Família

15 Uneva hamkuunga kumdamanyila ndima Zumbe Mnungu, saguleni elo ivi dyelo uyo mkuunga mumdamanyile ndima. Kugamba ni idya milungu wadala wenyu nawakaivika mwe digundi dya mto Efulati, hegu milungu ya Waamoli iyo haluse mkwikala mwe isi yawe. Mna miye ne nyumba yangu nenimdamanyile ndima Zumbe Mnungu."

15 Uneva hamkuunga kumdamanyila ndima Zumbe Mnungu, saguleni elo ivi dyelo uyo mkuunga mumdamanyile ndima. Kugamba ni idya milungu wadala wenyu nawakaivika mwe digundi dya mto Efulati, hegu milungu ya Waamoli iyo haluse mkwikala mwe isi yawe. Mna miye ne nyumba yangu nenimdamanyile ndima Zumbe Mnungu."

31 Niyo wamhitula, "Mhuwile Zumbe Yesu, nouyokolwe weye na want’hu mwe mp’huga yako."

57 Namlombeza Zumbe Mnungu ywetu ande hamwenga na suwe enga ivo andaga na wakale wetu, chalombeza asekukileka hegu kukiduula.

6 Mhinize mwana sila ya wikazi wedi, naye haileke mpaka mwo udala wakwe.

6 Mhinize mwana sila ya wikazi wedi, naye haileke mpaka mwo udala wakwe.

8 Mwanangu tegeleza makanyo ya iso, naho use kuleka mahinizo ya nyokwe. 9 Ayo nayande enga taji ina mahambo mwo mtwi wako, enga mkufu ukuwagila wa mwe singo yako.

Makanyo mwe mbuli yo uhabwasi

20 Mwanangu tozesa malagizo ya iso naho unase kujala mahinizo ya nyokwe.

6 Mzikumbukile zisigilizi izi huwasigiilani dielo naho zinde mwe mioyo yenyu. 7 Mzihinize kwa wana wenyu. Zinde ni simulizi yenyu mkanda hakaya hegu mkanda kwe samo hegu mkagenda mwe sila na mkanda mhumula hegu mkanda mwadamanya ndima.

6 Mzikumbukile zisigilizi izi huwasigiilani dielo naho zinde mwe mioyo yenyu. 7 Mzihinize kwa wana wenyu. Zinde ni simulizi yenyu mkanda hakaya hegu mkanda kwe samo hegu mkagenda mwe sila na mkanda mhumula hegu mkanda mwadamanya ndima.

4 Na nyuwe watate, mse kuwasogola wana wenyu mna waleleni enga ivo vikumwelela Zumbe kwa kulagisa na mahinizo yedi.

4 Na nyuwe watate, mse kuwasogola wana wenyu mna waleleni enga ivo vikumwelela Zumbe kwa kulagisa na mahinizo yedi.

Wana na welesi wawe

1 Nyuwe wana, weveni welesi wenyu kwaviya nyuwe ni wa Zumbe, naho icho ni kint’hu chedi. 2 Iwandikwa mwa Mawandiko Akukile, uwategeleze welesi wenyu. Ino niyo miko ya nk’hongo ine ndagano,

12 "Uweve welesi wako vileke wikale mazuwa mengi mwe isi hwik’hile miye Zumbe Mnungu ywako.

12 "Uweve welesi wako vileke wikale mazuwa mengi mwe isi hwik’hile miye Zumbe Mnungu ywako.

19 uweve iso na nyokwe, naho uwaunge weyao enga viya ukukeunga weye mwenye."

Yesu ahiniza mwe mbuli ye talaka

1 Yesu eze abinde kuyalonga ayo, ahalawaga Galilaya niyo aita mwe isi ya Uyahudi ng’ambu yo mto Yolodani. 2 Fyo kulu dya want’hu dya mtimilaga niyo awahonya uko.

