21 ሀይቆይነ ደኦይ እንፃርሳና፤

ኔኒ ነ እንፃርሳ አይፍያ ማና።

1 ሊቆ እንፃርስ ሀንቆ ዛርብሴስ፤

ሽን ዶምኤያ ቃል ሀንቆ ደንስ።

4 ሎኦ ኦድ ደኦ ም መላ፤

ሽን ጌላ ኦድ አያና መንስ።

23 ኦይሻስ በሲያ ዛሮ እሞይ ሄ ኡራ ኡፋይሴስ፤

ባ ዎደን ኦደትያ ኦድ አይ መላ ኡፋይስ!

22 ዞረይ ይኮ፥ ቆፕዳባይ ሀድሬስ፤

ዳሮ ዞረይ ደእያ በሳን ቆፕዳባይ ፖለቴስ።

19 ዳሮ ሃሳያ ግዶን ናጋር የና፤

ሽን ባ ዶና ሺሽያ አስ ጭንጫ።

3 ባ ዶና ናግያ ኡራይ ባ ሸምፑዋ ናጌስ፤

ሽን ኤሶን ሃሳያ ኡራይ ባና ይሴስ።

28 ኤያ አስ ስእ ጊኮ ጭንጫ ዳኔስ፤

ባ ዶና ዶዮና እፅኮ ኤራንቾ ዳኔስ።

13 ዝግርያ አስ ፁራ ላሌስ፤ ሽን አማነትያ አስ ፁራ ገንስ።

8 ባንታ ግሾ ኦደታናዉ ዳንዳኦና አሳ ግሾ ነ ኦዴታ፤

ማድያ አስ ባይናይሳታ ግሾ ነ ኤቃ።

12 ጭንጫ አሳ ኦድ እያዉ ቦንቾ እምሴስ፤ ሽን ኤያይ ባ ዶናፐ ከይዳ ቃላን ባዉ መቶን ገሌስ።

36 ሽን ስእተ፥ አሳይ ኦደትያ ጮ ኦዳ ኡባስ ፕርዳ ጋላስ ዛሮ እማና።

15 "ነ እሻይ ነና ቆህኮ ነርካ እያኮ ባዳ እያ ቆሁዋ እያዉ ኦዳ። እ ነና ስእኮ እያ ነዉ እሻ ኦ።✝

7 ህንተ ዎስያ ዎደ አማኖና አሳ ጮ ቃላ ዳርስድ ዎሶፍተ። ኤንቲ አዱስ ዎስን ፆሳይ ስኤስ ግድ ቆፖሶና።

3 ህዛ፥ ህንተ ማን ኦደትዳባይ ኡባይ ፖኦን ስኤታና፥ ቆልአ ጋን ካልካሽዳባይ ዳባባን ኦደታና።

45 ሎኦ አስ ባ ዎዛናን ኩምዳ ሎኦባፐ ሎኦባ ከሴስ። ኢታ አስ ባ ዎዛናን ኩምዳ ኢታባፐ ኢታባ ከሴስ። አስ ባ ዎዛናን ኩምድ ፓላህዳባፐ ባ ዶናን ኦደቴስ።✝

9 "የሱሲ ጎዳ" ጋዳ ነ ዶናን ማርካትኮነ ፆሳይ እያ ሀይቆፐ ደንዳይሳ ነ ዎዛናን አማንኮ፥ ነ አታና።

26 ሄሳዳ ጌሻ አያናይ ኑ ዳቡራን ማዴስ። ኑኒ ፆሳ ዋት ዎሳናዉ በሲያኮ ኤሮኮ፥ ሽን ጌሻ አያናይ ባ ሁጰን፥ አስ ኦዳናዉ ዳንዳኤቶና ቃላን ኑስ ጋናቴስ።

29 ህንተ ዶናፐ ኢታ ቃል ከዮፖ። ሽን ስኤይሳታ ጎአና መላነ ሀራታ ምንያ ኮሽያ ሎኦ ቃል ህንተ ዶናፐ ከዮ።

19 ታ ሲቆ እሻቶ፥ ሀይሳ አኬክተ። አስ ኡባይ ስአናዉ ኤለሶ፥ ሽን ኦደታናዉነ ሀንቀታናዉ ኤለሶፖ።

2 ኑ ኡባይ ዳሮባን ባለቶስ። ባ ኦዳን ባለቶና ኦንካ ባናተ ናጋናዉ ዳንዳእያ ፖሎ አስ።

9 ኢታ ግሾ ኢታ ዎይኮ ጫሻ ግሾ ጫይድ ዛሮፕተ፤ ሄሳ አግድ፥ ፆሳይ ህንተዉ አንጁዋ እማናዉ ህንተና ፄግዳ ግሾ አንጅተ።

18 ታ ናይቶ፥ ኑኒ ኦሶንነ ቱማተን ኑ ሲቁዋ ቆንጭሳናዉ በሴስፐ አትሽን፥ ጮ ኦዳ ፃላላን ዎይኮ ዶና ፃላላን ሲቀታናዉ በሰና።

1 ጎዳ ጋላትተ፤ እያ ሱን ፄግተ፤

እ ኦዳባ ካዎተታስ ኦድተ።

8 ጋላሳ ኡባን ታ ዶናይ

ነ ጋላታንነ ነ ቦንቹዋን ኩምስ።