Sinais do fim dos tempos
A Bíblia descreve sinais que precederão a volta de Jesus. Guerras, falsos mestres, sinais cósmicos e a pregação do evangelho a todas as nações — tudo aponta para o fim dos tempos.
Sinais proféticos
Este evangelho do Reino será pregado em todo o mundo e então virá o fim. Os sinais dos últimos tempos já se manifestam.
Musamu wumbote wu Kimfumu waasamunu mu nza yimvimba mwanki wuba kimbangi ku bantu ba nsi zimvimba. Ku manima nsukunu yi nza mbo yi tuula.
Ku manima ma bilumbu bebyobyo kwandi, ntangu yaabwesa lezima ko, ngonda yaabwesa kyenzola ko, na zimbwetete zaasotoka tuka ku yulu, na bima bii na lulendo mu mazulu byaaningana.
Ni hahoho, kidimbu ki Mwana Muntu kyaayenika ku yulu, makanda mamvimba ma ha butoto maaba mu kyadi na manyongo, baayena Mwana Muntu wuna kwiza mu matuti ma ku yulu, mu lulendo na mu nkembo wuwunene. Bu ba sika kulumenta didinene, Mwana Muntu waatambika zimbazi zandi, mpe yawu baayonzika yobobo baakasoodidi ku ndambu za ziya zi nza, baafuma mu nsuka zimvimba zi ha butoto.
Kebeno kweno, mu dyambu ti luzebi kilumbu kyaakwiza Mfumu eno ko. Zabeno ti: tala ti mfumu yinzo lendi zaba mu nkye kilokola ki mpimpa mwivi kaakwiza, fweti sunga tolo na kalendi mubiika ko kakota mu nzo andi. Ni hahoho, yeno mpe, beno bakubama mu dyambu ti Mwana Muntu waakwiza mu kilokola ki lulembolo zaba.
na lubalonga bakeba mimvimba mi nalusikidikisi. Mpe meno, ni neeno bilumbu bimvimba natee ku nsukunu yi nza.»
Mu dyambu ditadidi kilumbu na kilokola, ka muntu ko zebi, ka zimbazi zi mazulu ko, ka Mwana ko, kansi Tata kaka zebi.
Os últimos dias
Nos últimos dias virão tempos difíceis, homens amantes de si mesmos. Mas derramarei o meu Espírito sobre toda a carne.
Zaba ti mu bilumbu bimanunu, ntangu zimpasi zaabwa. Mu dyambu ti bantu baaba na bwimi, nzodi yi mbongo, na mayama, baakitumpidika, mpe baaba mintyaki mi Nzambi. Baatumimina matata na zingudi zawu ko, baatonda muntu ko, na baaba na kivumi mu bima bilongo ko. Baaba na mitima mikangama, baaba na nkenda ko, baatoola bantu, baalembana mu kukiyaala, baaba na mbalu, na baaba mitantu mi mambote. Baayekola bantu, baahidika misamu mimbi, mpe baakitumpidika bubwingi, baavula tya mikembo mi nza, kansi ka Nzambi ko. Yawu baakiyenikisa ti bantu bakangama mu Nzambi badi, kansi bakwe bisanga lulendo lwandi. Ba kitatu na bantu babobo!
Nzambi wuta ti: Mu bilumbu binsukunu,
mbo nadukula Mpeve ani ku bantu bamvimba,
baala beno ba babakala na babakento bana bikula,
zintwenya zeno zaayena mu mbweno,
mpe bihunda byeno baayena mu ndozi.
Ninga, mu bilumbu bebyobyo,
mbo nadukula Mpeve ani ku bisadi byani bi babakala na bi bakento,
mpe baabikula.
Mbo nalonka bimangu ku mazulu,
na bidimbu ha butoto:
menga, tiya na tuti di mwisi.
Ntangu yaakituka tombe
na ngonda yaakituka menga,
tekila kilumbu ki Mfumu kituula,
kilumbu kikinene na ki nkembo.
Buna wonso muntu waasambila mu nkumbu yi Mfumu, waabaka mpulusu.
Esperança e prontidão
O dia do Senhor virá como ladrão. Mas nós não somos das trevas — estejamos sóbrios, vigiliando e esperando.
