23 ደኦይ እያፐ ፑልትያ ግሾ፥

ኡባፈ አዳ ነ ዎዛና ምንዳ ናጋ።

26 ታ ናአዉ፥ ነ ዎዛና ታዉ እማ፤

ነ አይፈት ታ ኦግያ ካሎ።

1 ታ ናአዉ፥ ታ ትምርትያ ዶጎፓ፤

ታ ኪታ ነ ዎዛናን ዎ።

2 ኤንቲ ነ ላይ አዱሳና፤

እንጀነ ሳሮተ ነዉ ጉጃና።

45 ሎኦ አስ ባ ዎዛናን ኩምዳ ሎኦባፐ ሎኦባ ከሴስ። ኢታ አስ ባ ዎዛናን ኩምዳ ኢታባፐ ኢታባ ከሴስ። አስ ባ ዎዛናን ኩምድ ፓላህዳባፐ ባ ዶናን ኦደቴስ።✝

10 አቤት ፆሳዉ፥ ጌሻ ዎዛና ታናን መ፤

ቃፆና አያና ታ ግዶን ኦራ።

8 ዎዛና ጌሻት አንጀትዳይሳታ፥

ኤንቲ ፆሳ በአና።✝

23 ፆሳዉ፥ ታና ፕልጋዳ ታ ዎዛና ኤራ፤

ታና ኡንኤዳ ታ ቆፋ በአ።

24 ታናን ኢታባይ ደእኮ ፄላ፤

መርና ኦግያን ታና ካለ።

2 አቤት ጎዳዉ፥ ታና ፓጫ፤

ታና ፕልጋዳ በአ፤

ታ ዎዛና ፆሞሳ።

3 ነ ሲቆይ ታ ስንን ደእያ ግሾ፥

ታ ኡባ ዎደ ነ ቱማ ኦግያን ሄመታይስ።

3 ኔኒ ቃማ ታና ፆሞሳዳሳ፤

ታ ዎዛና ፓጫዳሳ።

ሽን ፓጫዳካ ታ ቦላ አይኮካ ደማባካ፤

ታ እንፃርሳይካ ባለትቤና።

4 ታኒ ሀራ አሳታዳ ኢታባ ሃሳይከ፤

ታኒ ነ ቃላ ናግያ ግሾ፥ ገነ ኦግያ ካላብከ።

5 ታ ቶሆይ በቶና መላ፥

ታ ታንጎይ ነ ኦግያፐ ጋፃ ከይቤና።

7 ታ ዎዛናይ ምኖ፤

አቤት ፆሳዉ፥ ታ ዎዛናይ ምኖ፤

ታኒ ነና ማዝሙረን ሳባና።

2 ሎኦ፥ ኡፋይሰይሳነ ፖሎ ግድዳ ፆሳ ሸንያ ህንተ ሻክ ኤራናዉ ህንተ ቆፋን ላመትተፐ አትሽን፥ ሀ አላምያ ዳኖፕተ።

8 ሀ ህገ ማፃፋይ ነ ዶናፐ ሻከቶፎ። እያን ፃፈትዳባ ኡባ ምንዳ ናጋናዉ ጋላስነ ቃማ እያ ቆፓ። ሄሳ ነ ኦኮ፥ ነዉ ኡባባይ እንጀታናነ ፖለታና።

10 ታ ኩመ ዎዛናን ነና ኮያስ፤

ነ ኪታፐ ካረ ከዮናዳ ታና ናጋ።

11 ታኒ ነ ቦላ ናጋራ ኦና መላ

ነ ቃላ ታ ዎዛናን ቆሳስ።

5 ነ ጎዳ፥ ነ ፆሳ ነ ኩመ ዎዛናፐ፥ ነ ኩመ ሸምፑዋፈነ ነ ኩመ ዎልቃፈ ዶሳ። 6 ሀች ታ ነና ኪትያ ሀ ኪታ ነ ዎዛናን ዎ።

46 ኤንታኮ፥ "ሀ ህገ ቃላ ኡባ ህንተ ናይት ናጋና መላነ ኪተታና መላ ሀች ታ ህንተዉ ማርካ ኦዳ እምያ ቃላ ኡባ ህንተ ዎዛናን ዎተ።

6 ህንተ ፆሳ ዎስያ ዎደ ኡባን እያ ጋላትሸ፥ ህንተና ኮሽያባ ኡባስ ዎስተፐ አትሽን፥ አይብባስካ ህርጎፍተ። 7 አሳ ኤራተ ኡባፈ አያ ፆሳ ሳሮተይ፥ ህንተ ዎዛናነ ህንተ ቆፋ ጎዳ የሱስ ክርስቶሳ ባጋራ ናጋና።

8 ፆሳኮ ሺቅተ፤ እ ህንተኮ ሺቃና። ህንተኖ፥ ናጋራንቾቶ፥ ህንተ ኩሽያ ሜጨትተ፤ ናምኡ ቆፍ ደኤይሳቶ፥ ህንተ ዎዛና ጌሽተ።

8 ሄ ጎሻንቹዋዳ ህንተካ ገንጭተ። ጎዳ ዩሳይ ማታትዳ ግሾ ኡፋይሳን ናግተ።

1 ህዛ፥ ህንተ ክርስቶሳራ ሀይቆፐ ደንድዳይሳዳ፥ ፆሳፈ ኡሻቻ ባጋን ኡትዳ ክርስቶስ ደእያ በሳን፥ ሳሎን ደእያባታ ኮይተ።✝