1 क्षयर्ष राजे देश ओर समुद्रो रे टापूए दे रणे वाल़ेया पाँदे कर लगाया। 2 तेसरी महानता ओर पराक्रमो रे काम ओर मोर्दकैए री तेसा प्रतिष्ठा रा पूरा ब्योरा, जो राजे तेसरी कित्ती थी, से मादै ओर फारसो रे राजेया रे इतिआसो री कताबा दे लिखी राखेया, 3 यहूदी मोर्दकै, क्षयर्ष राजे निठे ई था ओर यहूदिया री नजरा दे बड़ा था ओर तेसरे सारे पाई तेसते खुश थे, कऊँकि से आपणे यहूदी पाईया री पलाईया री टोल़ा दे रओ था ओर आपणे सबी लोका खे शान्तिया रिया गल्ला बोलेया करो था।