Sinais do fim dos tempos
A Bíblia descreve sinais que precederão a volta de Jesus. Guerras, falsos mestres, sinais cósmicos e a pregação do evangelho a todas as nações — tudo aponta para o fim dos tempos.
Sinais proféticos
Este evangelho do Reino será pregado em todo o mundo e então virá o fim. Os sinais dos últimos tempos já se manifestam.
Ndien eyekwọrọ Eti Mbuk emi abañade Obio Ubọñ Abasi ke ofuri ererimbot nte ñkpọ ntiense ọnọ ofuri ubon owo, do ndien, ke utit edidi."
"Ndo ndo emi ukut mme usen oro edibede, utin eyeduk ekim, ndien ọfiọñ idiyamake aba, mme ntantaọfiọñ eyeduọñọ eto ikpa enyọñ, ndien eyenyuñ enyeñe mme odudu enyọñ."
"Ke ini oro idiọñọ Eyen owo eyewọrọ ke ikpa enyọñ ndien kpukpru idut ke isọñ eyefuhọ. Mmọ eyekut Eyen Owo nte Enye edide ke obubit ikpa enyọñ, ye odudu ye akwa ubọñ. Ndien Enye ọyọdọñ mme enjel Esie ye akwa uyo obukpoñ ukot owo, ndien mmọ eyetañ mme mmọ emi Enye emekde obok ke ituñ enyọñ mbinañ, otode ke ituñ enyọñ kiet tutu osim ituñ eken."
"Ke ntre edu ke ukpeme koro mbufo midioñọke usen emi Ọbọñ mbufo edidide.
Edi etim efiọk emi: Edieke enyene ufọk ọkpọdiọñọde ini emi inọ edidide ke okoneyo, enye ekpekpeme, ikponyuñ iyakke ebuñ ufọk esie eduk. Ke ntre mbufo ñko enyene ndidu ke mbeñeidem, koro Eyen Owo eyedi ke ini ñkanika emi mbufo mikebeñeke idem inọ Enye."
ndien ekpep mmọ esuk ibuot enọ kpukpru mme ñkpọ emi Ami ñkewukde mbufo enam. Ndien Ami ñyedu ye mbufo kpukpru ini, tutu esim utit ini."
"Nte ededi baba owo ndomokiet, edide mme asañautom Abasi ke enyọñ mme Eyen ke idem Esie, iduhọ emi ọfiọkde usen mme ini ñkanika emi mme ñkpọ emi editibede, ibọhọke Ete Mi ikpọñ ikpọñ ọdiọñọ.
Os últimos dias
Nos últimos dias virão tempos difíceis, homens amantes de si mesmos. Mas derramarei o meu Espírito sobre toda a carne.
Eti emi: Ọkpọsọñ ini eyedi ke mme ukperedem usen. Mme owo eyefam efam, edọrọ itọñ, ebure mbure enyuñ ekut idem, mmọ eyemiom emiom, etut utọñ ye ete ye eka mmọ, enana esit ekọm, esin ndikpono Abasi, mmọ eyediọk ido, enana esit mbọm, esabade owo ke edem, eduọ obom enyuñ etie ñwo ñwo; mmọ eyesua se ifọnde, mmọ eyedi mbon etabi, etime ido, enyuñ efut eyọhọ ye ntañidem, mmọ eyema inemesit ekan nte emade Abasi, mmọ edimum enyọñ enyọñ ido ukpono ikama, ndien esin odudu emi asañade ye edikpono Abasi. Da nsan nsan ye uto mme owo emi.
Abasi ọdọhọ ete, " ‘Ke mme akpatre usen,
Ami ñyeñwaña Spirit Mi nduọk kpukpru owo ke idem.
Nditọ mbufo iren ye iban eyesiak Uduak Abasi,
mme ñkparawa iren mbufo eyekut mme ñkukut,
ndien ñkani owo mbufo eyedaba mme ndap.’
Kpa ye mme ifin Mi, iren ye iban,
Ami ñyeñwaña Spirit Mi ke mme usen oro,
ndien mmọ eyesiak Uduak Abasi.
Ndien ami ñyenam mme utibe ñkpọ ke ikpa enyọñ
ye mme ñkpọ ñkpaidem mi ke isọñ,
iyip, ikañ ye ọkpọsọñ nsuñikañ eyedu,
utin eyekabade edi ñkim ñkim,
ndien ọfiọñ eyeyibe nte iyip,
mbemiso akamba ye utibe usen Ọbọñ edisim.
Ndien ke ini oro, owo ekededi emi
edikotde Enyiñ Ọbọñ eyenyaña enye."
Esperança e prontidão
O dia do Senhor virá como ladrão. Mas nós não somos das trevas — estejamos sóbrios, vigiliando e esperando.
