34 तैखन यीशुए अपने चेले त कने मैन्हु केरि भीड़ एप्पू कां कुजेइतां सेब्भन सेइं ज़ोवं, "तुस अगर मेरे चेलो बन्नू चातथ, त तुस अपने आपेरो इन्कार* केरा त कने तुस अपनु क्रूस* छ़ुइतां मीं पत्ती च़ला।

31 तैसेरो ज़ेरो दूइयोवं बड़ो खास हुक्म ई भी आए कि, ‘तू अपने पड़ोसन* सेइं अपने बराबर प्यार केर।’ एन दूई हुक्मन करां होरो कोई भी बड्डो हुक्म नईं।"

20 अवं मसीह सेइं साथी क्रूसे पुड़ च़ढ़ोरोईं, ते हुनी ज़ींतो न राव, पन मसीह मीं मां ज़ींतोए, ते अवं जिसमे मां हुनी ज़ींतोईं, त सिर्फ तैस विश्वासे सेइं ज़ींतोईं, ज़ै परमेशरेरे मट्ठे पुड़े, ज़ैने मीं सेइं प्यार कियो, ते मेरे लेई अपनि जान दित्ती।

3 खुदगरज़ या झूठी बड़यैयरे लेई किछ न केरा, पन नर्म भोइतां एक्‍की होरि एप्पू करां रोड़ो समझ़ा।

24 पन मेरी जान, मेरे लेई कोई कदर कीमत न रख्खे, त बस्सा अवं एन चाताईं कि मेरी दौड़ पूरी भोए ते तैस सेवाई पूरी केरि, ज़ै मीं परमेशरेरे अनुग्रहेरे खुशखबरी पुड़ गवाही देनेरे लेई प्रभु यीशु करां मैल्ही।

24 कोई अपने भलेरे बारे मां न सोचे बल्के होरि केरे भलेरे लेई सोचे।

4 ज़ैना लोक होरन सेइं प्यार केरतन तैना सबर ते दयाई सेइं कम केरतन, तैना जलन न केरन, तैना अपनि बडीयाई न केरन, ते न घमण्ड केरन। 5 तैना होरन बेइज़्ज़त न केरन, तैना खुदगरज़ न भोन, जल्दी क्रोध न केरन ते ज़ैना बुरी गल्‍लां तैन केरे खलाफ भोइ, तैन तैना याद न केरन। ते तैन केरे खलाफ ज़ैना पाप केरतन तैना, तैन बड़े आसान तरीके सेइं माफ़ केरतन।

18 कोई अपने आपे धोखो न दे, अगर तुसन मरां कोई इस दुनियारे लोकन मां अपनो आप अक्लमन्द समझ़े, त तैस दुनियारी नज़री मां बेवकूफ बनोरू लोड़े; ताके परमेशरेरे नज़री मां सच़्च़े ज्ञानी बने।

2 असन मरां हर कोई अपने विश्वासी ढ्लान ते बेइन्न खुश केरनेरे लेई मद्दत केरे ज़ैस सेइं तैन केरो विश्वास मज़बूत भोए।

25 खुल्‍ले दिले सेइं देनेबालो मैन्हु सहतमन्द भोइ गाते,

ते ज़ै होरन पानी पियाते तैस भी पियावं गालू।

2 बेवकूफेरो मन समझ़रे गल्‍लन मां न लग्गे,

तै सिर्फ अपने मनेरी गल बांदी केरनी चाते।

36 मेरो दिल लालच़ेरे पासे नईं,

अपने नियमेरे पासे बदल।

16 एल्हेरेलेइ कि ज़ैड़ी जलन, ते खुदगरज़ी भोतीए, तैड़ी फसाद ते हर बुरू कम भोते।