Incentivo
A Bíblia é fonte inesgotável de incentivo. Em cada página, Deus nos encoraja a não temer, a perseverar e a confiar que Ele está conosco e é maior que qualquer adversidade.
Deus é por nós
Se Deus é por nós, quem será contra nós? O Senhor fortalece, sustenta e guia seus filhos em cada batalha e desafio.
Jesu Khri kya Pachia Sungsahnaw
Tuhteze hynh-e uccaw hae kong hynh pawtemou ah ho cih oh? Pachia tuh aening kalan a pan ze, hum nynh mou oun rawse kho cih?
kae tuh na kya ka um keiccuze
na thinphang nan sah,
kae tuh na Pachia
ka thua keiccuze rih nan;
nang kha thawzung kae pya cih zah,
kae bawm cih, taenaw a hoipaw
ka ranglang kuih te nang kha
kae thungkhaw cih.
thuasalama Bawipaw
a ngaehoikuh hae paw tuh
thawzung thawpaw a hoi cih hae,
mosipi hawte mih sake te
a zouthung cih hae,
a ccue hae ze bang lan khyh hae,
a ccia hae zemah mih thawthang lan khyh.
Thawzung yn pyatupaw Khri liate pawpaw balyn ka cyih kho.
Nae thawsae sah lah, nae rawthung sah; rih nan oh lah, thyngkuh nan oh, pawccecize nanning ryte a cceihpaw tuh Bawipaw nae Pachia nynh thua; nanning kha ae cciataw lan khyh oh zah ae vua lan khyh oh," a cipya hae.
Pawccecize Pachia nynh rawthyanaw muisaw kha aening oun pya khyh, thuasalama thungnaw, sungsakunaw, te mawtemaw yhku khonaw muisaw kha nynh oun pya.
Esperança e perseverança
A tribulação produz perseverança, a perseverança produz caráter, e o caráter produz esperança que não decepciona.
Hynh-e kya kyalya thua khyh, aening ah teingnaw oh kya mah ah lungtua; pawccecize teingnaw nynh ngaesangnaw kha a thuakhae cipaw ah ny oh; ngaesangnaw nynh Pachia lungtungnaw kha a thuakhae, tuh-e lungtungnaw nynh ngaehoinaw kha a thuakhae; ngaehoinaw nynh lungronaw kha oun pya khyh, pawccecize Pachia nynh aening oun pyapaw Thyaa Muisaw liate a sungsahnaw kha ah thinlung kya oun bu vae.
Tukeiccuze myarya lepaw lasung a thuakhaepaw nae rawhoynaw kha vua nan oh.
Na teing lanpaw vawsawnaw kha rih nan. Dotua, nanning tuh syntawnaw teing khylan Satan nynh nanning kyaze abang kha thonginn lungkhu lang a sang cih hae, te nin haw lungkhu vawsawnaw na tung cih oh. Nang tuh chinaw kyacia a lungzipaw la thua, tuhteze tuh hiinnaw bawilukhung kha kae pya cih.
Nanning nynh kamaw kya daenaw na hoi nawlan oh hynh-e bya hynh kae hopya oh. Nanning nynh laephi kya vawsawnaw na tung cih oh; thuasalama nae rawhoy sah; laephi tuh ka tae vae," a ci.
Zynnaw liate Hiinnaw
Tukeiccuze kae lungthang khyh. Atolang e kae pyn tuh roh salamah, alungkhu lang e kae muisaw tuh nin kheit koute nin kheit thawsah athua. Pawccecize sosohtari kae teingpaw, zawbahaepaw hynh-e vawsawnaw nynh khinkhia kho leipaw, myarya akhinccipaw zungzae phu-enaw kha kae hanlan oun paccynpya. Tukeiccuze muih khopaw uccaw hae kha do leite muih kho leipaw uccaw hae kha nynh kae do; pawccecize muih khopaw uccaw hae tuh sosoh nynh atyn, thuasalama muih kho leipaw uccaw hae tuh zungzae atyn.
Jesu nynh, "Na zyn kho tou! Zynnaw a hoipaw elang tuh pawpaw tynre acyihkuh kho," a cipya.
Deus cuida de nós
Entrega o teu caminho ao Senhor. Lança sobre Ele as tuas ansiedades, porque Ele tem cuidado de nós diariamente.
Na hiinnaw kha Bawipaw kalan aptua,
amaw kha doliakuh lah, ae cyipah cih.
Ccungccaw nynh a ccianawpaw laanpi kha
Bawipaw nynh a lungrythua ze,
a laanpi kha a tynsah pya;
a thyku zemah khuliakuh lan khyh,
pawccecize Bawipaw nynh
a kuih kha phang a kyng.
Na phupaw kha
Bawipaw kya nung lah,
nang kha ae bawm cih;
miding kha shungnaw
kharouh pya boi lan khyh.
Mihyn hae kyate Lue khylan Sawsangnaw
Ka vawsaw lyakhe Bawipaw nynh
yn thaepya ccaw cite
amaw kalan ka sia:
Kae kha yn rawse hae zah
yn koihlu hae paw
ccungccaw athong-asan hae kha
ka rih khyh hae.
Futuro e promessas
Eu sei os planos que tenho para vocês — planos de paz e não de mal, para dar-lhes futuro e esperança.
Bawipaw nynh a hopaw tuh: Nanning hanlan ka hoipaw paccynnaw hynh ccaerarih lan ka ny, tuh-e paccynnaw tuh nanning hanlan vawsawnaw thua leite hoynaw thua zah, ngaehoinaw a umpaw malang ccyh kha pya khylan nynh thua.
Bawipaw na Pachia tuh
na ngaelung kya a um,
taenaw ae pyapaw
athungpaw nynh thua;
na tungvaw a lungtua cih zah
a lungpaw cih,
a sungsahnaw kyakhe
nang kha ae thawsah thui cih;
poi nin lya hawte phe ccae lan
hlawsah te na tungvaw
a lungtua cih,
Thuasalama Jesu nynh minmin kha do hae zah, "Ccungccaw hanlan tuh hynh-e hynh thua kho khyh, thuasalama Pachia hanlan tuh pawpaw balyn athua kho," a ci.
Thuasalama Ccathyaa kyaze,
"Pachia nynh amaw a sungsah
hae paw hanlan a paccynpaw
uccaw hae kha mit nynh
muih boi khyh,
nakaring nynh thae boi khyh,
ccungccaw thinlung nynh mah
tua boi khyh,"
cite azeiku hawte nynh thua.
Aning nynh loo ngaelung khe thadynnaw hmin lawkuh zah, tuh-e hmin kha thungkhawte Filistin hae kha a chia hae; te Bawipaw nynh taenaw lepaw kha a rae.