Família
A família é a primeira instituição criada por Deus. Ele a projetou para ser escola de amor, fé e formação de caráter. A Bíblia honra a família e nos ensina a cuidar dela.
Eu e minha casa
Eu e minha casa serviremos ao Senhor. A família que serve a Deus juntos permanece unida e fortalecida em todas as circunstâncias.
Isoo magenoofata gibbinoole kinni edi wodda ha’nooki annuwwi Eefiraxxisike galaani wido hedhemma wodda magenoonfantaammaka yookaani ta’a giddo hexxineeke Amoorake ardike dharichcha magenuwwina’an hoone’a magenoonfatinaaxxa fi’le. Aninna anki mini hadi kinni Duuchchi Woddike Gootta Magenoonfantanon.»
Isoo magenoofata gibbinoole kinni edi wodda ha’nooki annuwwi Eefiraxxisike galaani wido hedhemma wodda magenoonfantaammaka yookaani ta’a giddo hexxineeke Amoorake ardike dharichcha magenuwwina’an hoone’a magenoonfatinaaxxa fi’le. Aninna anki mini hadi kinni Duuchchi Woddike Gootta Magenoonfantanon.»
Insa’nenna «Gootta Yessuusi’ni aman anjirendatton; atik mini hadinna anjiremaan» hine.
Duuchchi Woddik Gootti no’oki Magen edike no’oke annuwwinni welti hedhemmashshanni no’onninna hedhowwaal; no’o waaloqqe’e, hunoqqe’e.
Criar os filhos
Instrui a criança no caminho em que deve andar. O lar é a primeira escola de fé e obediência.
Belto atika me’iyyo hasissaaka ora duuchcha iso’o baraachissi:
hedheeke baro duuchcha’ni isoo’o hordofa’ni hedhaan.
Belto atika me’iyyo hasissaaka ora duuchcha iso’o baraachissi:
hedheeke baro duuchcha’ni isoo’o hordofa’ni hedhaan.
Anke beltoo! Atike annika gorsa caqasi;
ama atixxi uuttaaxxa barachchiisanna gibboxxe’e.
Isenna ati’a ulfinna lebammake umiinke kallachchishshanna,
gooba atika danchoossitammaxxe ellellashshaten.
Yabaabulto Manjonaa’n Bayyata
Anke beltoo! Atike annika ajaja heqqedhi,
ama atixxi barachchiisaaxxa barachchonna giboxxe’e.
Telcho ati’a uwwaanneka konnee ajajuwwa godoba galchedhi. Atixxe oose’ninna barsiisi: mine atike’ni ofoldato woddanna: ora me’itatto wodda; diiphphatto woddanna kexxatto wodda konne ajajuwwixxe’e jabeesite barisiis.
Telcho ati’a uwwaanneka konnee ajajuwwa godoba galchedhi. Atixxe oose’ninna barsiisi: mine atike’ni ofoldato woddanna: ora me’itatto wodda; diiphphatto woddanna kexxatto wodda konne ajajuwwixxe’e jabeesite barisiis.
Ha’no annuwwaa! Oose ha’nooxxa Gootta Yessuusike seera’n akeekina’ninna barachchiisina’n nosse, malee’e insa’nee jinnissinoqqe’e!
Ha’no annuwwaa! Oose ha’nooxxa Gootta Yessuusike seera’n akeekina’ninna barachchiisina’n nosse, malee’e insa’nee jinnissinoqqe’e!
Oosetanna Oosetika Hado
Ha’no oosee! Goottiinke kaddineemmaxxe hado ha’nokee ajajemme! Tinni hasissaaxxe yaanen. «Anna atikanna ama atixxa ulfeessi!» hiyyaak ajaji addachchiisatika hiyyichcho afeeke siretike ajaajan.
Honrar e amar
Honra teu pai e tua mãe. A família funciona com perdão, paciência e amor incondicional entre todos os seus membros.
«Duuchchi Woddik Gootti atik Magen ati’a uwwaake boga’n wogga atixxi qeerrexxo’a anna atikanna ama atixxa ulfees.
«Duuchchi Woddik Gootti atik Magen ati’a uwwaake boga’n wogga atixxi qeerrexxo’a anna atikanna ama atixxa ulfees.
Annakanna ama atixxa ulfeessi; manjo atke umishsha eeyyi.»
Aadha Heerumiinxee Uwwendeexxa Barachcho
Yessuusinna tennee yaane haaso’eexxi bireechchi uduma Geliilaa’n ke’eexxi Yordanoosi wido hedheeke Yihudake bogibaa me’e. Hedi ardinna isoo hordofe; isinna ookko ela gopheemmaka manna fayyise.
