Domínio próprio

22 Woyyichchi hafuurixxi gumma kinni eeyyunte, gammashsho, nage’a, ossa, arjumma, elle, xurameessumma 23 siggumma, ifi hira, iitta hexxeexxa yaanuwwa hoyyaanig seeri hedhebaan.

11 Manji duuchchi anjiremaak, Mageniink badhaadhi manjo duuchcha’n leelle’een. 12 Kunni badhaadhinna, cubbote’n hedhatanna butta duuchchixxa yorte murumi hiyyat konnee baro’n ifi hirat, qullummat, dhugaatixxe amanaxxe hedhonn he’nannoshsha no’oo barachchiisaan. 13 Konnee qicinni eebbisendeexxe no’oxxe adde keddeexxa, tinninna no’oke ulfateeke lumoke Mageniinxenna no’oka anjirallo Gootta Yessuusi Kiristoosixxa ulfatteexxa daga heqqe’nannon.

7 Mageni no’o’a uwweeki hafuuri hunnatike, jaalalatikenna umo ifika hiratike hafuura malee’e, soda’atikebaan.

5 Tennexxee wo’ma jabeenninni amana ha’nooxe’ni elle laphphatee jabaatte; ellete’ni ege’na, 6 ege’nate’ni ifi hira, ifi hirate’n, ti’ni hiyya, ti’ni hiyyate’ni Mageno fakkaata; 7 Mageno magenoofatatte’n dayyummatixxa eeyya, dayyummatixxe eeyya’ni jaalala lebbe.

32 Worbi manji irra ossaameessa manjo sa’aani;

heddo qachchuwwa lolle injifante abidati irra ifi heeshshi assa woyyani.

28 Umo ifika dedhaaki manji;

kinjiink dalla’i diigemeeke qachchishshaten.

11 Gowwi manji futti hiyyeenba aare bidhdhaan;

ega’na afeek kinn osse ifi abixxan.

19 Haaso’iinxe birasa’ne’n cubbo gophendaba’a,

afo’o ifika buqedhaak kinni muxxete.

24 Gonigiichchiinxe hokkokke’n gongaak heddo manna kadeexxanna badhaasa adhdhaak kinni mitte calla kadeexxa egendineenni hexxinebaata? Tennexxe ha’noonna ookkone badhaasa adhdhitino’a gonge. 25 Gonigichchik hokkokkisaaki duuchchi ifi jaba qico leenjisaan; insa’ne iitta elooneechchi sa’aakanna ba’aaka kallacha alfino’aaten; no’o eloona’enneechch kinni baxxabaaxxanna duuchchi woddixxa hedho alfateeten. 26 Ani kinni mare geyaaba ege’nebaak gongamake manjishsha tola gongabe’non; iittanni diidallo tuntummoti ganamake manjishsha tola wolaancho abixxabe’no. 27 Yaane kinni welekee lallabenechchi uduma ani umo ankenni hunemeenneke kadabe’noshsha manjunte anixxa ifi xexxe’ata’n ani’a hirendaashsha assannon.

9 Yaane kinni dandeennee ifi heqqedhaa gonpha’noole halchati gubatati mannii’n aadhanna heeruma woyyan.

13 Manjoke’n geltamanxe hega uushsho malee’e wele hega uushsho ha’noo’ni gelteba’a. Xuurameesi Magen dandeetinabaa iimi darre hexxeexxi hega uushshoo ha’noo’n gelto’a waalabaan. Hega uudendinnaa woddanna eetten hega uushsho’n ossitinaasha fuldinaaka ora ha’noo’a qophpheessaan.

8 Ifi hirtinaake kaddineexxi dammaqqe; naaphi ha’nok durriisi liqiinsaaka haseexxi baroodammake neenqishsha elqe kayya dowa’neen. 9 Butta duuchcha’ni hedheekir ha’nok dayyuwwi tenne fakkataaxa rakko adhdhaaxxa egendineexxi amanate’ni ti’ni hitine isoo xaa’ne.

Mageniinxa Uwwuwwa Eloxxenni Galcha

7 Yaane duuchchik muuxami shiqeedheen; tenneexxee soodata dandeetinaashsha ca’itte sammo horatte; ifinna hirre.

Magenokee Hedhaa

1 Yoona Kiristoosi ifike maalinni rakko adhdheemmaxxee ha’noonna konne yaadinninni ka’litine ke’we; tinni kaddaachchinna maala ifikenni rakko adhdhaak manji cubbo hujaa waaleke kadeemmaxxeeten. 2 Tennenaa’n kexxeexxa isi’a gattaaxxe tenne butta’ni hedhaaxxe hedhonni Mageniinxe fedhiishsha hedhaa malee’e maaliinxe gaabbeshsha hedhaba’a. 3 Mageno ege’nebaak manni eeyyeexxa assammashsha qii’misati, maalnxe gaabenni, machcho’ati, sirbiki, sacco sa’isse ha’wati diqachchiisaxxa magenoonfachchotixxa fakkuwwa magenoonfachchoti sa’issitinemakk barruwwi geyaan. 4 Tennee fakkaattaaxxa fuggoxxa hujati sacco sa’atixxe hedhonni insa’nenni mittooma gopha ha’nooxxi insa’ne’n keessummate kaddee’naa mambe’a hiyyati ha’noo yowwinaan. 5 Yaane kinni insa’ne ookkone hedhoti hedheekeera’ninna reyeekeera’n muro’a isoo ookkone qophpheeffateeke hiissichcho uunaan.

