Esperar no Senhor

31 Dede RAMPAUBE dade kengha nlum kecume au penui kengking tei heci dai lu zie; penui au heliedung nzwa lim cuh dizie;

penui pak zie nah leu dilak; penui tet zie nah nnei dilak.

18 Dede RAMPAUBE au nnuide hung eh kwabam, cine pa au nnuide ngaugia keulia kera mtei pwabam.

Kedanemene RAMPAUBE au kemzui Tinggwang; pecu kwa kebamme samlam pungtu.

14 RAMPAUBE de kwa bamlu;

ngkienglu, nah peu n nlung de kuu lu!

RAMPAUBE de kwalu!*

13 Ring kelame deu gade RAMPAUBE keyi de ngau kera Ih nlumlu meliecai a da daitei dizie bi?*

14 RAMPAUBE de kwa bamlu;

ngkienglu, nah peu n nlung de kuu lu!

RAMPAUBE de kwalu!*

RAMPAUBE au a kebaa nah a kelikelube

1 RAMPAUBE a kebaa nah acu ri kebeube;

Ih cau de hing lai?

RAMPAUBE a teilung kensiube;

Ih cauge de hing swa lai?

2 Kemau keteime a teih tyei zie lie a da gwang kecudau,

acu renia kelame nah a ngauraume penui pi nsui eh kau di.

3 Reugwame acu twagwapung bam liede,

a nlung hing dilak;

a da hereu teicuh di liede,

cinzwa liede Ih kuu eh bamzie.

4 RAMPAUBE dade Ih mage kiela, nah Ih cide peei zie:*

Ih a teilung pelane RAMPAUBE kiga lunghlu kerane,

RAMPAUBE keyi de pie kerane

nah pe kerecaki gade Ih macet ncoklu kerane.

5 Kedanemene keherei tingdau kelu benai pa acu pe ki ga acu kebai luzie;

pe paiki gum le pa acu gum luzie.

Pa acu tsura reu gage teu ncuh gai beuzie!*

6 Pecai acu twagwa kebam a ngauraume leune reu ga a peu cuh di,

nah pe paiki gade Ih a sui keyi ratakdung peu zie!

Ih lei teizie nah RAMPAUBE dage leidung teigai zie!*

7 Kingneilu, RAMPAUBO, a kwa Ih n da mra kegaidau!

Acu ngaunggia gailo, nah a sam keli lo!*

8 A mlung n ha rangla,

"Pe zu peeilu!" Ih n zu peei la, RAMPAUBO!

9 N zu a dade kebai di helo;

n kilabe de n rata le peu nreutetdi helo!

Nang acu kenghabe tei beuda;

acu gidi so mede pütdi so, acu rikebeube Tinggwang!

10 A pei nah a pui acu gidi liede,

RAMPAUBE acu ngngwa luzie.

11 N lampui acu ledeu beulo, RAMPAUBO!

Acu lampui kemzui gage ngngwa gai beulo

a ngauraume ziemne.*

12 A ngauraume luu keneu gage acu gidi helo,

kedanemene kenret zierangdung acu mmau cuh kedine,

nah penui rata cui ngngi mpet!

13 Ring kelame deu gade RAMPAUBE keyi de ngau kera Ih nlumlu meliecai a da daitei dizie bi?*

14 RAMPAUBE de kwa bamlu;

ngkienglu, nah peu n nlung de kuu lu!

RAMPAUBE de kwalu!*

Acu kenghabe nah kelikelube

1 Ih a lung tie eh RAMPAUBE de kwa;

pa a kwa siulu nah a kehap de kingneilu.

2 Pa hekwa kecok kengngi gade acu teu mpetlu, nyiasai gade acu teumpet lu,

nah pa a pi tsura gage kaibeu nah a pidau de peu kwaklu.

3 RAMPAUBE a mui gage lei keheci ge kaibeu, anui Tinggwang de twa.

Mi kekiee ge cide ngau zie nah pecu herüt peulu

nah RAMPAUBE de nlum luzie.

4 RAMPAUBE de nlum kelame samlam pungtu

nah ngang kelame de mede pe dade nreutetdi eh kenretbedung da nreu gai kedime de rütla kemakme.

5 RAMPAUBE a Tinggwang, miswakegah n batadung nang teikegaidung de au kekiee ge,

nah anui ziemne n lungcetdung de au pei canggai lak;

Ih rang ndu gai nah cidungde ranggai liecai,

cidungde au peilu kebui swade kiee zie.

6 Nang au ratak mede reca tei kegai luuneu mah,

dede nang a kwendung ngkei beu;

nang keru ratakdung mede kemau recadung nsui lamah.

7 Ge Ih ranggai, "Pielo, Ih gwang bam da;

kerau laisiudum gage a ha rau pwabam.

8 Ih n lungning ketei ga a suiyi bam, a Tinggwang;

a nlung ga n zaidung kai pwabam."*

9 Ih mina maadi ga n kesamsang samlia keyide rang ndu liagai dida;

RAMPAUBO, Ih aide tei kecu ga a mleu mtak di kemak nang cibam.

10 N kesamsang de Ih a lung gage hebai dimah;

Ih n samsang nah nang ri kebeu de Ih rang mduilia gai da;

N mina maadi dade Ih n samkakkelu samsang de mede ncu nlumlukebui de kebai dima.*

11 N ngaugia tadung de a da gwang cangta kedi tei diso, RAMPAUBO;

n samkakkelu samsang nah ncu nlumlukebui dene peu acu gum kwaklu.

