Estudar a Bíblia

11 Wanhu wa ako nawali walinguhulichiza ng’hatu kusinda wanhu wa Tesalonike. Nawasangalala lowahuliche usenga woyawalonjele Paoli. Nawagalola goya Maandiko Matakatifu kuli chila zuwa, leka kuvizela kota gowahuliche ndo gakukomya.

15 Wikangaze kudita galingumnojeza Nguluwi uwe chitumagwa yohambe yone soni kuli mijito ja heye na yawele kulangusa ulonzi wa kukomya wa Nguluwi kota vyoilinguganigwa.

15 kwangukumbuka kota kulawila vyouwele mwana kugazela Maandiko Matakatifu gawele goweza kukupa luhala lulingigala ulohozi kwa kukolela makundo gawele kwa Kilistu Yesu. 16 Maandiko Matakatifu gandichigwa kwa kuwichigwa Muhe wa Nguluwi na ganoga kwa kulangusa kukomya na kukanya wanhu kuli wihe wa hewo na kuwika goya wihe wowaditile na kuwalongoza wanhu wekale kuli ukomu wa kumnojeza Nguluwi, 17 leka munhu yalingumkunda Nguluwi yawe yanojile ng’hatu na yawe yewichile goya kudita mijito jinojile.

13 Mazuwa gose ulutilile kikangaza kuwasomela wanhu ne uviso Maandiko Matakatifu, kudamla na kulangusa mbaka hondikuya.

39 Hemwe mwangugalolaga goya Maandiko Matakatifu kuno mchijesa kota mgati mwake mopata ukomu wa mazuwa gose, maandiko gago gangulonga kuwala heni.

8 Uleche kusemwa kulonga ulonzi wa chitabu achi cha malajizo, ila chila zuwa wilanguse mbuli za chitabu achi, nemisi na nechilo, leka ulolele kuli kudita geng’ha gandichigwe amu. Hamba mbuli za hegwe zeng’ha zoditigwa goya ng’hatu.

Malajizo ga Mkulu Nguluwi ndo lumuli

105 Ulonzi wa hegwe ndo chenje cha kundongoza,

na lumuli kuli nzila ya heni.

Malajizo ga Mkulu Nguluwi gangumha munhu luhala

97 Ndangugagana ng’hatu malajizo ga hegwe.

Ndangugajesa nemisi yeng’ha.

98 Mizilo ja hegwe ja hamwe na heni mazuwa gose,

jangumha heni luhala kusinda wang’honyo wa heni.

99 Ndivizela kusinda walangusa wa heni weng’ha,

kwa vila ndangijesa kwamula kwa hegwe.

Kuhulichiza malajizo ga Mkulu Nguluwi

9 Msongolo koulolela ndaze ukomu wa heye leka uwe welile?

Kwa kuwinza ulonzi wa hegwe.

10 Ndangikangaza kukuhulichiza kwa nhumbula ya heni yeng’ha,

uleche kundeka ndijibelenhuche mizilo ja hegwe.

11 Ndibatilila ulonzi wa hegwe mnhumbula ya heni,

leka ndeche kukuditila gehile.

12 Gwa Mkulu Nguluwi, utogoligwe.

Undanguse malajizo ga hegwe.

13 Ndogahiluchila kwa lizi

malajizo ga hegwe geng’ha gougalavile.

14 Ndangusangalala kuwinza kwamula kwa hegwe,

kusinda kuwa na lufufu lwinji.

15 Ndangijesa malajizo ga hegwe,

na kijesa ng’hatu kuwala nzila za hegwe.

16 Ndangusangalala kwa chiwalo cha mizilo ja hegwe,

siweza kusemwa hebu ulonzi wa hegwe.

7 Ndokutogola kwa nhumbula igoloche,

kuno ndichilangusa malajizo ga hegwe gatanganiche.

9 Mkulu Nguluwi nakagadita majendo ga hewo gowaluche kuli zuwa lya mwaluko lya mwezi wa mwaluko, galutilile goya. 10 Esila nayali yelavile kwa nhumbula ya heye yeng’ha kilangusa malajizo ga Mkulu Nguluwi na kugahulichiza na kuwalangusa wanhu wa Isilaeli malajizo na mizilo ja Nguluwi.