Emi edi ukpepñkpọ Ọbọñ ke ñnyin itiñ inọ mbufo ite: ñnyin emi isuk idude uwem, ke usen emi Ọbọñ edidide, idibemke mme mmọ emi ekekpañade iso. Ọkpọsọñ uyo edinyik eyedu, uyo Akwa Enjel, uyo obukpoñ Abasi, ndien Ọbọñ ke idem Esie ọyọsuhọrede oto ke enyọñ edi. Mme mmọ emi ekenimde Kraist ke akpanikọ ndien mmọ ekpa eyebem iso eset ke ñkpa. Ndien ñnyin emi idude uwem ke ini oro eyetañ ñnyin kpukpru ye mmọ edọk ke enyọñ ndikosobo ye Ọbọñ ke ofum. Ndien, ntre ke ñnyin ididu ye Ọbọñ kpukpru ini. Ke ntem, edọñ kiet eken esit eto ke mme ikọ emi.
Ke ntre, ikpanaha ñnyin ide idap nte mme mmọ eken, ñnyin inyene ndikpeme eyo ñnyuñ ndu ke mbeñeidem. Edi ke okoneyo ke mme owo ede idap, edi ke okoneyo ke mme owo ekpa mmin. Edi ñnyin idi mbon uñwaña usen, ndien inyene ndikpeme idem. Ñnyin inyene ndisine mbuọtidem ye ima nte mbọbọ ukwak ekọñ emi ebọpde ke ikpanesit, ndien idorenyin ubọhọ ñnyin nte itam ibuot.
Abasi ikemekke ñnyin ndibọ ukut iyaresit Esie, edi ndibọ edinyaña ñnyene emi otode ke Ọbọñ ñnyin Jisọs Kraist,
Ekpeme idem mbufo, ekuyak ọkpọsọñ usọrọ, ye ọkpọsọñ uñwọñ mmin, ye mme mfina uwem emi ada ini mbufo, ke midighe ntre usen oro eyebabuat mbufo, nte afia. Koro eyebuat mme andiduñ ke ofuri ererimbot. Eka iso ndikpeme kpukpru ini, enyuñ ebọñ akam kpukpru ini, man mbufo ekeme ndinyene ukeme ndibe ke ifure ke kpukpru mme ñkpọ ntibe emi editibede, ñnyuñ ñwọrọ nda ke iso Eyen Owo.
Edi ekufre ñkpọ kiet emi, mme ndima ufan mi! Ukpuhọde iduhọ ke enyin Abasi ke ufọt usen kiet ye tọsin isua, ke Enye, mbiba edi ukem ukem. Abasi inyọnike nyọni ke ndinam se Enye ọkọñwọñọde, nte mme ndusuk owo ekerede. Utu ke oro Enye enyene ime ye mbufo, koro Enye miyomke esobo baba owo kiet; edi oyom kpukpru owo ewọñọde ekpọñ mme idiọkñkpọ mmọ. Edi usen Ọbọñ edidi nte inọ. Ke usen oro, ikpaenyọñ eyesop ye ọkpọsọñ uyom, eyefọp enyuñ esobo kpukpru mme odu uwem ñkpọ ke enyọñ, ndien ererimbot ye kpukpru se idude ke esit eyeta ikañ.
Sia edibiatde kpukpru ñkpọ emi ke utọ usuñ emi, nso utọ uduot owo ke mbufo ekpedi? Akpana uwem mbufo asana, enyuñ eyak uwem mbufo ofuri ofuri enọ Abasi. Nte mbufo etiede ebet usen Abasi, enyuñ enam ofuri ukeme mbufo ndinam usen oro ọsọp edi. Usen emi ikpaenyọñ editade ikañ, edinyuñ ibiatde enye, ndien kpukpru mme odu uwem ñkpọ do ke ikpaenyọñ eyetara oto ke ufiop. Edi ñnyin itie ibet se Abasi ọkọñwọñọde. Obufa enyọñ ye obufa ererimbot ebiet emi edinen ido ediduñde.
Ekpañ utọñ ekop ndibe ikọ emi: Ñnyin kpukpru idikpaha, edi eyekpuhọde kpukpru ñnyin, ke edikep enyin, ke ini ema efuri akpatre uyo obukpoñ. Koro ke ini emi obukpoñ edisiorode uyo, eyemenede mme akpaña ñkpa ndien mmọ idikpaha aba ñkpa.
Do ndien ke ami ñkokut "obufa enyọñ ye obufa isọñ." Akpa enyọñ ye akpa isọñ ema ebe efep, ndien akpainyañ ama osop. Ndien ami mma ñkut Edisana akwa obio, obufa Jerusalem, nte ọsuhọrede edi oto Abasi ke enyọñ, ema ediọñ enye idem nte ñwan ndọ emi ebeñede idem ndisobo ye ebe esie.
Ami mma ñkop ọkpọsọñ uyo emi otode ke ebekpo, ọdọhọde, ete, "Idahaemi ebiet iduñ Abasi edidu ye mme owo! Enye eyeduñ ye mmọ. Ndien mmọ eyedi ikọt Esie, ndien Abasi ke idem Esie eyedu ye mmọ, ndien Enye eyedi Abasi mmọ. Enye eyekwọhọde kpukpru mmọñeyet ke enyin mmọ efep. Ñkpa ididuhọ aba, ukut ididuhọ aba, eyet ididuhọ aba, mme ubiak, koro akani ubonoñkpọ ebe efep."