Domínio próprio
O domínio próprio é fruto do Espírito e marca de maturidade espiritual. A Bíblia ensina que quem governa o próprio espírito é melhor do que quem conquista uma cidade.
Fruto do Espírito
O fruto do Espírito inclui domínio próprio. A graça de Deus nos ensina a viver de maneira sóbria e justa neste mundo.
Dede Rabe tsi au keku, suiyi, lungciep, helungketie, mizai keyi, keyi, masang, kenciep, nah mikatei mide ketip kecu; aidungde de mmau kela hezai gede gah.
Kedanemene Tinggwang mina pelane de kelilu kera ziemne pe ngaugia keulia dida. Ngaugia cide anuide ledeu beu, iciu eh renetlam la kemakpe nah kideube hengindung gidi eh anui kideu aika mriak nah masang, nah renet zai ga lunghlu kerane, anui samlamkepung keregui de ngaulu kera nah anui ditube Tinggwang nah Kelikelube Jisu Khrista hecili eh gwang kerade kwa kebam dau.
Kedanemene Tinggwang anuide kengngi rabe peu ma, dede kengkieng, keku nah samzai ketei rabe peu.
Dede makie aide ziemne, n kenlum gage keyi silu kera nnui laikai teilu; delwe keyi gage, maci silu; maci gage, nnuide kezeu silu; nnuide kehezeu gage, liakecu silu; liakecu ga kemci teilung silu; kemci teilung ga, caihereiswacing kereku kecu silu; nah caihereiswacing kereku ga, keku silu.
Governar a si mesmo
Melhor é o que domina o seu espírito do que o que toma uma cidade. A cidade sem muros é o homem sem domínio próprio.
Reugwame ge tei kera swade mi rata mzet kemakbe yiki,
nah namdi ngam kelube swade pekatei pe rabe de kezeu kelube ngkieng ki.
Pe rata ketip lula kemakbe au
namdi kau kedi nah pe kiriedung kegah nzwa da.
Kemangme pe rata pelane lia la,
dede kenriakme kam di nah pekatei pecu kezeu dila.
Sam kekiee ga kemau gah lama,
dede cet teune eh marang kelame au kenriakme da.
Hezukemzu ga kepakme pelane pakla, dede hangge rünne ziehi ngaulu kela nnui ci meni? Cine nnui cide ngaulu kerane pak lulo. Kenggwame keheibe de ma pelane gade pekatei pecu kezeu la. Penui cide peurwa rimdi kera ge ngaulu kerane teila, dede anui au rimdi kelakge ziemne teila. Ciziemne Ih pekie kegah nzwa pak lama; Ih tingkai de zum kela nzwa eh regi lama. Dede Ih a pum tei taklwe cide kezeu teula, iciu eh Ih mide ledeu kelucai, acube gikedi teidi melu kerane.
Dede penui penuikatei de kezeu gailak dicai, penui kelak teilu maisia. Kedanemene kehengin le pui kebam swa au kelak tei kelube yiki.
Mdakkepie gede nnuida gwang mereu, mina da gwangla kela de gwale. Dede, Tinggwang au samsang, pa nnui liagai kelak nreu pwa nnuide kedei lak, dede mdakkepie de si eh pa mbai lukera lampui de peuzie, iciu eh nnui cide lialu kerane.
Disciplina e vigilância
Sede sóbrios e vigilantes. O diabo anda em derredor como leão rugidor. A sobriedade nos protege e fortalece.
Mriak lu, kwabam lu. Nnui ngauraube, herakesiabe, hingho kemra nzwa nsau twagwa bam, mina kang gade tui tyei zielie peei eh. Pecu renialu, nnui kenlum ga ntiprip lu. Kedanemene nnui kideu pelane gade kenlummedung de keherei cikenzwa dau kap eh liakegwang cibam delu.
Dede ma pelane penlibe nna gwangla dida. Cine nnui mring nah nnui mriak eh kie bamlu.