Bonso buta Mfumu, tukwe tanga ti: yeto twaaba bamoyo natee haa kwiza Mfumu, twaatekidila yobobo bateka fwa ko. Ha yuwakana mbembo yingolo yi ntumunu na ndinga yi nkuluntu yi zimbazi, mpe muningu wu kulumenta di Nzambi, Mfumu yandi bende waakulumuka tuuka ku yulu mpe bantu bebobo bafwa mu Klisto baateka fuluka mu bafwa. Mboki yeto twaaba bamoyo mu ntangu beyoyo, baatunata ha kimosi nawu mu matuti mu bwana Mfumu ku yulu, mpe twaaba na Mfumu ntangu zimvimba. Syamasaneeno yeno na yeno mu mpova bezizi.
Ni hahoho, tubwandi tolo bonso bahiika ko, kansi tukayeeno meso mpe tukiyaaleeno. Mu dyambu ti, yobobo bakwe bwanga tolo, mpimpa bakwe lambalalanga, mpe yobobo bakwe kolongo malamu mpimpa bakwe kolongo. Kansi yeto tuvwihulu ku kya, tukiyaaleeno. Tulwateeno kiminu bonso kinkutu ki kisengo kikwe kebanga ntulu, tulwateeno mpe luzolo na kivuvu ki mpulusu bonso mpu. Mu dyambu ti Nzambi ka tusoola ko mwanki nganzi zandi zi tubwila, kansi tutambula mpulusu mu Yesu-Klisto, Mfumu eto,
Kebeeno kweno! Mitima myeno mibandi ku nsye kinanga ki minkembo, ki kindufu na manyongo ma luzingu ko, nganunu kilumbu ki lufundusu kyaalukwizila na byu, bonso mpwasa, kyaakwiza ku bantu bamvimba ba mu nza. Lubwandi tolo ko, kansi ntangu ka ntangu sambilangeeno, mwanki luvuuka mu misamu mimvimba myaalutudila na luba batelama ha ntadisi yi Mwana muntu.»
Mpangi zani zizola, kuu na musamu wu lulendi zimbakana ko. Mu dyambu ti ha meso ma Mfumu, kilumbu kimosi kii bonso funda di mimvu (1000), mpe funda di mimvu (1000) dii bonso kilumbu kimosi. Mfumu kana zingila mu lungisa nsilulu andi ko, bonso buna banzila wo bahiika. Kansi kwe vibidilanga mu dyambu dyeno, mu dyambu ti katiidi ko nakani wumosi kahombila, mpe yandi tiidi ti bamvimba babaka ntangu ye vilula madyela.
Bwabu kilumbu ki Mfumu kyaakwiza bonso mwivi. Mu kilumbu bekyokyo, yulu dyaazimbala na lusuku lulunene, bima bi ku yulu byaahya na byaafuukusu, mpe butoto na bima byandi bimvimba, byaafuukusu mu tiya. Budidi ti bima bimvimba bobo byaazimbidila, zaabeeno bwedi lufweti natina luzingu lweno. Bika ndyatulu eno yiba yilongo mpe luba bakangama mu Nzambi. Lufweti kingila, mpe seeno ti kilumbu ki Mfumu kiiza mu muswalu. Mu kilumbu bekyokyo, yulu dyaahya, dyaanyengoso na bima bii ku yulu byaasulumuka mu mbangasi yi milaka mi tiya. Kansi bonso Nzambi katusila nsilulu, tuna kingila, mazulu mamoona na butoto bumoona, koo kwaaba lunungu.
Taleeno, nina luteela mansweki: yeto bamvimba twaafwa ko, kansi yeto bamvimba baatukitula mu mwa ntangu, mu mbwetolo yi meso mu muningu wu kulumenta dimanunu. Mu dyambu ti, kulumeta bu dyaatendana, buna bafwa baafuluka mulembolo fwa dyaka, mpe yeto baatukitula.
Bwabu nayena yulu dimoona na butoto bumoona, mu dyambu ti yulu dintete na butoto buntete bizimbala, na mubu wuba dyaka ko. Nayena mbanza yilongo, Yelusalemi yimoona yifuma ku mazulu, yifidusu ku Nzambi, yikubama bonso mukento wukwela wutomisi nitu andi mu dyambu di mulumi andi. Nayuwa ndinga yingolo yiduuka ha kyandu ki kintinu, yita ti: «Tala, bwabu Nzambi zakadi ha kati-kati di bantu! Waazakala ha kimosi nawu, mpe baaba bantu bandi. Nzambi yandi bende waaba nawu, mpe waaba Nzambi awu. Mbo kakusuna manswela mamvimba ma meso mawu. Lufwa lwaabwesa ba ko, kwaabwesa ba kifwidi ko, milooko ko na mpasi ko, mu dyambu ti bima bintete bizimbadi.»