Dia dos avós

6 די קרױן פֿון אַלטע לײַט זײַנען קינדס-קינדער,

און די צירונג פֿון קינדער זײַנען זײערע עלטערן.

17 אָבער דער חֶסֶד פֿון ה׳ איז פֿון אײביק ביז אײביק

אױף די װאָס פֿאָרכטן אים,

און זײַן גערעכטיקײט צו קינדס-קינדער;

25 איך בין יונג געװען און בין אַלט געװאָרן,

און איך האָב נישט געזען אַ צדיק פֿאַרלאָזן,

און זײַן זאָמען בעטלענדיק ברױט.

4 אַ דור צו אַ דור װעט לױבן דײַנע מעשׂים,

און דײַנע גבֿורות װעלן זײ אָנזאָגן.

5 װאָרעם ה׳ איז גוט,

אױף אײביק איז זײַן חֶסֶד,

און ביז דור-דורות זײַן טרײַשאַפֿט.

14 אײַנגעפֿלאַנצט אין הױז פֿון ה׳,

אין די הױפֿן פֿון אלוקינו װעלן זײ בליִען.

15 זײ װעלן נאָך שפּראָצן אין גראָער עלטער,

פֿעט און זאַפֿטיק װעלן זײ זײַן;

31 אַ שײנע קרױן איז אַ גראָער קאָפּ;

אױפֿן װעג פֿון גערעכטיקײט װערט זי געפֿונען.

4 אַפֿילו ביז עלטער בין איך דער אײגענער,

און ביז גראָע האָר װעל איך טראָגן;

איך האָב געמאַכט, און איך װעל טראָגן,

און איך װעל אױף זיך נעמען און װעל ראַטעװען.

30 און יונגע לײַט װעלן מיד און מאַט װערן,

און יונגע װעלן שטרױכלען געשטרױכלט װערן;

31 אָבער די װאָס האָפֿן אױף ה׳ װעלן באַנײַען דעם כּוֹח,

זײ װעלן אױפֿהײבן פֿליגלען װי די אָדלערס;

זײ װעלן לױפֿן און נישט מיד װערן,

זײ װעלן גײן און נישט מאַט װערן.

9 נאָר זײַ דיר אָפּגעהיט און היט זײער דײַן זעל, זאָלסט נישט פֿאַרגעסן די זאַכן װאָס דײַנע אױגן האָבן געזען, און זײ זאָלן נישט אָפּגעטאָן װערן פֿון דײַן האַרצן אַלע טעג פֿון דײַן לעבן, און זאָלסט זײ מאַכן װיסן דײַנע קינדער און דײַנע קינדס-קינדער;