3 ናአይ ጾሳ ቦንቾ ፖኡዋ ጶሌ፤ ቃይ ኩመን ጾሳ ኤሻ አኪደ፥ ባረ ዎልቃማ ቃላን ሀ ሳኣ ናጌ፤ ያቲደ አሳ ናጋራፐ ጌሺደ፥ ኡባፐ ቦላ ጾሳፐ ኡሸቻ ባጋና* ሳሉዋን ኡቴዳ።

4 ጾሳይ አዉ እሜዳ ሱንተይ ኪታንቻቱዋፐ ቃ ግድያዋዳንካ፥ ኡንቱንቱፐ አ ሎይ ቁ ኦዳ።

14 ቃላይ አሳ ግዲደ፥ አ ኬካተንነ ቱማተን ኩሚደ ኑ ግዱዋን ደኤዳ። ኑን፥ እ ባረ አቦ እት ናኣ ግዲደ አኬዳ አዉ ደእያ ባረ አዉዋ ቦንቹዋ በኤዶ።

18 ጾሳ በኤዳ አሳይ ኦንነ ባዋ፤ ባረ አዉዋ ማታን ደእያ ባረ ሁጰዉ ጾሳ ግዴዳዌ እት ናኣ ጻላላይ አባ ማርካቴዳ።

17 የሱስ ዛሪደ ኡንቱንቶ፥ "ታ አቡ ኡባ ዎደ ኦ፤ ታንካ ኦናዉ በሴ" ያጌዳ።

18 ሄዋ ድራዉ፥ የሱስ ሳምባታ ጋላሳ ቦንቼና ድራ ጻላላሳ ግደናን፥ ባረና ጾሳና ቃራዪደ፥ "ጾሳይ ታ አባ" ጌዳ ድራዉ፥ አይሁዳ አሳ ካፓቱ አ ዎናዉ ካሰዋፐ ምንሲደ ኮዪኖ።

13 የሱስ ቂሳርያ ፕሊጶሳ ጌተትያ ጋድያ ጋኬዳ ዎደ፥ ባረና ካልያዋንታ፥ "አሳይ ታና፥ አሳ ናኣ ኦና ጊ?" ያጊደ ኦቼዳ።

14 አ ካልያዋንቱ ዛሪደ፥ "ኔና እት እት አሳይ፥ ጻማቅያ ዮሃንሳ ያጌ፤ ሀራንቱ ቃይ ኤላሳ ያጊኖ፤ ቃይ ሀራንቱ ኤርማሳ ዎይ ናባቱዋፐ እቱዋ ያጊኖ" ያጌድኖ።

15 የሱስ ኡንቱንታ፥ "ያትና ህንተንቱ ታና ኦና ጊቴ?" ያጌዳ።

16 ስሞን ጰጽሮስ ዛሪደ፥ "ኔን ደኡዋ ጾሳ ናኣ ክርስቶሳ" ያጌዳ።

16 የሱስ ጻማቀቶዋፐ ጉይያን፥ ኤለካ ሃፐ ከሴዳ፤ ሳሉ ዶየትና፥ ጾሳ አያናይ ሀራጵያዳን ሳሉዋፐ ዎደ ባረ ቦላ ይያ ዎደ በኤዳ፤ 17 ቃይ ሳሉዋፐ፥ "ታን ሲቅያ፥ ታና ናሸችያ፥ ታ ናአይ ሀዋ" ያግያ ቃላይ ዬዳ።✝

15 የሱስ ጾሳ ናኣ ግድያዋ ማርካትያ ኦ ግዱዋንነ ጾሳይ ደኤ፤ እካ ጾሳ ግዶን ደኤ።

9 ጾሳይ ኑና ባረ ሲቁዋ ሀዋን በሴዳ፤ ኑን አ ባጋና ደኡዋ ደማና ማላ፥ ባረ እት ናኣ ሀ አላምያ ኪቴዳ። 10 ሲቁዋ ግያዌ ሀዋ፤ ጾሳይ ኑና ሲቂደ፥ ኑን ኑ ናጋራፐ ማሮተ ደሜዳ ባረ ናኣ ኑዉ ኪቴዳፐ አትን፥ ኑን አ ሲቄዳዋና ግደና።

8 ጻላህያ ካፑ ኮይሩዋፐ ናጋራ ኦዳ ድራዉ፥ ናጋራ ኡባ ዎደ ኦያ ኡራይ ጻላህያ ካፑዋሳ፤ ሄዋ ድራዉ፥ ጾሳ ናአይ ጻላህያ ካፑዋ ኦሱዋ ይሳናዉ ቆንጬዳ።

