናዋ ህንተንቱ ኡባይ ህንተንቱ ዎዛናንነ ሸምፑዋን ኤሪታ። እ ህንተንቶ እማና ጌዳዋፐ እትባይነ አተናን፥ ኡባይ ፖለቴዳ።

45 መና ጎዳይ እስራኤልያ አሳዉ እማና ጌዳ ሎኦ ቃላ ኡባ ፖሌዳፐ አትን እቱነ ሳኣን አትቤና።

56 "እ ካሰ ሃሳዬዳ ባረ ቃላዳን ባረ አሳ እስራኤልያ ሸምፕሴዳ መና ጎዳይ ጋላተቶ፤ እ ባረ ቆማ ሙሴ ባጋና እሜዳ ሎኦ ህዶታይ ኡባይ ፖለቴዳ።✝

19 ጾሳይ ዎርዶታናዉ አሳ ግደና፤

ባረ ቆፋ ላማናዉ እ አሳ ናኣ ግደና።

እ ኦዲደ፥ ባረ ኦዴዳዋ ኦኔ?

ዎይ እ ባረ ጌዳዋ ፖለኔ?

11 መና ጎዳ ሀልቹ መናዉ ኤቂደ ደኤ፤

አ ዎዛና ቆፋይካ የለታ ኡባ ጋካናዉ ደኤ።

6 ፑደ ቁ ጊደ፥ ሳሎቱዋ ጼልተ፤ ዱገ ሳኣካ ጼልተ። አያዉ ጎፐ፥ ሳሎቱ ጩዋዳን ፕስክ ጊደ ያና፤ ሳአይካ አፍላዳን ዉራና፤ አን ደእያ አሳይ ኡባይ ኡዱንጸቱዋዳን ሀይቃና። ሽን ታ አሹ መናዉ ደአና፤ ታ ጽሎተይካ ዉረና።

140 ኔን ጌዳ ቃላይ ዳሮፐ አማነትያዋ፤

ታን፥ ነ ቆማይ አ ሲቃይ።

13 ነ ካዉተይ መና ካዉተ፤

ነ ማታይ የለታ ኡባ ጋካናሳ።

መና ጎዳይ ባረ ጌዳ ቃላዉ ኡባዉ አማነትያዋ፤

እ ባረ ኦሱዋ ኡባን ቃረትያዋ።

14 መና ጎዳይ ሆኬዳዋንታ ኡባ ዘምፕሴ፤

ኩንዴዳዋንታ ኡባ ደን።

5 ሽን እዝ ግዶን ደእያ መና ጎዳይ ጽሉዋ፤ እ ባላባ ኦና፤ ዎንትና ዎንትናካ እ ባረ ጽሎ ፕርዳ ፕርዴ፤ አይ ዎንታንካ አግ ኤረና። ግዶፐነ፥ እዝን ደእያ ማካላንቻይ አይነ ዬላ ኤረና።

3 አያዉ ጎፐ፥ ሳጻን ቤቴዳዌ ባረ ኬረቴዳ ዎድያ ናጌ። ሄ ሳጻይ ፖለትያ ዎዲ ኤለካ ጋካናዋ፤ ዎርዱዋ ግዲደ ደኤና። ታክያባ ማላትንቶካ ናጋ፤ አያዉ ጎፐ፥ እ ቱሙዋፐ ያና፤ ጋምኤና።✝

20 አያዉ ጎፐ፥ ጾሳይ እማና ጌዳባዉ ኡባዉ ኤኖ ጌዳዌ ክርስቶሳ ባጋና ፖለታና፤ ሄዋ ድራዉ፥ ኑን ክርስቶሳ ባጋና ጾሳ ቦንቾ፥ አመንእ* ጌቶ። 21 ጾሳይ ክርስቶሳ ባጋና ኑናነ ህንተና መንነ ኦኬ። 22 ኑን አዋ ግድያዋ ኤርስያ ማታፋ እ ኑ ቦላ ዎደ፥ ባረ ጌሻ አያና ዋስያዳን፥ ኑ ዎዛና ግዶን ዎዳ።

23 ኑዉ እማና ጌዳ ጾሳይ አማንያ ድራዉ፥ ኑን ደማና ጊደ ናሸቻን ናግ ኡቴዳዋ ሎይ ኦይቆይተ።

13 ህንተዉካ ቃይ ሄዋዳን ሀኔዳ፤ ቱሙ ኪታ፥ ህንተንቶ አቶተ አሄዳ ምሽራቹዋ ቃላ፥ ህንተ ስሴዳ ዎደ ክርስቶሳ አማኔድታ፤ ጾሳይ ህንተንቶ እማና ጌዳ ጌሻ አያና ባጋና፥ ህንተ አዋ ግድያዋ ኤርስያ ማታፋ ህንተ ቦላ ዎዳ። 14 ጾሳይ ባረ አሳዉ እማና ጌዳዋ ኑን ላታና ጋካናዉ፥ ጌሻ አያና ዋሰተ ኦይቄዶ። ሄዌ ቃይ አ ቦንቾ፥ ጋላታ ግዳናዋ።

12 ዋይያን ገንጭያ ኡራይ አንጀቴዳዋ፤ አያዉ ጎፐ፥ ሄ ዋይያ ጾኔዳዋፐ ጉይያን፥ ጾሳይ ባረና ሲቅያዋንቶ እማና ጌዳ ደኡዋ ካላቻ* እ አካና።