Domínio próprio
O domínio próprio é fruto do Espírito e marca de maturidade espiritual. A Bíblia ensina que quem governa o próprio espírito é melhor do que quem conquista uma cidade.
Fruto do Espírito
O fruto do Espírito inclui domínio próprio. A graça de Deus nos ensina a viver de maneira sóbria e justa neste mundo.
Ila pamlongoswa na Mpumulo wa Sapanga mweni atewaghola muweli na kupalana na luheku na kuponga na kufumilila na umaha na kutangana na uchakaka, unyalinyali na kuikanisa mweni. Kwahela laghilo lyeni kuwesa kulonga mighalu hai ni mihakata.
Kwaikiva Sapanga kagubutula ulungwana ghaki hau unguwalokola wandu wogha. Ulungwana hau ungutuvula kuleka ndyangilu imhekelesa ng’ogha Sapanga na lumatamata lwa mlima wogha ili tutami ngalilu gha kujilongosa weni gha kumtundamila Sapanga kumlimawogha hau wa hinaa, Tukiva tungulindila litumaini lila lya highili na kuhighiliswa kwa ukwilikihi wa Sapanga wa twenga mkulu na avile mlokola wa twenga Yesu Kilisito.
Kwaikiva Mpumulo atupeghili Sapanga ng’ogha wa kutughola tuweli wandu wa kutila, ila wa makakala na upalo na moyu wa kulilongosa mweni.
Kwaikiva nagha, myangalayi kuukwinila wa mwenga muyongesi ulungwana, na kuulungwana muyongesi kujivula, na kwa kujivula muyongesi kujilongosa mweni, na kukujilongosa muyongesi kufumilila, na kukufumilila kwa mwenga myongesi kumtundamila Sapanga, na kukumtundamila Sapanga muyongesi upalo wa ulongo, na kuupalo wa ulongo muyongesi upalo.
Governar a si mesmo
Melhor é o que domina o seu espírito do que o que toma uma cidade. A cidade sem muros é o homem sem domínio próprio.
Ghuli, mmanya ng’ogha yiwa wala wenikutula mbilu wangutula wogha ila mwenikulongoha ndiwa mwenikupokela hupo? Mtuwi mbilu handa nagha ili mpati hupo. Kila mundu mweni kuliugha kumghalu wa kutuwa mbilo anguilemesa mighalu mitangala, na angughola nagha ili apokeli hupo yeni kuyalamika, ila twenga tungughola nagha ili tupokeli hupo yeni kuyalamika ng’ogha. Hata nenga ningutula nesu ili nisindi. Ndiwa ningutovana, ili nikotoho kuwela handa mundu mweni kutovana yaghiyaghi, ila naughola mhigha ghangu ili uwesi kufumilila, ningughola nagha lukani paniyomola kuwatangasila wandu waghangi nikotoho kulemwa.
Ila handa ungusindwa kuikanisa mweni, unguwesa kuposa kwaikiva ni mbaha kuposa kupiti kuwela na lumatamata lwa mhigha.
Mayeso hagha mnguyapokela ni ghala ghala yeni kuwakola wandu waghangi. Sapanga kamchakaka, na mweni atewaleka ng’ogha myeswi kupiti uwesa wa mwenga. Ila pamyeswa mweni atewapegha makakala gha kufumilila na njila gha kuhukila.
Disciplina e vigilância
Sede sóbrios e vigilantes. O diabo anda em derredor como leão rugidor. A sobriedade nos protege e fortalece.
Mlikali mihu lipindi lyogha, kwaikiva mhakata wa mwenga, Lihyukana, angutindila tindila handa himba angulunguluma akihakula mundu amlakatuli. Muweli mgangamala kuukwinila na mumkingami hayu, mkiva mmanya yiwa walongu wa mwenga kumlimawogha wanguhakilwa na maghaso handa hagha.
Wagholokela maha wa hupo zya Sapanga
Mwihu wa mighalu hyogha wa pabehi. Hinu muweli na kuilongosa weni na muweli mihu ili muwesi kuyupa.