Tinggwang ziemne lungh kebam
Khrista pumteihbe gade keherei beu kecu nzwa, nnuide cinzwalu kera cetlu. Kedanemene keheibede Khrista ziemne pumteihbe ga keherei luge kemau teita dila. Ciziemne, ring kebamtane, mina lungningbedung ga lungh lakta, dede Tinggwang lungningbe ga lungh zie. Ndaa nnui Gentileme tei neu kela kenlien, kemmha, zausak kemie, nah mamie recadung tei süt dida. Nnui cu penuide ngngwa nlwang kecu teilung ga la sita kedine penui swagah nah nnuide kesiu ladi. Dede penui katei penui ha pwa keringme nah ketsaime tutiak kerabe de peuzie.
nnui hangge ge kecu mci nah hetwa pung eh nnui penau teilu kera ci kera, Tinggwang de ci kemakme Gentileme nzwa kemmha ta kehengin gade mene;
O senhorio de Cristo
Todo domínio pertence a Cristo. Ele é Senhor dos senhores e Rei dos reis — e nos capacita a viver em santidade.
RAMPAUBE de twalu, pa damkelu pekiene,
pane hegwang ketei heni leune ga.
Ih a teilung pelane teu RAMPAUBE de twazie.
N hegwang au kelungta hegwang,
nah n kengkieng au ceheudung pelane da lazie.
A mang lede cipau ziu,
mige mina nabe nzwa tinggim ga hemwa de ngngwa gwangkela Ih ngau;
pa Ringbammui kelabe da gwang
nah pe dwa gage pecu kailu.
Hegwang tei kera kengkieng nah kendu nah kehu kengkieng pecu pwapeu
iciu eh mina pelane, heleuhdung, nah helet leune de pe gwatei zie.
Pecu hegwang tei kera kengkieng kepeu cide au kelungta bam kerabe cide au bammui zie,
nah pe hegwangram au madaude ngkapdi gai kelak ge.
Marengeidung nah miswakegah batadung Hutube Tinggwang a dage tei kegai Ih nnui dage ranglia kera Ih a sui luda.
Pegu marengeidung dai kenzwa gede di no,
nah pegu miswakegah batadung dai kenzwa gede ngkieng no!
Pe hegwangram au madaude siadi kelak hegwangram,
nah pe kedi kengkieng ceheu ket cai ket bam mui lala."
Kedanemene anui da henana ge lungh gwang beu da, anuide mipeina ge kaibeu da;
nah hegwang pane punggwang zie;
nah pezi Miswakegah Puisaube,
Kengking Tinggwang, Kelunghta Peibe,
Kezuyi Gwangna lie eh quzie.
Pe hegwang deu direu reu zie nah kezuyi cika penli bamlak,
pa David kedi bam, nah pe hegwang ram reu hegwang tei zie,
peu kwak lu nah bam tie lu kerane,
kesamsang nah kemzeu le cu gade nah kelungta gwang dai kerane.
Reugwame reu RAMPAUBE aide teibi zie lie cet eh tei zie.
Tinggwang anuide kemui baang gade kelibeu da nah anuide pe Na pe kube hegwangram gage ngngwa gwang beuda, pe dade anuide rikelu, kemaugi kelude bam dida.
kengkieng pa Khrista de ketsai gade kwakcuh kelu nah peu tinggim ga pe ba zetlebie bam kelu kengkieng deda. Khrista hegwang nah kedime, nah kengkieng nah kengkiengketeume pelane, nah hezi mtak kelu leune, cudau teilung rünne ma, dede gwangdai kera teilung leune reu ngkiengtube.
Dede anui au tinggim peupeime ge dida, cikade anuide kelikelube, Rampaube Jisu Khrista de regui eh kwabam. Ma pelane pekang gage kaipwa kebam kengkieng de teu eh pa anui pum kemnei dungde tei ntsam pwa pe pum kendu de nzwa tei dizie.
Anui cibam Khrista de ketsai gade kwakcuh kelune pa tsai dailak da; ketsai pereu kengkieng bamsi meda.
Dede pumteihbe ga kelame Tinggwang suiyi tei gailak. Ciciude, nnui au pumteihbe ga lama dede Rabe ga la, magade Tinggwang Rabe nnui lungga lunghla kesang liecai. Dede mige peda Khrista Rabe la mecai, pa Khrista da lama.
Adam gade pelane tsai kedi nzwa eh Khrista gade pelane de tei nring luzie. Dede hangge ge de penlia gade zie: Khrista petsi raitube, pecai pa cailikegwang dau, Khrista gu tei kelamedung zie. Pecai Khrista kedime pelane, kengkieng keteu nah kengkieng pelane ngkapdi de nah pa hegwangram Peibe Tinggwang de peudi de kideu penli dizie. Khrista pe ngauraume pelane de pe pi kangga ge kaidi kemaktane pa ne dibam maisia.
"Kengkieng nah kehing peda la;
pa tinggim heni kecehudung gade ngngwa keyi kaizeulu.