3 Mafalisayo wamwenga wamwiizilaga na ugeza kumgwila kwa kumuuza, "Togola haviihile kwa mnt’hu kumwasa mkaziwe kwa lema dyodyose?"

4 Yesu awahitulaga akawagamba, "Hamsomile mawandiko msunt’hilwa kugamba, aho nk’hongo Muumbi aumbaga mgosi na mvele? 5 Naho Mnungu agambaga, kwa aya mgosi na awase ise na nine, niyo anda na mkaziwe, naho awa waidi nawande hiyo waidi naho, ila nawande mwili umwenga. 6 Hawande waidi naho, woho wanda mwili umwenga. Kwa ivo walunganywe ni Mnungu, mnt’hu ase kuwa panga."

7 Mafalisayo wamuuza Yesu, "Nii Musa akisigiilaga kugamba mnt’hu adaha kumwink’ha mkaziwe talaka niyo amwasa?"

8 Yesu niyo awahitula, "Musa awalekagani muwase wavele wenyu kwaviya mna nk’hani. Mna havandaga enga ivo kukongela kwo kuumbigwa kwe isi. 9 Naivo wagambilani nyuwe, yeyose akuunga amwase mkaziwe hi kwa mbuli ya uhabwasi, niyo alomba mvele mtuhu, naande mhabwasi. Na akuunga alombe yudya mvele naye, atenda uhabwasi."

10 Wanamp’hina wakwe niyo wamgamba Yesu, "Uneva nivo vili kwa mgosi na mkaziwe, ni vedi mnt’hu asekulomba."

11 Yesu niyo awahitula, "Hiyo wose kuihokela imbuli ino ni kwa wadya du wasagulwe ni Mnungu kunda ivo. 12 Kwaviya ziuko mbuli heezikuligana zikuleka mnt’hu asekulomba. Wamwenga nivo welekwe, wamwenga watakutendigwa ni want’hu kunda ivo, wamwenga nao hawakulomba kwa kuuzugula Useuta wa Mnungu. Yeyose akuidaha imbuli ino naaihokele."

Yesu awavikila wana wadodo

13 Naho niyo egailwa wana wadodo awageleke mikono yakwe awavikile. Mna wanamp’hina wakwe niyo wawativila wadya wawegale. 14 Yesu niyo agamba, "Walekeni wana wadodo waniizile, msekuwafingiza, kwaviya Useuta wa kulanga ni wa want’hu enga awana awa."

15 Agelekaga mikono yakwe mwa awo wana, niyo ahalawa.

Mbwanga mta ugoli

16 Mnt’hu yumwenga mgoli amwizilaga Yesu akamgamba, "Mhinizi, naungwa nidamanye mbuli yani yedi vileke nihokele ugima wa ulo na ulo?"

17 Yesu niyo amhitula, "Nii waniuza uwedi? Hahali mnt’hu ywedi, ywedi ni Mnungu ekedu. Mna uneva waunga wingile kwo ugima wa mazuwa hasila, damanya mwiko viya zikulonga."

18 Yudya mnt’hu niyo amuza Yesu, "Ni zihi?"

Yesu niyo amhitula, "Usekukoma, usekunda mgenda na wavele hi wako, usekubawa, usekumlongelezela mnt’hu mbuli hi za kindedi, 19 uweve iso na nyokwe, naho uwaunge weyao enga viya ukukeunga weye mwenye."

20 Yudya mnt’hu niyo ahitula, "Yose ayo hiyatoza, hisigazai naho?"

21 Yesu niyo amgamba, "Ukaunga unde kukint’ha mo uwedi, katage viya unanavo niyo wawapangila wakiwa, ivo naunde na kindolo uko kulanga. Ukajika nitimile."

22 Yudya mnt’hu eze eve ivo, ahalawaga aihiwe, Kwaviya andaga mgoli mkulu.

23 Niyo Yesu alonga na wanamp’hina wakwe kugamba, "Nawagambilani ikindedi, ni vidala vitendese kwa mgoli kwingila kwo Useuta wa kulanga. 24 Navuzagiza ni vihufu ngamia komboka mwa kalanga ke singano, mna hi mgoli kwingila kwo Useuta wa Mnungu."

