Família de Deus
A família de Deus transcende laços de sangue. Em Cristo, somos adotados como filhos, irmãos uns dos outros e membros de uma família eterna — a Igreja.
Adotados por Deus
Recebemos o espírito de adoção pelo qual clamamos: Abba, Pai! Se filhos, também herdeiros — herdeiros de Deus e co-herdeiros com Cristo.
Soda’ati hexxinaasha haaroba ha’no’o garbake assaaka Hufuura adhitine’ebaan; yaane kinni adhdhitineek Hafuur, «Annayyo» hitina’n yexxinaasha assaake beltumatika Hafuuran. Mageniixe oose kandeenexxa iikki Hafuur no’oke irrni welt mitteba higeexxi dhuga kula. Yoona Mageniinxe oose kandeenexxinni no’o isike dhaalnjuwanni, ittayotinna no’o Magenke dhalnjuwwan; Kiristoosinni weltinna dhaalanon; ta’a Kirsitoosn welti rakko adhinonole uduma iska ulfinna isin welt adhdhinano.
Yaane kinni muremeeki bari shiqee wodda Mageni belto ifika no’o’a ergeen; isi meyyaxxenaa’n ilemeexxi seerake’e ajajemaake kadeen. Tenneenna asseechchi seerini hunda hedhemmakaara wodo’anna no’onna Mageniixxe oose kandannoshsha assateeten. Yoona Mageniixxe oose kaddineemmaxxee Mageno, «Anke annayyoo!» hiyya’ni ye’aaka ifike beltika Hafuura qalbe no’oxe’n ergeen. Tennexxee konneechinni edi’a ati Mageniike belto malee’e garbakebaan. Mageniike belto kaddeetechchi Magenkee dhaalanjon.
Yessuusi Kiristoosi amaniyyoti no’o duuchchingi Mageniixxe oosen. Kiristoosinni welti mitteke kaddino’a xammaqendineek duuchchi Kiristoosii’i oddo’wtineenen. Iitta kaddeexxenni duuchching Yessuusi Kiristoosinni mitteke kaddinemmaxxee Ayihudichchiinxe, Girkiichchiinxe, garbiinxe, goottiinxe, labbakenna meyyaxxixxe oddo’n mitte gargarunte hexxebaan.
Mageni eloxxe isixxe fedhiinni Yessuusi Kiristoosi darree’ni oose isixxe kandannoshsha ediseenni isixxe jaalalanni no’oo fi’le. Tenneennna asseechchi eeyyemmeeke belto ifiki darree’ni tolanga no’aa uwweemmeek ulfo kadeek isiki badhaadhi galateeffatemo’aaten!
Kiristoosixxa Jaalala
Tenne buutoxxee Mageno Aabi edo guluffattaannen; isinaa’n iimate’ninna butta hedheeki mitti mittiing mini hadi duuchchi ifi ifika dhugaatika summa alfaan
Kaddo malee adhdheekeeri’anna summa isike’ni amaneeke duuchchi’a kinni Mageniinxe oose kaddandaashsha baallooma insa’ne’aa uwween. Insa’nenna Mageni darree’n ilemmee malee manjiinxe sannenni yookaan maaliinxe fedhiinn yookaan labbakixxe fedhiinni ilemmebaan.
A comunidade de fé
Não abandonem a congregação. Somos um corpo em Cristo, membros uns dos outros, chamados a amar e a servir.
Duuchchiing welti afemma’n weli weli jajaabeesino malee’e mitti mitti manni assammashsha bukki hiyya no’oxxa waallonnoqqe’e; tenne mannii’n Goottiinke daggixxi barra shiqqa’n daggeexxa uuddina’n tennee caalla asse.
