Sinais do fim dos tempos
A Bíblia descreve sinais que precederão a volta de Jesus. Guerras, falsos mestres, sinais cósmicos e a pregação do evangelho a todas as nações — tudo aponta para o fim dos tempos.
Sinais proféticos
Este evangelho do Reino será pregado em todo o mundo e então virá o fim. Os sinais dos últimos tempos já se manifestam.
Njesnu a ɓə zhni nabagyi manai əbemi nya ye waazi n anyì vnyanya ngye ɓəgbmi ga abye vnyanya, nlonu, anyìzozo əsa ɓəə si.
"She gnyagwnugnya anyipyei yi nya ɓə zo duduya
" ‘Nyipyei ɓə la dna wyegbma,
jesnu əpya to ɓə je əkwo bwuznagna ga m;
akpasi ɓə kaya ń anyìbmana,
jesnu anya n ɓa kpe n anyìbmana ɓa ɓə jeashna.’
"Nlonu n əznù Əza Nugwnu nya ɓə gbmiɓe n əshemi. Nlonu aza vnyanya n anyì ɓa ɓə zhni bwugbazhiizhii əsa n ɓa ɓə gye Əza Nugwnu woi ɓe dna n ənyì əshebmana nya, n kalái jesnu n latu yaakwoi. Wo ɓə tnu n əwo amaləkai ɓai bye knaknaci n əɓwi yaakwoi, jesnu ɓai ye əwo aza aknyiknyiyi zhi n anyì awyepmyi asəpa ngwnu-anyi, ənya n kwo laka n anyiceshiba gbmanyi kwoi lo anyiceshiba ədo.
"Ntucenu fye kwu zhigwu, ntuge fye ta kpe nyipyei əye lo ń əfye Dagayi ɓə ɓe ncei m. Ama fye ɓwa ɓəye awyega: Ngye pwuwada ɓəə gna wa kwu kpe əsa ń əvyì ɓa ɓe dna ń sukwo yi, wo ɓə ɓa gnyigwu to wa ye ge a lofyi m. Ntulonu əfyenyi ce, fye kwu zhi n əfyehnii yeyei, ntuge Əza Nugwnu ɓə ɓe n əsai nu ń fye to n əwo əɓoi dnalo m.
jesnu fyee wunya nge ɓa vyi aɓo vnyanya n mi ɓə tu fye əgbe nyi. Ɓəhnihni mi kwnusnu lo n fyei ciici, nya anyìzo sa."
"Ama ntu ń nyipyei yi ɓo, kwo əsa, əzaho ta kpe əkwo əye lo m, kwo amaləka ń ɓa fyi n əshemi nyi, kwo Nugwnu m, akpəge Dada nu ɓwasnu gbmanyi.
Os últimos dias
Nos últimos dias virão tempos difíceis, homens amantes de si mesmos. Mas derramarei o meu Espírito sobre toda a carne.
Ama la ɓəye wnawye: Əsa kasai ɓə ɓe fyi n anyipyei kpmaknai. Aza ɓə gna əɓahni tukwo ye, ɓai gna gyiwye ye, ɓai da aɓəkwo, ɓai gbma n əɓahni, atukwomwayi, akpmiknyiyi, aza n ɓa ta wo əɓa azakwoyi ɓəda m, ntna agbmadawu, atnagyigyii, ntna yeye, atna abwizoyi, aza aɓəciyayi, aza n ɓa ta myi n ɓahni wnashi m, aza ayewnuyayi, ntna snusnugye, aza n ɓa ta ye əɓo manai m, azaɓwuyi, aminagyiyi, atukwognanakwoi, aza n ɓa ye ɓa gna agbmada wo a fa Shekwoyi yeye wu, n ɓa zhni ngye ɓa ye Shekwoyi əɓo, ama ɓai na əwo kalá əɓo. La əɓwa gbmi n aza yi pya ɓo.
" ‘Fyi n anyipyei kpmaknai, Shekwoyi da lo,
Mi ɓə zè əmi Zafnu kpe n aza vnyanya.
Əfye anugwnu n anyigwnui ɓa ɓə da sheɓəgwogna,
əfye aɓyikasa ɓə fyi n ɓəwyegye dna n Zafnu,
əfye azakwoi ɓə nu ana.
Kwo kpe n əmi atnutnuyi,
azanugbai n anyikwozai,
Mi ɓə la əmi Zafnu zekpe ɓa fyi n anyipyei yi,
jesnu ɓa ɓə da sheɓəgwogna.
Mi ɓə wu aɓo awowoi kpe n ashebmana əsnii
jesnu n aznùi kpe n əknyi snuta,
ami n ənái ɓədo n awú akwoloi.
Nyipyei ɓə la pmyibma kwaa zè wyegbma
jesnu əpya ɓə la pmyibma kwaa zè ami
nabai əwyi yaakwo n latu Dagayi nyai kwoi kpe ɓe.
Njesnu zahozahoyi n wo yi
Dagayi əye, wo ɓə la pwo.’
Esperança e prontidão
O dia do Senhor virá como ladrão. Mas nós não somos das trevas — estejamos sóbrios, vigiliando e esperando.