25 Wanamp’hina wakwe weze weve ivo, naweeheleswa, niyo wauza, "Uneva ni ivo, niani naadahe kuhona?"

26 Yesu niyo awasinya kwa udahi no kuwagamba, "kwa want’hu hevidahike, mna kwa Mnungu yose ni mahufu."

27 Petulo niyo amhitula, "kaula," Suwe kileka kila kint’hu niyo chakutimila. "Nekink’higwei?"

28 Yesu niyo awahitula akawagamba, "Nawagambilani ikindedi, nyuwe, umwo Mwana Mnt’hu akekala mwe difumbi dyakwe dyo uwedi utendese, niho nyuwe nanywe mkunitimila nomwikale mwe viti mlongo na viidi mkayasengela makabila mlongo na maidi ya Waizilaeli. 29 Naho yeyose alekile nyumba yakwe, hegu wandugu wa kigosi na walumbuse na ise na nine, hegu wanawe ne zink’honde zakwe, kwa kunizungula miye naahokele malavo gana ya viya avilekile, naho neenk’higwe ugima wa ulo na ulo. 30 Mna wengi wa nk’hongo nawaziigile, wadya nao wazigiile nawande wa nk’hongo."

32 Mnde na moyo wedi wakufiilana mbazi, kila yumwenga amuusile miyawe wavu wakwe, enga viya Mnungu awausileni nyuwe wavu wenyu kwo mbokela Zumbe Yesu.

33 Mna naho aya ni ya nyuwe, kila mnume aungwa amuungise mkaziwe enga ivo akukeungisa mwenye, naho kila mvele aungwa kumtegeleza mgosiwe.

20 Mnt’hu anagamba amuunga Mnungu, mna amwihiya nduguye, uyo mdant’hi. Kwaviya hakumuunga nduguye akumuona haadahe kumuunga Mnungu akei kumuwona zuwa dyodyose.

8 Elo uneva mnt’hu hana dahile kuwalela wanduguze, vitendese wadya wa mwe nyumba yakwe uyo naande kaukana mhuwi wakwe, naho kaihisa kujink’ha mnt’hu hehuwile.

8 Elo uneva mnt’hu hana dahile kuwalela wanduguze, vitendese wadya wa mwe nyumba yakwe uyo naande kaukana mhuwi wakwe, naho kaihisa kujink’ha mnt’hu hehuwile.

4 Mna mvele abanikilwe ni mgosiwe, uneva ana wana hegu wezukulu, awo waungwa kuhina kudamanya enga viya Mnungu akuunga, yo kulela want’hu we nyumba yawe, na ivo wawaliha welesi wawe na wadala wawe, mbuli ino yamwelela Mnungu.

Kupangana kwa wahuwila wa Kilisito

10 Wandugu zangu, kwa zina dya Zumbe ywetu Yesu Kilisito, nawasigiilani nyose mnde na ulosi umwenga, kusekukepanga. Mketoze kindedindedi, mnde na fanyanyi imwenga na kauwiilo dimwenga.

3 Wana ni ukipe kulawa kwa Zumbe Mnungu,

ni geleko dyakwe kwetu.

4 Ni enga mtowani mdahi atozile misale.

Ivo nivo weli wana welekwe ni mnt’hu mwo ubwanga hegu undele wakwe.

5 Ana kinyemi uyo amemeze dichaka dyakwe misale enga iyo,

haawogohe wank’hondo wakwe,

umwo wakeza kukint’hana he nk’hili.

17 Mna kwa wadya wakumvika Zumbe Mnungu, lukunde lakwe ni lwa mazuwa yose

naho uwedi wake lwekala vyeleko na vyeleko,

18 kwa wahuwilwa wose we ndagano yakwe,

na wakutimila zisigilizi zakwe.