Feerisitotinna Yessuusii’i hega uuddo’a isibaa shiqqeexxi, «Mitti manji heene buutonninna ifixxa are tikatee seeri isi’aa uwwaa?» hite isoo qorte.
Yessuusinna hiissee hiyye haaso’ee qici, «Sirende’n Magen insa’nee labbakenna meyyaxxe asse dadeexxa haassossa gophine’eeta? Yessuusinna hiyyee qici, Tennexxee manji ifika annanna ifixxa ama waalaan; ifixxe areninna makemaan; lamiing mitte maala kandaan. Tennexxee insa’ne mitte biso malee’e lamekebaan. Yoona Mageni genci asse’e mitteke asseeka meenni manji gargar hiissowwaal.»
Insa’nenna, «Mayeeta, Muuse aro’i ifixxa are tikatixxa dhugaa kulatixxa borro uwweexxi isee waalowwaal? Hiyyeexxi ajajeek» hina’n isoo qorre. Yessuusinna insa’ne’n hiisse hiyye haaso’ee qici, «Muuse ha’nooke godobika jabeenna uudati ha’nooxxa are tikkinnaashsha eetti ha’no’aa uwwee malee’e tinni sirete’n iittatemmabaan. Ani kinni ha’noo hiyyaanexxi yabaabulletixxe buuttoxxeete kaddoole malee’e ifixxa are waaleexxi wele melaalle adhaak duuchchi yabaabule’eeken.»
Hordofeeyyetinna iso’n, «Aro’iinxinna aretixxi yaane iittate kaddexxinni aadha gopha woyya» hite.
Yessuusi kinni hiisse insa’ne’n hiyye haaso’ee qici, «Tinni yaane isi’a uwwendeekeete kaddoole malee’e tinni yaane duuchchiingee kaddabaan. Mitti mitti middisake kadeexxi ilemeekiir hedhe; wele manjiinxe anga’ninna middisake kadeekiir hedhe; iittanni iimixxe mootuma’a hiyyeexxi ifi middisake asseekkiirinna hedhe. Tennee yaane adhdha dande’aak adhdhowwaal.»
Yessuusi Annoole Eebbise
Eettenne yanna ifixxa anga annooleti hana uggeexxi insa’ne’a soodato’a annoole Yessuusibaa iyyedange. Yaane kinni hordofeeyye annoole iyyedagemmaka manna xixxe.
Yessuusinna, «Iimixxi mootumma tennee annooleshsha hedheekeeri’aate kaddeemmaxxee annoole anibaa dagguunni, mee hoyyee!» hiyye. Isinna ifixxa anga annoolet hana uggeexxi insa’nee eebbiseechchi uduma, ookko’n ke’e me’e.
Dureessichchi Dargaggeessika Qortuma
Mitte barra manjichchi mitti Yessuusibaa dageexxi, «Barachchiisalloo, duuchchi woddixxa hedho alfonnaa heenee eloxxa yaane assanno?» hiyye isoo qore. Yessuusinna, «Eloxxe yaanexxee mayee anee qortatto? Elok mitte Mageno callanni; hedhotibaa e’ya hassottole kinni ajajuwwa heqedhi» hiyye hiise haaso’e.
Manjichchikinna «Hoone ajajuwwa?» hiyye isoo qore.
Yessuusinna hiyye hiise haaso’ee qici, «Shiltoxxe’e, yababuldoxxe’e, moortoxxe’e, dharik dhugaa kuldoxxe’e. Annakanna ama atixxa ulfeessi; manjo atke umishsha eeyyi.»
Iikki dargaggeessi dureessichchinna «Konneeraqqa heqqedhdheenneni; weli ani’a xe’yaachchi maachcho?» hiyye.
Yessuusinna «Wo’make kaddotaa hassaattole martettexxi affeettechcho duuchcha gurgurtette’e hiyyeeyyetee uwwi, iimate’ninna karra affatton. Ookkoneechchi uduma daggettexxi anee hordofi» hiyye hiisse haaso’e.
Kunni dureessichchi dargaggeessinna lumoxxa karra afeemmaxxee’e konne hiyyichcho laqee wodda yaada’n me’e.