12 Pei kapgai kelak kehereidung de ne acu twagwa pungbam;

a kesiadung ne acu gumlu iciu eh Ih ma ngau sita dida;

cidungde a peu ga a tamleidung swade kiee,

nah a lung kekuu gah da.

13 N sui yilu, RAMPAUBO, acu kelilu kerane;

mzet gwang acu ngha lo, RAMPAUBO.

14 Acu zui eh acu teitset zie lie he kelame de

peu hengam ngaulu nah ngngai dilu.

Acu tei rezam kegai ga penui sui kelame de,

peu nreucaili dilu nah peu ngngam dilu.

20 RAMPAUBE de anui kwa bamzie;

pa anuide kenghabe nah anui geu.

21 Anui nlung RAMPAUBE da anui sui yisüt la,

kedanemene anui pe kemci zi de nlum lalu.

22 Peu n samkakkelu samsang de, RAMPAUBO, peu anui da bamlo

anui keregui n da kebam ziemne.

5 Ih RAMPAUBE de kwabam, a rabe kwabam,

nah Ih pesam ga regui bam.

6 Kekwamedung tingcang de kekwa swade

a rabe RAMPAUBE de kwa ki bam.

5 Tinggwang de rünne Ih zingde eh kwabam;

a keregui pe dage kaipwa kebam ziemne.

34 RAMPAUBE de kwalu nah pe sam mzailu,

iciulu de pa ncu teucuh lu eh peu ncu kideube de gum luzie.

Nang kemaume de gwagi kedi ngau zie.

5 N mlung pekiene teu RAMPAUBE de nlumlu

nah n kecikecet de ga ngngei diso;

6 nang ketei leune ga pecu hetwa peulu

iciude pa n lampuidung tei mzui beuzie.

3 Dede aide rünne ma, anui reidung ga anui suiyi bam, keherei kecu ga liakelu peukela ci kebamne. 4 Dede liakelu au mizai tei ntip beula, nah mizai kentip dene kelikelu keregui de peula,

11 Nnuide peu teilu kebui leune gade pe kendu kengkieng rehi gade teingkieng lu eh helung tiesüt nah liakelu suiyi bamlu kerane.

Keherei kecu ga liakelu

7 A sinamedung, cine Rampaube gwang kemaktane nnui lung tei eh kwa bamlu. Pielo, hetaketabe hangdeu gade pemi kewhung luhlüt de ngaulu kera kwa bamla, pa au pelungtie eh cide ziemne tingrui keraibe nah tingrui kekambe ngaulu kemaktane kwa bamla.✝ 8 Nnuide nnui lungtie eh kwa lulo. Nnui lung tei ngkienglu, kedanemene Rampaube cailigwang kera ting nnadi delu.

11 Ainie, liakelumede anui samlam kepung melie qula. Nnui Job pelung ketie ha siu da, nah nnui Rampaube kekamle dainzwa teigwang bi kecu cida, Rampaube au daikenzwa gede pezaiyi nah mide ngaunggia bi kecu.

22 Nnui kesangbe samzai teikelu gade nnui de teimci luda. Aide au siname keku lungsang ngau kera ziemne; cine hangge gede nnui mlung mci eh lungsang gade kereku lulo.* 23 Gahdi kela heleuh gade ma, dede madaude gahdi kelak heleuh gade, kering nah bammui kela Tinggwang sam gade, nnuide mna hecidai luda. 24 Kesanglaisiu rang kela nzwa,

"Pumteih leune au cehei nzwa,

nah pe kendu pelane au cehei mapa nzwa lie.

Ceheibang ki dila, nah mapa hui dila,

25 dede Rampaube sam au kelungta bamla."✝

Sam aide samliakeyi nnui dage pwa kepeude da.

9 Midungge cet kela nzwa eh Rampaube au pe sampetdung teibeu kera nneu lama. Meliene, peu nnui migede de kapdi neu mene nnui dade pe lungtie bamla. Dede pelane de penui mau gade nreudi neula.✝

Releime kerei samgwa

1 Pecai Tinggim hegwangram au relei kemcime hangkerei penui mitaubung pwalwe lakciube de dau zielie mie kecu nzwa delie. 2 Penui hangmengei bau au mie nah hangmengei bau au mriak. 3 Kedanemene kemieme bau de penui mitaubung pwa keludau, penui midui gede keusi ma. 4 Dede kemriakme bau penui mitaubung nah miduibung gage midui keusilu. 5 Lakciubepei gwang ridi ge, penui ziangmui eh zip kapdi. 6 Dede tingmui muisum dau mage sahbak eh, ‘Ainie, lakciube! Tetpet delwe pecu redau lulo.’ 7 Ge relei kemcimedung de cuhlu delwe penui mitaubung mtei kaplu. 8 Kemieme bau kemriakme bau dade kiedi, ‘Nnui midui kesa anuide peulo, kedanemene anui mitaubungdung mmütdi zeu delu.’ 9 Dede kemriakmebau sam keligai, ‘Anui nah nnui ziemne cang gailak ta. Kezwame da mie delwe nnui ziemne lui lulo.’ 10 Penui lui zie lie mie kedidau, lakciubepei gwang eh mtei teu kebamme de ngngwa meunui ngyi ga mi di, nah kikambe ngkuidi. 11 Pecai releime kedame bau gwang eh rangdi, ‘Kedibo, kedibo, anuide kikam ngkei beulo.’ 12 Dede pa sam keligai, ‘Ih nnui dage rangsiakte gaila, Ih nnuide cima.’ 13 Cine kwabam lulo, kedanemene nnui pe tingba mede pe bamdakkak ci melu.