Dificuldades
As dificuldades são parte da vida, mas Deus é refúgio certo em todo tempo de angústia. A Bíblia promete que nenhuma adversidade pode separar os filhos de Deus do seu amor.
Deus é refúgio
Deus é nosso refúgio e fortaleza, socorro bem presente nas angústias. Nada poderá nos separar do amor de Cristo.
परमेशर म्हारा शरण लणे री जगा ओर तागत ए,
हमेशा मुसीबता रे बखते मताद करने खे त्यार रओआ।
इजी खे आसा नि डरना,
चाए तरती पल्टी जाओ ओर पाह्ड़ समुद्रो बीचे डूबी जाओ।
चाए समुद्रो रा पाणी बड़ा पारी शाद करो
ओर लईरा उठो ओर पाह्ड़ तिजी री बाढ़ा ते थरथराई जाओ। सेला
मां प्रभुए रे बारे बोलणा, "से मेरी शरण लणे री जगा ओर गढ़ ए;
से मेरा परमेशर ए, मां तेस पाँदे परोसा राखणा।"
ओ लोको, हर बखत परमेशरो पाँदे परोसा राखो!
तेसते आपणे मनो रिया गल्ला खुली की बोलो,
कऊँकि परमेशर म्हारी शरण लणे री जगा ए। सेला
यहोवा तिना लोका रिया तँईं शरण लणे री जगा ऊणा जो दीन ए;
आ, जेबे तिना खे परेशानी ऊणी तो से तिना खे लूकणे री जगा जेड़ा ऊणा।
प्रभु, जो ताखे जाणोए; सेयो तां पाँदे परोसा करी सकोए;
जो तांगे आओए, तिना खे तूँ कदी नि छाडदा।
समुद्रो रे गर्वो खे तूँई तोड़ेया; जेबे तिजी रिया लईरा उठोईया,
तेबे तूँई तिना खे शांत करी देया।
महासागरो रिया आवाजा ते ओर समुद्रो रिया प्रचण्ड लईरा ते जादा,
ऊच्चे पाँदे विराजमान प्रभु शक्तिशाली ए।
प्रभु तूफानो खे बंद करी देओआ
ओर लईरा शान्त ऊई जाओईया।
कुण आसा खे मसीह रे प्यारो ते लग करी सकोआ? क्या क्ल़ेश, संकट, उपद्रव, अकाल़, नांगापण, खतरा या तलवार? जेड़ा कि पवित्र शास्त्रो रे लिखी राखेया,
"ताखे आसे पूरे दिन घात करे जाऊँए,
आसे फाटणे वाल़ी पेडा जेड़े गिणी राखे।"
पर इना सबी गल्ला रे आसे तेसरे जरिए, जिने आसा खे प्यार कित्तेया, आसा गे उम्मीदा ते बी बढ़ी की जीत ए। कऊँकि माखे पक्का पता ए कि आसा खे परमेशरो रे प्यारो ते, जो आसा रे प्रभु यीशु मसीह रे ए, कोई बी लग नि करी सकदा। ना मृत्यु, ना जीवन, ना स्वर्गदूत, ना दुष्टात्मा, ना वर्तमान, ना भविष्य, ना सामर्थ, ना ऊच्चा, ना डूगा और ना ई कोई सृष्टि।
Provisão nas dificuldades
O Senhor provê mesmo nos tempos mais difíceis. Ele sustentou Elias, protegeu Israel e cuida dos seus com fidelidade eterna.