Kulama kyonu
Hinu kwaikiva Kilisito ahakiliwi kihigha, na mwenga hilahila mgupalwa kuwela kulukani lulalula kwaikiva mundu pakahakilwa kala kihigha atelekana na sambi. Kuhuma hinaa na kuyendelela ingupalwa mwenga kukulama kwa mwenga kuhighalile haku kumlimawogha, mlikali ng’ogha kwa kukovekela lumatamata mhakata lwa higha, ila mukovekeli mapalo gha Sapanga. Kwaikiva lipindi lya kuyetu mtumilili lipindi litangala kukulikala kwa mwenga mkighola mighalu hila igholwa na wandu wammanya ng’ogha Sapanga hinaa ikwila. Mlikalili kungongola, lumatamata luhakata, kunywegha nesu, mihambu gha kunywegha uyimbi nesu na kuhina kwa kutikulilana, na kulitundamila ling’omung’omu kuwela ni kumyomelesa Sapanga. Hinaa, wandu hagha wamkwinila ng’ogha Sapanga wangulikangasa pawalola mkovekelana ng’ogha kangi na weni kumahakata ghao makulunga, hinu wanguwalongelela hofyo, ila watepalwa kuyegha mavalangilo kuulongolo gha yula aliyandala kala kuwalamula wala wakomu na wala wahovili.
Kila mlumi angupalwa ajivuli kulongosa higha ghaki kwa kuwela mundu wa Sapanga na utundamilu, na ng’ogha kwa lumatamata mhakata handa wandu wammanya ng’ogha Sapanga.
O senhorio de Cristo
Todo domínio pertence a Cristo. Ele é Senhor dos senhores e Rei dos reis — e nos capacita a viver em santidade.
Mweni atukombolili kuulongosi wa Lihyukana, akatuyegha kuulongosi wa Mwana ghaki mpalwa Yesu kilisito. Hinu kwa mweni tungukombolwa, ingumaanisa sambi syetu zinguhululwa.
makakala ghala yawoneka pala Sapanga paamuhindulile Kilisito, akamtamisa mbandi ghaki gha kuliyila kundumba. Haku, Kilisito angulongosa kila nkosi na vilongosi waghangi. Angulongosa kila kindu kyeni kulongosa, ni mkulu kupiti makakala yeyosi wanguyatundamila wandu. Angulongosa vilongosi wa mlima wogha hau wa hinaa na wandu wala wa mlima wogha hula utehika.
Twenga twa wenikaya wa kundumba, kuhuma haku kundumba tungumtumainila mlokola wa twenga Bambu Yesu Kilisito ahiki kuhuma kundumba. Mweni ateghalambusa mihigha gha twenga gha kuhakala na kuighola ilandine na higha ghaki yeni ukulu, kwa uwesa hula weni kuwesesa vindu vyogha vilongoswi na mweni.
Kwaikiva tungumanya yiwa Kilisito kahindulwa kala kuhuma kukihu na atehova ng’ogha kangi, kihu kitewela ng’ogha na unkosi kangi kwa mweni.
Wala wandu weni kuyitikila mapalo gha higha, wawesa ng’ogha kughola ghala yeni kumhekelesa Sapanga. Ila mwenga, myitikila ng’ogha yala yeni kupalwa na higha, ila yala gha Mpumulo, ikiva Mpumulo wa Sapanga angulama mghati gha mwenga. Handa Sapanga angulikala mghati mwa mwenga hinu mwenga mkovekela ng’ogha mapalo gha higha.
Handa vila wandu wogha wanguhova kwaikiva wahumila na Adamu hilahila wandu wogha wangugholwa wakomu kwaikiva gha kukongana na Kilisito. Ila kila mmonga atehinduka kwa kukovekela njila hai, Kilisito ahindukile mtumbulo na kuulongolo ghaki wala wenikuhova kunu wakimkwinila Kilisito watehindulwa pala paatehika Kilisito. Hinu mwihu utehika lipindi Kilisito paatempegha Sapanga Tati unkosi, paateyaghamisa kila ulongosi na uweso na makakala. Kwaikiva Kilisito atelongosa mbaka lipindi awasindi wahakata ghaki na kuwalongosa.