Ookkoneechchi uduma Yessuusi ifixxe hordofeeyye’n hiyyee qici, «Dhugaate ha’no’n haaso’annen, dureessi manji’a iimixxa mootumma aaga lumoo qico ha’urtotten. Higgeenna ha’noo’n haaso’annen, dureessi Mageniinxe mootumma’n e’yeexxi mannii’n gaali miiltike qo’anaa’n e’ya isi’a shollexxan» hiyye.
Hordofeeyyetinna konnee haaso’a laqqeexxi hara mambe’a hiyyat, «Iittate kaddooletaa ayyete anjirma dande’a?» hite qorte.
Yessuusinna insa’nee uuda’n, «Tinni yaane manjo dandeessissaaxxeba’a. Magenoke’n kinni duuchchiinxi yaane dande’endaan» hiyye.
Eettene yanna Pheexiroosinna, «No’o duuchchiinxa yaane waallennexxi atee hordonfe’eennen alfinannochchita maachcho?» hiyye hiisse qore.
Yessuusinna insa’nen hiyyee qici, «Dhugaate hiyyaannen, ha’no anee hordoffineek, Manjiink Belti ifixxe ulfinniinxe moote’n ofo’laake haarooke sa’ne’n tommenna lame moote’n ofoldineexxi tommenna lame Isira’eelike gosati minuwwa’n murtinaan. Anke summi’a hiyyeexxi minuwwaa yookaan ifika dayyuwwaa yookaan dayyuwwaa ifixxa yookaan annaa yookaan amaa yookaan oosee yookaan fichchaa waalaak duuchchi dhibba dachcha’a adhdhaan; duuchchii woddixxa hedhonna dhaalaan. Yaane kinni ediseemmak heddi manni udu’maake kadaan; udu’meemmak heddi manni kinni edike kadaan.»
Mageni Kiristoosi darree’n ha’no’aa gattowwaali hiyyemmashshanni ha’noonna weli’anni weli gattowwaali hiyye! Ba’lakenna weli’anni weli owwitinaake kadde!
Kadomalee ha’nonaa’n mitti mitting are ifixxa ifike umishsha eeyyowwaali; aretinna ifika aro’o ulifeessitowwaali.
Ayyinna Mageno eeyyaanneni hiyya’ni dayyo ifika giba’noole isi dharichchaken. Uuda’neeka ifika dayyo eeyya’nebaak uudabaaka Mageno eeyya dande’abaan.
Cuidar da família
Quem não cuida dos seus negou a fé. A família é responsabilidade sagrada — prover, proteger e abençoar é mandamento divino.
Mitti manji fira ifik giddii’n shiqika hado ifika gargaara gophoole amana ifixxa waakate’eeke, amanabaake manni irranna isi hara fuggichchaken.
Mitti manji fira ifik giddii’n shiqika hado ifika gargaara gophoole amana ifixxa waakate’eeke, amanabaake manni irranna isi hara fuggichchaken.
Hiini aro’o shi’witteexxi hiyyeette manjo oose yookaan oosetixxa oose afeexxe kaddoole tinni oose ediseexxi ifike mine’n Mageno fakkaata leellishate kaddo’a ifike hadi’a galata hiissa barattowaal; tinni Mageno gammachchiisaaxxe yaanen.
Qorontoosixxe Mageniinxe Tuuta Giddo Kaddeexxa Qoqqoodensha
Anke dayyuwwa ha’no duuchching mitti afo’a haaso’tino’a mitti qalbe mitte yaada afinaasha weli aagino’a malee’e ha’no giddo weli qoodensha hexxabaashsha Gootta Yessuus Kiristoosike summinni ha’no kadhataanen.
Oosse Duuchchi Woddike Goottixxe uwwan;
tinni godobiinxi gumma isixxe eebban.
Dargageessummati i’linaaxxi labbaxxi oose
loliinke manjixxe anga’ni hedheeke gabetike mogidishshaten.
Konne Gabetike mogiduwwishsha hexxeexxa heddo labbaxxa oose
afeeke manijchchixxa wodo;
ifike naaphinni qachchiinke dalla’ixxe hula’n falamaa wodda isi shookabaan.
Duuchchi Woddike Goottixxi jaalala kinni
duuchchi woddinaa’n duuchchii woddi’a isoo Magenoofataakeera’niten;
qullumma sixxinna insa’nexxe oosexxe oose’n hexxaan;
Tenneenna assaak
isixxa kako heqqedhaakeera’ninna
isika ajaajanna muuxo’a xonxoommataakeera’niten.