17 Mna kwa wadya wakumvika Zumbe Mnungu, lukunde lakwe ni lwa mazuwa yose

naho uwedi wake lwekala vyeleko na vyeleko,

18 kwa wahuwilwa wose we ndagano yakwe,

na wakutimila zisigilizi zakwe.

Uwedi wo uhamwenga wa want’hu

1 Vandilisa vedi naho vawagilisa,

umwo wandugu wakekala hamwenga naho kwa uhamwenga.

6 Wadala wakeduvila wezukulu wawe, wana nawo wakeduvila welesi wawe.

6 Wadala wakeduvila wezukulu wawe, wana nawo wakeduvila welesi wawe.

17 Mbuya ywa kindedi ni mhuwila mazuwa yose, ndugu kelekwa ambize mwo lupisi lwa makunt’ho.

24 Mnt’hu mta wambuya wengi wadaha kumbananga, mna weyuko wambuya wahuwila kujink’ha ndugu.

10 Usekuwajala mbuyazo hegu wambuyaye ya iso, unapata makunt’ho usekugulukila kwa nduguyo, ni vedi kwa mbuyayo ehagihi kujink’ha nduguyo ehale.

Ulosi wa mlongo na nt’hatu

15 Mwanangu uneva moyo wako una mzungu, ivo moyo wangu noundilise ne kinyemi,

24 ise dya mta uwagilwa ana kinyemi kikulu, naye amweleke mwana mta mzungu naande na kinyemi,

Ngelo za Selemani

1 Izi ni ngelo za Selemini,

Mwana mta mzungu ni kinyemi kwa ise,

mna mwana mhezi ni kinyulu kwa nine.

27 Bindiliza ndima zako za kuse, ziike lumwe nk’honde zako akajika izenge nyumba yako.

27 Akumunk’hilwa na upati wa matundu ya soni, uyo awangadisa wanduguze, mna akuihiwa na kuhujila neekale.

29 Yeyose akwigala makunt’ho mwe mp’huga yakwe haande na kint’hu ko uheelo.

Mna mhezi naande mtumwa kwa wata mizungu.

24 Kwe mbuli iyo mgosi naamwase ise na nine no kutimilana na mkaziwe, naho nawalungane kunda mwili umwenga.

28 awavikilaga akawagamba, "Indiliseni na cheleko, vileke cheleko chenyu kikekale mwe si yose no kuiika mwo udahi wenyu. Nawaikani nyuwe mnde wadahi mwe zisamaki na madege na makala yose ya kwe mbago."

9 Uonele kinyemi wikazi wako hamwenga na mkazio umuungise mwo ulu lupisi lwose lwa makunt’ho wink’higwe ni Mnungu, kwaaviya ayo nayo upangilwe mwo wikazi wako mwe ndima yako aha he isi.

6 Viligane na ivo viwandikwe mwa Mawandiko, ‘Kukongela nk’hongo mwe kuumbigwa isi, Mnungu nakamuumba mgosi na mvele.’ 7 ‘Kwa ivo, mgosi naamwase ise na nine, niyo alungana hamwenga na mkaziwe, 8 naho awaidi awa nawande mwili umwenga.’ Ivo hawande waidi naho, mna mnt’hu yumwenga. 9 Kwa ivo kilunganywe ni Mnungu, mnt’hu yeyose ase kukipanga."

13 Togoleni want’hu waihile enga nyuwe, mna mwadaha kuwenk’ha wana wenyu vint’hu vedi, Togoleni havitendese kwa Tati yetu ywa kwe mbingu kuwenk’ha Muye ywakwe akukile wadya wakumlombeza?"

2 Wambuya zangu, haluse suwe kiwana wa Mnungu, mna hainati imanyike pwilili ivo nekinde, mna chamanya kugamba, aho Kilisito akeza kulaila, nekinde enga ivo yehe eli kwaviya nekimuwone ivo eli. 3 Yeyose mta kawiilo mwa Kilisito akekukiza enga ivo Kilisito eli akukile.