N vyi Dagayi ɓədagbma, yi gna fye nge əyi n yi ye zhilo n wyewyeyi nyi, ń yi cezhi, nya Dagayi ɓeɓe sa nyi, ɓəhnihni yi to ɓə kwu gyi n aza yi abye n ɓa kwu wnagye nyi m. Ntuge Dagayi n wohnii tukwoi nu ɓə shnizhi ɓe n əshemi, n əgbetu yaakwoi, n bəgye amaləka tukwoda nyai, n mwayi yiyi Shekwoyi nyai jesnu azafyifyiyi, fyi n Kirisiti, nu ɓə kpmi kalakwu. N dəye avnu, əyi n yi ɓə zhi n wyewyeyi nyi, jesnu n cezhi nyi, yi ɓə shegwnu aje n ɓai n ənyi, yii snu n Dagayii n əshebmana. Nlonu n yi ɓə kwnusnu n Dagayii nyalonyalo. Ntucenu fye kwu aje agwumyizhi n aɓədagbma yei.
Ntulonu, yi to kwu wu ngye azaje nu n ɓa kwu wnagye nyi m, ama yi kwu zhi n zhni agyewyikwnui jesnu n nazhi. Ntuge aza yi n ɓa wnagye, ɓa wnagye n sukwoi nu, jesnu aza yi n ɓa fyije, ɓa fyije n sukwoi nu. Ama shikwonyi yi zhni nyipyei nya nu nyi, fa yaa nazhi, ya kwu gaiciyaganunui kpe ɓədo n yeyei ngye agwu-kpata, jesnu n awyetu gnyignyi nyai kwnu ngye snuknakàta. Ntuge Shekwoyi to ɓə knyí yi ya gyeazhnì minagyi napyei nya nu m, ama ya gwo gnyignyi dna n əyi Dagayi Yeisu Kirisiti.
"Fye zhni pəceye, ntolonu m, əfye adu ɓə kwu woshna fyi n agbmada anyìgyi, n nyasnii ɓədo n aɓəsai anyìgyi nya, jesnu nyipyei yi kwoi ɓe n əsagbmanyi to fyei dnace m. Ntuge kwo ɓə ɓe kpe ń aza ń ɓa fyilo ń anyì vnyanya. Fye kwu zhigwu ciici, jesnu fya zhniaduwa nabai ń fye ɓə myi fyei kwu pwo aɓo vnyanya ń ɓa ye ɓeɓelo nyi, jesnu n fye ɓə myi fyei gnyiagnyi zhi ń Əza Nugwnu abye."
Ama anugwnudo ayeyeyi fye to kwu əɓo gbmanyi ye zamwi m: N Dagayi aba nyipyei gbmanyi n wu ngye aye dugwu nu, jesnu aye dugwu ngye nyipyei gbmanyi. Dagayi ta zhni kalala n əwo ɓəgbeshi ɓwashii m, she azaho n awyega kalala nyai nyi m. N əkwoɓwi, wo ɓwa bwugba n fyei ntuge wo to ncei pmalo zahozahoyi n fye woi ɓwu m, ama zahozahoyi wa ɓe wa yeabwi.
Ama nyipyei Dagayi nya, kwo ɓə ɓe ngye əvyì nu. Ashebmana ɓə kwu ɓwuwye n əwyiɓei; əná ɓə kwu anya zhniagbma, ɓədo n əknyii n nyahonyahoi n a ɓə zhni fyi n əkwo a ɓə la kwo pmiya.
Shikwonyi a ɓə kwu nyahonyahoi zhniagbma nlai, knyi aza pya nu n fye gwo fya kwu zhni a? Fye kwnuce fya gyianyì fyi n gyigyi nu ɓədo n Shekwoyi dnawoi shi fye tuwye n Shekwoyi nyipyei jesnu fya zhni kwo kwa pye n sii. Əwyii ɓə ɓe n ashebmana agbmazhnii nu n ənái, jesnu anya ɓə la wuya fyi n gwugwurugwu. Ntu əwo ɓəgbeshi ɓo, yi zhi yii tuwye n əshemi woiwoyi nu n əknyii, aba n a zhni ɓəfyece.
Fye knatnubwa, mi gna fye asigyi ɓo: Yi to ɓə kwu wnagye vnyanya m, ama əyi vnyanya a ɓə la yi shnado; n əsagbmanyii, n mwayi kpmaknayi byebyei, kwo ɓə wu para ngye əwye kpmatna. Ntuge a ɓə wo mwayi əɓwi, a ɓə kwu afyífyiyi kala ntna bwobwo, jesnu a ɓə la yi shnado.
Nlonu ma gye "əshemi woiwoyi əwye n əknyi woiwoyii," ntuge əshemi kpmisnui n əknyi kpmisnuii ɓa ɓə la duya jesnu shikwo ho to ɓə ye shnasnu m. Ma gye Əzhiyaakwo Gyigyiyi, Urishelima woiwoyi, kwoi gbmiɓe n əshemi n Shekwoyi aba, n əkwohnii zhni nyigwnu n bmyabmyai ngye mwulanyikwo ntu əwo əɓa ɓo. Jesnu ma wo bəgye n latu kwoi gbmi n əbeshnikpegye kwoi gna, "Shiawye! Nsaiye Shekwoyi aseseba kwo la kwnusnu n azanyikwocii, jesnu wo ɓa kwnudna n ɓai. Ɓa ɓə kwu zhni əwo aza, jesnu Shekwoyi n əwohni tukwoi wo ɓə kwnusnu n ɓai woi la zhni əɓa Shekwoyi. Wo ɓə wnu awyenyi dəhodəhoi ya n əɓa awyeba. A to ɓə je əfyi gye m, kwo bwugbazhii kwo ɓwuci kwo snasna m, ntuge anya akwokwoi vnyanya ɓa la duya."