यहोवे रे तेस वचनो रे मुताबिक जो तिने एलिय्याह रे जरीये बोलेया था, ना तो तेस कड़े रा आटा खत्म ऊआ ओर ना ई तेसा कुप्पिया रा तेल कम ऊआ।
प्रभुए तिना खे छांयी रिया तँईं बादल़ फैलाया
ओर राती खे प्रयासा देणे खे आग प्रगट कित्ती।
इस्राएलिए खाणे खे मांगेया ओर परमेशरे बटेरा पऊँचाईया;
प्रभुए सेयो स्वर्गिय रोटिया साथे तृप्त कित्ते।
यहोवे चट्टान तोड़ी की पाणी निकयाल़ेया
ओर सूकिया जमीना दे नदी बह्यीणे लगी।
आऊँ बचपनो ते लई की स्याणदे बखतो तक देखदा आई रा;
प्रभुए ना तो कदी कोई तर्मी माणूं छाडेया
ओर ना ई तेसरी ल्वाद पीख मांगदे ऊए देखी।
निर्दोष माणूंआ री देखपाल़ यहोवा आपू करोआ,
ओर तिना री बरासती रा इस्सा हमेशा बणेया रा रणा।
बिपदा रे बखते तिना री उम्मीद नि टूटणी ओर ना सेयो शर्मिंदा ऊणे
बल्कि अकाल़ो रे बखते सेयो रज्जे रे रणे।
कऊँकि त्याये लोका रिया तँईं मा पाणी बरसाणा। सूकिया जमीना दे खाड्डा बाह्णियां, मां तेरे बच्चेया पाँदे आपणी आत्मा ओर तेरी ल्वादा पाँदे आपणी आशीष लटणी।
कऊँकि तूँ मुसीबता रे बखते शरीफा खे गढ़ ओर जेबे डराऊणे लोक माट्टिया रे पीता पाँदे बर्खा री छाछा जेड़े बरसो थे,
तेबे तूँ गरीबा खे तिना री शरण ओर गर्मिया दे छांए देणे वाल़ा ऊआ।
से दिन तूपा ते बचाणे खे ओर पऊण-चूखाने ते ओर बर्खा ते बचाणे खे एक शरण ओर लूकणे री जगा ऊणा।
जेबे तूँ समुद्रो बीचे पाणिए बीछीए जाए, मां तां साथे-साथे रणा ओर जेबे तूँ नदिया बीछीए चलेगा, तेबे नदिया ताखे डूबाई नि सकदिया, जेबे तूँ आगी बीछीए चलेगा, तेबे ताखे सेक नि लगणा ओर आगी री लूपिया ताखे फूकी नि सकणियां।
Força nas provas
Em tudo somos atribulados, mas não esmagados. O Senhor é bom e é fortaleza no dia da angústia — Ele conhce os seus.
आसा खे चऊँ कनारो ते क्लेश तो ओआ, पर मुसीबता रे नि पड़दे। आसे कबराए रे तो आए, पर निराश नि ऊँदे। सताए तो जाऊँए, पर छाडे नि जांदे, रूड़ाए तो जाऊँए, पर नाश नि ऊँदे।
परमेशर खरा ए, मुसीबता रे बखते से म्हारी रक्षा करोआ ओर जो तेसरी शरणा दे आओए, तिना रा ख्याल राखोआ।
से पाणिए खे आपणे काल़े बादल़ो रे बानी की राखोआ;
फेर बी बादल़ पाणिए रे बोजो ते नि फटदा।
से आपणे सिंहासनो सामणे बादल़ फैलाओआ,
ओर चाँदो खे तिजी रे पीछे लकोई की राखोआ।
समुद्रो पाँदे परमेशरे प्रयासा ओर न्हेरे बीचे एक बन्ना राखी राखेया ए।
जेबे लोका तेरी बेजती करनी तेबे परमेशरो तेरी रक्षा करनी;
जेबे तेरे नेड़े-तेड़े बऊत सारिया चीजा खत्म ऊणिया तेबे तूँ डरना नि।
यीशुए आपणे चेलेया खे बोलेया, "ओ कम विश्वास करने वाल़ेयो! कऊँ डरोए?" तेबे यीशु उठे और तूफान और पाणिए खे बकणे लगे और तेबे सब शान्त ऊईगा। तेबे लोक हैरान ऊई की बोलणे लगे, "ये केड़ा माणूंए? तूफान और पाणी बी एसरी आज्ञा खे मानोए।"
तेबेई तो जेबे परमेशर मैदानो रे काओ खे, जो आज आए और काल आगी बीचे फूकी देणा, तो जो तिदे बी एड़े बांके फूल खिलाओआ, तो ओ कम विश्वास करने वाल़ेयो! तुसा खे तेस इना ते बढ़ी की बांके टाल्ले कऊँ नि पनयाणे?"
"तेबेई तो तुसे चिन्ता करी की ये नि बोलणा, ‘आसे क्या खाऊँगे?’ और ‘क्या पिऊँगे?’ और ‘क्या पईनुँगे?’
और से जवाणस तेसा सुनसाण जगा खे नठी गी, जेती परमेशरो री तरफा ते तेसा खे जगा त्यार करी राखी थी, ताकि से तेती एक ह्जार दो सौ साठ दिना तक पाल़ी जाओ।
देखो; मैं तुसा खे सापो और बिच्छुआ खे केसणे रा और तुसा रे दुश्मण शैतानो री सारी सामर्था पाँदे अक्क देई राखेया और केसी बी चीजा ते तुसा खे नुकशाण नि ऊणा।