Magen ha’noo ifixxe ooseshsha uude’een isike xixichchika gorsa ossitine adhdhe. Isinni anni xixabaak belti ayyete? Oosse kadeek duuchchi adhdhitaaka xixichcho ha’noo adhdha gophphinoole ha’noo baanake malee’e seeriixxe oosebaan. Konne irra no’oo duuchchiing xixaaka maaliinka annuwwa anfeennan; insa’neenna ulfeessina’ennan. Eega hedhoti hedhaatee hafuuruwwiinke anna no’okee hittaa caala ajajemati gonphannota? No’ok annuwwi insa’ne’ni eloxxe fakkaatexxi leelitee qicinni heenoxxe yanna’aa no’oo xinxa’nemman; yaane kinni Mageni no’oo isixxa woyyumma qoodemmannoke kandannoshsha no’oxxe la’o’aa no’oo mura woxisaan.
iittanni no’o heddokke kandeenni he’nenexxi Kiristoosi darre’n mitte bison; no’o mitti mittig wele manjike bisike qoola.
Mitti bisiink qoolli abara uudaa wodda weli bisiink qoolluwwi duuchchi isinni welti abara uudaan. Mitti bisiik qool ulfeesemaa wodda wel bisiink qoolluwwi isinni welti gammadaan.
Tennexxe ha’noo qulliyyeti welti mitte bogike mannanna Mageniinke mannike mini hado malee konneechchinni edi’a keessummatenna wele bogike alagaa mannabaani. Ergameeyyete’ninna wabeekotixxe booso hana ijaarendineen; shoolge kasiki dhaaddoti kinjinna Yessuusi Kiristoositeni. Mini iikki iso’ni abidema’ni Goottiinke woyyichcha galma kadatee lumedhdha’n nophphaan. Ha’noonna gattinebaangi Mageni ifike hafuurinni galaake mine kaddino’a Kiristoosinni mitteba ijaarendinaani.
Quem é minha família?
Jesus disse: quem faz a vontade de Deus, esse é meu irmão e irmã. A família de Deus inclui todos os que creem.
Isinna hiisseexxi «Ama anxi ayyete dayyuwwi ankisi ayyeera?» insa’nee hiyye. Isinna qarqara ifike’ni ofo’lemmake mannibaa uuda’ni, «Ama anxinna dayyuwwi anki konneterani! Mageniinxa fedhi wonshaaki duuchchi; isi dayyo anke, dayyo anxenna ama anxeni» hiyye.
Garbi duuchchinni wodda mini hadi giddo hedhabaan; belti kinni duuchchinni wodda mine hedhaan.
Daabiloosixxa Oose
Yessuusi insa’ne’n hiyyeexxi hiisse haaso’ee qici, «Mageni ha’nooke Anna kade’eele, ani Mageniibaa’ni dagennaxxee sila anee eetinamman; yaane kinni isi anee ergee’naa dagenne malee ani ifike uminni dagebe’non.
Aro’o Shi’witeexxe Melaallexxee Uwwemmeeka Gorsa
Woggati ati’aa lumoke kadeeka manjo atike annishsha assitetexxi gorsi malee’e mee xixi; labbaxxa dargaggeeyye, atike dayyuwwishsha, Geedhee melaalle, ama atixxishsha assitetexxi uudi; iittanni oossite dubarte, dayyuwwa atixxishsha wo’ma luqqinninni insa’nee uudi.
Mageniinxa Oose
Mageniinxe oose hiyyemmennexxi ye’emmonaa Aabi dhangalaase duneexxi jaalala hittata lumoxxe kaddeexxa uuddee! Iittanni no’onna isixxe oosen. Butta duuchchi no’oo egendebaachchi isoo ege’na gophpheemmaxxeeten. Anke jaaluwwa, no’o ta’a Mageniinxe oosen; edi’aa maa kandannoxxa ta’i qico’ni iffeebaan; isi ifiseemmaxxa yanna hedheeshshanni isoo uundannoxxa, isoonna fakkantannoxxa egeneennen.
Yanna eloxxa alfinaannole manji duuchchi’a giddii’ninni ammaangtike mini hadi’a eloxxa yaane assinno!