Filho de Deus
Jesus é o Filho de Deus — a revelação suprema do Pai. Nele habita toda a plenitude da divindade e por Ele temos acesso ao Pai, à salvação e à vida eterna.
A revelação do Filho
O Filho é o resplendor da glória de Deus. Quem vê o Filho vê o Pai. Jesus é a imagem perfeita do Deus invisível.
Aywo Mwana alaya ng’alang’atya kwa utukupu wa Nnu’ngu' na ube wake. Aipanga ili’be yoti ikamwane pamope kwa uweso wa liyi’gi’yo lyake. Nembe aaipiyite apange salaka ya kwapeletea bandu masambi gabe, aayi’i kunani no tama kummalyo ga Nnu’ngu' Nku’lu'.
Uku’lu' wa Mwana wa Nnu’ngu'
Nnu’ngu' aampangite Mwana wake abe nku’lu' kulikoni malaika kati mu’lu' mwaampei lina liku’lu' kulikoni lya malaika.
Nalyembe Liyi’gi’yo lyapangike mundu no tama pamope na twenga. Na twenga twaubweni utukupu wake, utukupu wu’lu' waapeyilwe Mwana wa kisake ywabu’ka kwa Tati'. Ywembe aalayite ukakape woti na ngu’ngu' ngu’lu' ya Nnu’ngu'.
Ntu’pu' mundu ywoywoti ywaamweni Nnu’ngu' katu, ila Mwana wa kisake ywabile nsawani na Nnu’ngu', ywembe ywalu’mbine na Tati', ngaywatubakiye makowe ga Nnu’ngu'.
Yesu ngayangwa, "Tati' bangu' bapanga kasi kila lisu’ba, kwa nyo nanenga nganipanga."
Kwa kitumbu sa makowe ga, api’ndo ba Ayahudi baapalike kila ndi’la ya kummulaga Yesu, kwenda kwa kitumbu sa kwiti’kwana Sabato bai lili, ila kwa kunkema Nnu’ngu' Tati' bake naywembe abile nsawani nakwe.
Confissão e fé
Tu és o Cristo, o Filho do Deus vivo! Quem confessa que Jesus é o Filho de Deus, Deus permanece nele.
Petili ayi’ki’tya panga Yesu nga Mwana wa Nnu’ngu'
Yesu paaikite lwingo lwa Kaisalia Filipi, ngaalaluya banamasi' bake, "Bandu babaya Mwana wa Mundu nga nyai?" Ngabannyangwa, "Bi’ngi' babaya panga Yoani Ywabatisage, bi’ngi' Elia, bi’ngi' Yelemia au yumo ywa alondoli bi’ngi'." Yesu ngaalaluya, "Na mwenga mubaya nenga nanyai?" Simoni Petili ngayangwa, "Wenga nga wa Kilisitu, Mwana wa Nnu’ngu' ywabile nkoti."
Yesu paayomwi batisilwa no pita nkati ya masi', ngaimukya kunani kuyu’gwike, ngammona Loo Mpeleteu wa Nnu’ngu' kauluka kwa ubee wa ngunda no tama panani yake. Lilobe lyayu’wanike bu’ka kunani kalibaya, "Ayu' nga mwana wangu' ywanimpendile, ninogelilwe nakwe."
Kila mundu ywayi’ki’tya panga Yesu nga Mwana wa Nnu’ngu', mundu ywo Nnu’ngu' atama nkati yake na ywembe nkati ya Nnu’ngu'.
Nnu’ngu' aalayite upendo wake kwitu, kwa kuntuma Mwana wake wa kisake mudunia li’nga tupate ukoto wangayomoka kwa ndi’la yake. Wu’no nga upendo, kwenda twenga twalongoli kumpenda Nnu’ngu' lili, ila ywembe ngaywaatupendile, ngaantuma Mwana wake li’nga apange salaka ya kutuawana na Nnu’ngu' kwa kitumbu sa masambi gitu.
Ywoywoti ywapanga sambi, aywo nga ywa Ibilisi, kwa mwanjaa Ibilisi aapangite sambi bu’ka kwai’mbu'. Kwa nyo, aso nga kitumbu so isa kwa Mwana wa Nnu’ngu' padunia li’nga kulialabia lyengo lya Ibilisi.
Ywoywoti ywabile nakwe Mwana wa Nnu’ngu', aywo abile nawo ukoto wo, na ywangali baa na Mwana wa Nnu’ngu', ntu’pu' ukoti wo.
Vida no Filho
Deus enviou seu Filho ao mundo para que vivêssemos por Ele. O Filho dá vida, julga e reconcilia os pecadores com o Pai.
Kwa mwanjaa Nnu’ngu' aaipendi dunia, ngampiya mwana wake wa kisake, li’nga kila mundu ywamwu’bi’lya aakaneoba, ila abe na ukoto wangayomoka.
Kati mwaibile Tati' kwayu’ya babawile na kwapeya ukoto, nyinyonyo na Mwana kwapeya ukoto bandu kati mwapala. Kai' Tati' bansenwali mundu ywoywoti, ila bampei Mwana uweso woti wo senwa, li’nga bandu boti bamwisimu Mwana kati mu’lu' mwabaaisimu Tati'. Ywakana kumwisimu Mwana, akana kwaisimu Tati' babaantumike Mwana.
Kakape nimmakianga, nsimu wendaisa, kai' wisile panga babawile baaliyu’wa lilobe lya Mwana wa Nnu’ngu', na babaaliyu’wa lilobe lyo baapanga bau’mi. Kati Tati' mwababile kitumbu sa bwu’mi, nyinyonyo bannyali Mwana uweso wo piya ukoto kwa bi’ngi'.
Lakini boti babampokile, aapei uweso wo pangika bana ba Nnu’ngu', nga balu' babaliu’bi’lya lina lyake, baabelekwili kwa myai, wala kati mwaipala yi’ga au mundu, ila mwapendi Nnu’ngu'.
Nibambilwe pamope na Kilisitu, wala nengali kai' ywanilama, ila Kilisitu nga ywalama nkati yangu'. Bwu’mi wanibile nawo nambi’yambi' wa muyi’ga, nilama kwa ndi’la ya kumwu’bi’lya Mwana wa Nnu’ngu', ywanipendile kwo piya bwu’mi wake kwa kitumbu sangu'.
Lakini nsimu waupalikwage pawikite, Nnu’ngu' ngantuma Mwana wake, ywaabelekwi na nnwawa no tama pai' ya salya, apate kutukosopolya twenga twatwaabile pai' ya salya ya Musa, tupate pokya ulisi no pangilwa twabana ba Nnu’ngu'.
Kwa mwanjaa mwenga nambi’yambi' mwabana ba Nnu’ngu', Nnu’ngu' antumike Loo wa Mwana wake mumyoyo yitu, ywakema "Abba" lombolya, "Tati'!"
Bai, manaitei patwaabile twaandumu ba Nnu’ngu' twaawanilwe nakwe kwa ndi’la ya kiwo sa Mwana wake, kwa nyo ikong’ondelya panga mwatuawanilwa nakwe, twaakosopolelwa kwa ndi’la ya bwu’mi wa Kilisitu.