Duuchchi Woddike Goottixxi jaalala kinni
duuchchi woddinaa’n duuchchii woddi’a isoo Magenoofataakeera’niten;
qullumma sixxinna insa’nexxe oosexxe oose’n hexxaan;
Tenneenna assaak
isixxa kako heqqedhaakeera’ninna
isika ajaajanna muuxo’a xonxoommataakeera’niten.
Tsiyoonixxe Koobaaba’aa Alalle Me’ati woddixxa Daawwitixxa Faaro
Dayyuwwi mitte afoo kade’e mitteba hedha
hitta hitta gammachchiisaaxxe, hittatta eloxxe.
Unidade familiar
A coroa dos velhos são os filhos dos filhos. O casamento, os filhos e a comunhão familiar são bênçãos de Deus.
Oosetixxi oose akka’watee kallachaken,
annikinna ama oosetee’e hirreti hirboora.
Oosetixxi oose akka’watee kallachaken,
annikinna ama oosetee’e hirreti hirboora.
Jaal jaalo ifika duuchchi wodda eeyya,
dayyikinna ifike dayyi’a rakkoti barike.
Jaalo bira sa’issedhaa manji, ifi ba’nete’n geessisa.
Dhugaatik jaali kinni dayyo godobika sa’a.
Atika jaalonna kadi atike annnika jaalo waaldoxxe’e,
rakko ate’n geltaa wodda atike dayyiba martoxxe’e; bayyike firi mannii’n shiqika olla’a woyyani.
Koo anke belto, beekkuma horattottole,
qalbe anixxinna yo’oshsha gammadaan.
Qajeel beltik anni yo’oshsha gammadaan;
beeka belto i’leekinna kijibaan.
Solomoonika mammaassuwwa
Solomoonka mammaassuwwa,
Muxxe belti anna gammachchiisa,
hawwawwi belti kinni amatee yaaddote ila.
Sirete’n galduma atike’e fichchi giddo kaddaaxxa yaane duuchcha giissedhi;
ookkonechchi uduma mine ijaadhdhi.
Donni manji ifike mini hado’ni rakko iyyedagaani;
matta adhdha gibaaki manji qeerraaka baro hedhaani.
Mini hado ifika olokaaki manji mittelchcho alfaachchi hedheba’a,
gowwi manjinna muxxe manjike garba kada.
Casamento e família
O homem deixará pai e mãe e se unirá à sua mulher. A família começa no casamento — aliança sagrada diante de Deus.
Tennexxee Labbak annakannaa ama ifixxa waalaan; are ifixxeninnaa weli mitteke kandaan; lamiingi mitte maala kandaan.
Magenikinna insa’nee «Horre; butta duuchcha wo’me; ise’nna mowwe; abbaayya giddixxa qulxu’muwwa, iima phirrissaaxxa ci’annaa buttate’ni lubbo afe le’maachcho duuchcha mowwe» hiyye eebbise.
Mageni tenne butta’n ati’a uwweeke mekkichcha baro duuchcha’n, atike mekkichcha hedhotike sane’n are atixxenni welti gammadi.
Yaane kinni siretixxe dadanaa’ni safeexxi; Mageni labbakenna meyyaxxe asse insa’nee dade. Tennexxee manji anna ifikanna ama ifixxa waaleexxi are ifixxini welti mitteke kandaan. Insa’ne lamiingi mitte kandaani; ta’inni edi’a yoona insa’ne mitte biso malee lamekebaan; tennexxee Mageni mitteba gudunfeeka; manji gargarti hiissoqqe» hiyye.
Ha’noo fuggaaleryyende kaddineen hexxineexxi oose ha’nooxxe eloxxa uwwa, uwwa egendinoole iimate’n hedheek ha’nook anni isoo kadhataakeeri’a hittatta Woyyichcha Hafuura caala bira sa’isseexxi uwwa gopha?»
«Ama ununstaaka ifika finna deetaa?
Yookaani ildeexxe anno’aa marartabaa?
Ise deetolenna midde
Ani kinn atee dedhabo’non! Hiyya’nee Duuchchi Woddik Gootti.
Iyyerussaalem ani kinni anxe angake baatani hana borreessedheennen;
dalla’a atikanna duuchchi wodda qaabbatannon.
Anke jaaluwwa, no’o ta’a Mageniinxe oosen; edi’aa maa kandannoxxa ta’i qico’ni iffeebaan; isi ifiseemmaxxa yanna hedheeshshanni isoo uundannoxxa, isoonna fakkantannoxxa egeneennen. Iso’n tenne adde assaaki duuchchi isi ca’ichchake kadeemmashshanni isinna ifi ca’a assedhaan.