12 ጾሳ ናአይ ደእያ ኦስነ ደኡ ደኤ፤ ጾሳ ናአይ ባይና ኦስነ ደኡ ባዋ።

16 "ጾሳ ናኣ አማንያ ኡባይ መና ደኡዋ አካናፐ አትን፥ የና ማላ፥ ጾሳይ ሀ አላምያ አሳ ሎይ ሲቄዳ ድራዉ፥ ባረ መጽ እት ናኣ እሜዳ።

21 ጋሱኔ፥ አዉ ሀይቄዳዋንታ ሀይቁዋፐ ደንደ ሸምፑዋና ዎያዋዳን፥ ናአይካ ቃይ ባረ ኮዮዋንታ ሸምፑዋና ዎ። 22,23 አሳይ ኡባይ አዉዋ ቦንችያዋዳን፥ ናኣካ ቦንቻና ማላ፥ አዉ ፕርዳ ኡባ ናአዉ እሜዳዋፐ አትን፥ እ ኦናነ ፕርደና፤ ናኣ ቦንቼና ኡራይ፥ አ ኪቴዳ አዉዋካ ቦንቼና።

25 ታን ህንተንቶ ቱሙዋ ኦዳይ፤ ሀይቄዳ አሳይ ጾሳ ናኣ ኮሻ ስስያ ዎዲ ያናዋ፤ ሄዌኔካ ሀአ። ሄ ኮሻ ስስያዋንቱ ሸምፑዋና ደአና። 26 አያዉ ጎፐ፥ አዎ ደኡዋ እምያ ዎልቃይ ደእያዋዳን፥ ደኡዋ እምያ ሄ ዎልቃ ባረ ናአዉካ እሜዳ።

12 ግዶፐ አትን እ ባረና ሺሽ አኬዳ ኡባቶ፥ ባረ ሱንን አማኔዳዋንቶ፥ ጾሳ ናና ግዳና ማላ፥ ማታ እሜዳ። 13 ኡንቱንቱ ጾሳፐ የለቴድኖፐ አትን፥ አሳይ የልያ ማራን ዎይ አሹዋ ሸንያን ዎይ አቱማ አሳ ሸንያ ጻላላን የለትበይክኖ።

20 ታን ክርስቶሳና አ ማስቃልያ ቦላ ምስማርያን ሸታደ ካቀታድ፤ ስም፥ ሀእ ፓጻ ደእያዌ ታና ግድከ። ሽን ክርስቶስ ታ ግዶን ደኤ፤ ታን ሀእ ደእያ ደኡ፥ ታና ሲቂደ፥ ታ ድራዉ፥ ባረ ሁጲያ እሜዳ ጾሳ ናኣን ደእያ አማኑዋና።

4 ሽን ያናዉ በስያ ዎዲ ጋኬዳ ዎደ፥ ጾሳይ ማጫዉንፐ የለቶዋ፥ ሙሴ ህገዉ ሞደትያ አሳ ጋርሳን የለቴዳዋ፥ ባረ ናኣ ኪቴዳ። 5 አያዉ ኪቴዴ ጎፐ፥ ህግያን ሞደቲደ ደእያዋንታ ዎዛናዉነ ኑና ባረ ናና ኦናዉ ኪቴዳ።

6 ጾሳይ ህንተ አ ናና ግድያ ድራዉ፥ "አባቦ፥ ታ አቦ" ጊደ ዋስያ ባረ ናኣ አያና፥ ኑ ዎዛና ግዶ ኪቴዳ።

10 አያዉ ጎፐ፥ ኑን ጾሳና ካሰ ሞርከ፤ ሽን አ ናኣ ሀይቁዋን አናና ስገቴዶ። ሄዋፐ አደ፥ ሀእ ኑን ጾሳና ስገቴዳዋፐ ጉይያን፥ እ ፓጻ ግድያ ድራዉ ኑና አሻና።

6 ናአይ ኑዉ የለቴዳ! አቱማ ናእ ኑዉ እመቴዳ! ካዉተይ አ ሀሽያን ዎና፤ አ ሱንይ፥ "ማላልስያ ዞርያዋ፥ ዎልቃማ ጾሳ፥ መና አዉዋ፥ ሳሮተ ካፑዋ" ጌተታና።