5 Namwe mumgane Mkulu Nguluwi wa hemwe, kwa nhumbula za hemwe zeng’ha na kwa muhe wa hemwe weng’ha na kwa mong’ho wa hemwe weng’ha. 6 Na ulonzi awu wondilinguwalonjela lehano, muuwiche mnhumbula za hemwe, 7 namwe muwalanguse wana wa hemwe goya na kugalonga homchikalisa kuli ng’handa za hemwe na homjenda mnzila na homuwasa na homlilimka. 8 Mgakoweleze gawe ulajilo mchanya mwa moko ga hemwe na kuwoha mvihanga vya hemwe. 9 Kahi mgandiche mchanya mwa vibatilila lwizi lwa ng’handa za hemwe na mchanya mwa lwizi lwa lugagala lwa ng’handa za hemwe.

18 Hoyowa yekalile chigoda cha undewa, mndewa yomlapa yandiche chitabu achi cha malajizo, chitawizwe na chitabu cha watambika Walawi. 19 Chitabu acho kowa nacho heye mazuwa gose na kuchisoma kuli ukomu wa heye weng’ha, leka yelanguse kumdumba Mkulu Nguluwi, Nguluwi wa heye. Kochibatilila na kudita ulonzi wa malajizo geng’ha na geng’ha galinguganigwa, 20 leka yaleche kudadambala yuye hali wang’holoze na kuwika hafungo mizilo aji kwa mbuli yoneche yila, leka yekale kuli ulongozi kwa miyaka minji, heye na walelwa wa heye kuli Isilaeli.

Vyoilinguganigwa kuli luhala

1 Azi ndo nhelo za Solomoni, mndewa wa Isilaeli, mwana wa Daudi. 2 Nhelo azi zanguwapa wanhu luhala na kuhulichiza na kuwadita waweze kutang’hula ulonzi uwele na mana ivisigwe. 3 Zanguwalangusa ndaze vyowalinguganigwa kikala kwa luhala na ndaze vyowalinguganigwa kudita mbuli kwa kutanganika na kwa hachi ne kuwa na uganililo. 4 Zanguwapaga wapoka kuvizela na wasongolo uwanzi wa kuhagula goya. 5 Yawele na nyhala yazihuliche na konjeza luhala lwa heye na yawe na ulonzi ulingumlongoza. 6 Munhu yauzele goya ulonzi na nhelo na ulonzi wa wala wawele na nyhala na vitendawili vya hewo.

Ulonzi kwa wana

1 Mwana wa heni, uleche kusemwa malanguso ga heni,

kwa nhumbula ya hegwe wibatilile mizilo ja heni.

2 Kwa vila vyokupa winji wa mazuwa,

na kikala lukami na mbuli za hegwe zolutilila goya.

13 Wibatilile malanguso ga luhala na uleche kumleka yasulupuche,

umbatilile goya kwa vila heye ndo ukomu wa hegwe.

23 Kwa vila mzilo awo ndo chenje,

na ilajizo alyo ndo lumuli.

Makanyo ago na kuhulichiza gokuwika kuli nzila ya ukomu.

6 Wanhu wa heni wangudumigwa kwa vila wahela uwanzi.

"Kwa vila hegwe nakuulema uwanzi,

nani nandikulema kuwa mtambika wa heni,

kwa vila nakugasemwa malajizo ga Nguluwi wa hegwe,

nani kahi ndowasemwa wana wa hegwe.

20 Ndikomya, yalingulonga ahyo yang’hali kona lumuli. Ila hemwe mibatilile gala malajizo ga malanguso ga Nguluwi.

24 Yesu nakawalonjela, "Hemwe muwifya kwa vila hamgazelele Maandiko Matakatifu ne mong’ho wa Nguluwi.

4 Mina, geng’ha gandichigwe katali nagandichigwa kwa chiwalo cha kutulangusa hetwe kwa ubetezo na kikangaza kotulingupegwa na ago Maandiko Matakatifu tuwe na lya kitumbila.

17 Ila hemwe, wang’holozangu, mvizela mbuli ayi. Lelo, milolele mleche kugaluswa na nongwa za wanhu wehile na kugwa kulawa kuli kwima nzinzili kwa hemwe. 18 Ila mlutilile kukula kuli kunoga kwa Nguluwi na kuli kumzela Mkulu wa hetwe na Mlohozi Yesu Kilistu. Ukulu uwe kwa heye, sambi na mbaka mazuwa gose! Ena.

10 Waloli wa Nguluwi nawapugajiza kuwala ulohozi ama, wala waloli walonjile kuwala utambichizo, nawapala kwa kikangaza, nawalavya uloli wa isungu lya Nguluwi nauwele wompegwa hemwe. 11 Nawajeza kuvizela mhela wachi na hanili, mhela woyaulajile muhe wa Kilistu loyawele mgati mwa hewo, yalonjile mbuli ya magazo gomfika Kilistu na ukulu ukuya.