26 फेर परमेशरे बोलेया, "आसे माणूंआ खे आपणे रूपो रे मुताबिक, आपू जेड़ा बणाईए, ताकि सेयो समुद्रो री मछलिया पाँदे, सर्गो रे पंछिया पाँदे, करेलू डांगरा, ओर बणो रे जानवरा पाँदे, सारी तरतिया पाँदे ओर सारी तरतिया पाँदे लूरने वाल़े जन्तुआ पाँदे अक्क राखो।"* 27 तेबे परमेशरे माणूं आपणे रूपो रे मुताबिक बणाया। आपणे ई रूपो रे मुताबिक परमेशरे से बणाया। तिने मर्द ओर जवाणस करी की सेयो माणूं बणाए।*

8 परमेशर यहोवा दिनो रे ठण्डे बखते बगीचे रे कूमो था, तेसरी आवाज तिना खे सुणी। तेबे आदमी ओर तेसरी लाड़ी बगीचे रे डाल़ा बीचे परमेशर यहोवे ते लूकी गे।

12 तेबेई जेड़ा एक माणूं आदमो रे जरिए पाप दुनिया रे आया और पापो रे जरिए मृत्यु आयी और ईंयां ई मृत्यु सबी माणूंआ रे फैली गी, कऊँकि सबी पाप करी राखेया।

45 एड़ा ई पवित्र शास्त्रो रे लिखी बी राखेया, "पईला माणूं, मतलब-आदम जिऊँदा प्राणी बणेया" पर आखरी आदम मतलब मसीह अनन्त जिन्दगी देणे वाल़ा बणेया। 46 पर पईले आत्मिक नि था, पर कुदरती था, तेबे इजी ते बादो ते आत्मिक बणेया। 47 पईला माणूं तरती ए, मतलब-माट्टिया रा बणेया रा था, दूजा माणूं स्वर्गिय ए। 48 जेड़ा से माट्टिया रा बणेया रा था, तेड़े ई ओर माट्टिया रे बणी रे थे और जेड़ा से स्वर्गिय ए, तेड़े ई ओर बी स्वर्गिय ए। 49 जिंयाँ आसे माट्टिया रे बणे रे माणूंए रा रूप धारण कित्तेया तिंयाँ ई आसा स्वर्गिय माणूंए रा रूप धारण करना।

1 आसे माणूं बऊत कमजोर ए।

आसे थोड़े जे बखतो रिया तँईं जिऊँए, ओर आसे बऊत परेशानिया रा अनुभव करूँए।

17 क्या नाशवान माणूं परमेशरो ते जादा तार्मिक ऊई सकोआ?

क्या माणूं आपणे बनाणे वाल़े ते जादा पवित्र ऊई सकोआ?

17 माणूं क्या ए, कि तूँ तेसखे इतणा मान-सम्मान देओ

ओर आपणा मन तेस पाँदे लगाए

6 पवित्र शास्त्रो रे केसी जगा रे कोई ये गवाई देओआ,

"माणूं क्या ए कि तूँ तेसखे याद करो?

माणूंआ रे बच्चे क्या ए कि तूँ तिना री फिकर करेया?

24 कुछ ऊणे ते पईले कोई बी माणूं जाणी नि सकदा कि क्या ऊणे वाल़ा ए?

क्ऊँकि माणूंए री बाट यहोवे रिया तरफा तेई ठईराई जाओई।

22 कि तुसे आपणे पुराणे चाल-चलणो रा पुराणा जीवन, जो भरमाणे वाल़ी इच्छा रे मुताबिक प्रष्ट ऊँदा जाओआ, उतारी देओ 23 और आपणे मनो रे आत्मिक सबाओ रे नये बणदे जाओ। 24 और नया सबाओ पईनी लो, जो परमेशरो रे मुताबिक सच्चो री धार्मिकता और पवित्रता रे बणाई राखेया।

15 आपणी मौता रे जरिए तिने मूसा रे बिधानो खे तेसरी बिदिया साथे मटयाईता। ताकि से आपू यहूदिया और दूजिया जातिया बीचे शान्ति ल्याई सको और ईंयां एक नया मानवता रा दल बणाई सको।

11 पर ओ तीमुथियुस परमेशरो रे सेवक, तूँ इना सबी बुरे कामा खे करने ते दूर नठ। जो सई काम ए तिजी खे हर तरअ ते करने री कोशिश कर। एड़ी जिन्दगी जी जेते की परमेशरो खे आदर मिलो। मसीह पाँदे परोसा राख। ओरी लोका साथे प्यार कर। मुसीबत आऊणे पाँदे ईम्मत राख। ओरी लोका साथे नरमाईया साथे बर्ताव कर।

11 जेबे आऊँ बाल़क था, तेबे आऊँ बाल़को जेड़ा बोलूँ था, बाल़का जेड़ा मन था, बाल़का जेड़ी समज थी, पर जेबे स्याणा ऊईगा, तेबे बाल़का रिया गल्ला छाडी तिया।

21 कऊँकि माणूंआ रे सारे चाल-चलणो पाँदे यहोवे री नजर रओई,

ओर से तिना रिया सारिया बाटा खे देखदा रओआ।

1 माणूं आपणे मनो दे बऊत योजना बणाओआ,

पर यहोवा से आ जो ये पक्का करोआ कि क्या ऊणा चाईयो।

5 यहोवा ये बोलोआ, "से माणूं स्रापित ए, जो माणूंए पाँदे परोसा राखोआ ओर तेसरा साअरा लओआ, जेसरा मन यहोवे ते पटकी जाओआ।

7 एड़ा माणूं ये नि समजो कि माखे प्रभुए ते कुछ मिलणा, 8 से माणूं आपणा फैंसला नि लई सकदा और आपणी सारी गल्ला रे पोल़ा-पाल़ा ए।

1 केसी बी सयाणे माणूंए खे बेज्जतिया रे नजरिए ते नि बक, पर तेसखे पिता जी समजी की समजया। जवाना खे पाई मानी की समजा।