4 Ha’noona’n mitti mitting ifixxa are woyyummatinna ulfinniki abixxa hassissaaxxa ege’no’aten. 5 Tinninna Mageno ege’nebaake Ayihudake kadebaake mannishsha yabaabbultetixxe yortennite kaddoqqe’e.

22 Ha’no isixxe galcha giddo hexxineexxi isixxi dada duuchcha

Duuchchi Woddika Gootta saadde.

Tee anxe lubboo! Duuchchi Woddika Gootta saadi.

13 Atixxi mootumma duuchchii woddixxe mootumman;

galcha atixxinna ila ilateeten;

13 «Hashsha uudennexxe waleella’n manjinka belto labaak iimike duumanchinni welti dagaa’naa afenne. Isoona ookkone olmiinki edo shiqinshe.✝ 14 Baalle, gaachchannikinna lumoxxi hunna isi’a uwwende; gargar gargar hedheeka laagada haaso’aak gosa gosak manninna arduwwi isoo sagande; galcha isixxinna duuchchi woddi’a saxxabaaxxen; mootumma isixxinna haranga baxxabaaxxen.✝

2 Lumok Magen ani’a asseeka mambe’a beessisuwwanna maso yaanuwwa gammada’nee ha’no’n kulaanne.

3 Isik Beessisuwwi hittatta lummoke!

Isixxi maso yaannuwwa hittatta jabaxxe!

Mootumma isixxi duuchchi woddixxen;

galcha isixxinna ila ila’n saxxaaxxe.

6 Anno no’aa ilendeen!

Labbaki belti no’aa uwwemeen!

Isinna akekisanjo no’oke kadaan!

Summi iskinna «Mambe’iinke gorsallo,

lumoke Mageno,

Duuchchi Woddike Anna, Nage’iinke Sooressa» hiyyemaan.

7 Moyanjumma isixxixxi baalle gabala afeexxebaan;

isixxe mootummaxxi galchanna duuchchiin wodda nage’iinxe kaddaan;

Tenne yanna’n duuchchi woddi qico’n,

isixxi mootumma dhugaatinna seerinxi murte’n ijaarendaan;

Daawwitixxe moote’ni hexxemmashsha jabeessaan;

Daawwitixxe moote hana ofo’laan;

boga duuchchanna galchaan;

Dada Duuchcha Ajajaaki Duuchchi Woddiki Gootti isixxe hinaaffenni

tennee assatee mudhdheen.✝

13 Mageni no’oo dukkanatixxe hunnanaa’ni fulcheexxi ookkone eeyyeemake ifike beltixxe mootumma’ni e’yinannoshsha asse’eeni. 14 Isixxe wodanninna no’oxxe cubboxxa gattowwaali alfineennen.

20 Kiristoosii’i reyotenaa’ni ke’isatinna iimike booncho’ni Mageniinke midda’ni isoo ofo’lishee wodda leelliteexxeen. 21 Mageni Aabi Kirisitoosii iima midda ifike’ni ofo’lishsheechchi heene galchanaa’ninna baalloommanaa’ni, hunnate’ninna goottummati iimi darre, iittanni tenne butta calla kaddeebaangi daggaaxxe butta’ninna summi duuchchi iimi darre hedheeka ulfeesseemmeeka summa uuwwatiten.

20 No’ok bogi kinni iimate; ookko’ninna dagaaka anjirallo, Gootta Yessuusi Kiristoosii’i halchati heqqe’nannon. 21 Isinna duuchiinxa yaane ifi hirendaashsha assemmaxxe hunnanni, ulfateeka isika maala fakkato’a no’oka salphateeka maala jijjiiraan.

9 Kiristoosi reyotenaa’ni keemmaxxee, langaxxa reyabaaxanna reyo iso’n langaxxa mootabaaxxa egenneennen.

8 Manlxe fedhisha hedhakir Mageno gamachiisa dande’aba’a.

9 Ha’no kinni Magenk Hafuur ha’no giddo hedheexxe kaddoole maalnxe fedhishate kaddebaag Hafuurnxe fedhisha hexxina; ayyinna Kirstoosika Hafuura afebaak is Kiristoosi keba’a.

22 Duuchchiing Addaami darree’n reyammashsha iittanni duuchchiing Kiristoosi darree’n hedhotike kadaan. 23 Tinni kadaak mitte mittenge’n bado badonniten; ediseexxi umoke kadeek Kiristoosi, ookkoneechchi uduma isi dagaa wodda isike kadeekir reyotenaa’n ke’aan. 24 Ookkoneechchi uduma galcha baalomakanna hunna duuchcha balleeseechchi uduma moottumma Mageno Aabi’a sa’isseexxi uwwa wodda eettene yanna muuxamake kadaan. 25 Naapha isika duuchcha lekka isixxi hunda sa’isaa qico’n isi moya hassissaan.

2 «Mageniinxe mootummaxxi hunna sodaachchissaaxxen;

galcha’neexxa iimanna nage’ik hexxaashsha asseen.