Irrepreensível
Ser irrepreensível não é ser perfeito — é viver com integridade diante de Deus e dos homens. A Bíblia nos chama a buscar uma vida reta, pura e sem manchas visíveis de hipocrisia.
O padrão divino
Deus é perfeito e chama seus filhos à integridade. A palavra de Deus é purificada e Ele é escudo dos que caminham na retidão.
Buscar a perfeição em Cristo
Todos tropeçamos em muitas coisas, mas o alvo é a maturidade. Cristo é a fonte da salvação eterna para todos os que lhe obedecem.
Kpiri kaha ishi nwashika aba nyowe. Owoni ase ke nyowe ela koka lo, owase neshi ni ya gege ya kwiyi nu ni.
Oza ni Owuso Ada mo owoneshi kpo okwokwoshi ko gboso ni yoma: tayokwu kpa anyokwu abo ipu ko owe ni aba mani, kweyi ka yese na yo yishi lo.
Eshi kpiri ni shoshi kiyo gyogye ni yawa bwi iso la; ya sa bwebe ko Owuso, ino ya awoyoyu ki iso, ni ya pya lo oke ya yebe dibu bwebe ko pyopya nu lo.
Owuso yo gyogya, oki wotu ko olayi ko gbogbo-gbogbo da awase ni geyagye danu ni.
Oyesu ka danu mo, <<Owoni oya yimu shini owase neneshi, ga yoza ni ogbo kpiri ni yi ra shini oyi kwiri dawo oleha, shini ogbo odu Iso. Ime shini owa gbosun.>>
Vida íntegra
Que a vossa alegria seja completa! Vivam em harmonia, sejam irrepreensíveis — transformados pela renovação da mente.
Nkoza mani dala shini otushosha hin na yipu kala kweyi otushosha kala na gya.
Kwikyikyeni ala doka kojije ipu kiye hin wa lo. Ala doka ala ba pye, kweyi otunehe kala ya gyogya.
Ala ka gbosowe koza yoya kese mani lo, otu kala ke na pyabo bwebe ko kyotu kala pya wopepe. Ebeni ala ba gege ko gyoza ni otu ko Owuso we ni, imu kotu nu ni wo neneshi ni ki gyogya ni.
Bwebe koshu ka Adole ka Oyesu Okristi nyya bala kpiri, ayene hin, shini ala kyogwu kpoza ni ala ka, shini ala ka kikpo lo. Shini ala bipu kema dudu, kpo otu oye kponu kpo ogbogbo oye kponu.
Kweyi oni sharinya neshi mani kpiri ni, ala ki yimu yoya manu, imu ni kpuwa gbayi kpiri ipu ko dudu neshi ni.
Owoni olayi wo ipu ko Okristi totugbagba, kweyi imu ko Okristi yotu kala sha, ala ba rema kpo Omaku, kweyi ala ba gbotu mene kpi iyinyinyi kiyikala. Mani oni nyya bala, ala yun na shotunehe kpiri-kpiri, otu kala na woye, imu kala na woye, omaku kala kpotu kala na woye kponu. Ka yojije kimu kiyo kwa ako gwakya kpanu lo, ka zikweyi iso lo, zase ashini mo asho. Ka yoza ikweyi koneshi kiyo kin lo, ke yoza ikweyi koneshi kase ashini mamani. Arinya wo na woye kponu kpa ko Okristi Oyesu:
Ni le byoni Owuso we ni,
oke zo gyogye nu kpo Owuso wojije lo.
Abishi koni, okyogwu sho ojoji kpiri ni ogbo ni bita,
kweyi ziyinu byo oshe.
Owa bya asuse,
kweyi bose wese byasuse.
Ozikweyi iso lo kweyi oyipu ko geyagye gbishini ogekwu.
Ikwu ni okyogwu ma anayo poshi ni.
Oza ni ya ni Owuso ngga anu sha ananaho kweyi odanu iye ni shiye kpiri ni
Ni olema oni, ipu ki iye ko Oyesu,
oza kpiri ni biso, kpo oni yo okpagye ni, kpo ni ba alekwu ni ba geyagye do Oyesu,
igbenu kpiri ba kamo Oyesu Okristi wa Adole,
ebe ki igyashi ko Owuso Ada.
Ni olemani oni ala ayene hin moshi, byo ni ala ba geyagye dami ishini kpiri ni, onaka wishi ni nyyo kpa ala lo ni, ishi mani ke, oshoshi shini ala geyagye dami ni nyyo ni kpa ala kelo ni. Ala gohobu kpo geyagye kpo oshi shini ala ngmiyi kala, ikweyi koni Owuso oya yoko kpa awo kweyi yo sho yimu ko geyagye doza ni oya yimu shini oya ni.
Ala ka yoza ipu ka akyose kwe awashu tota lo, shini ala ka gbepwo kwi inyi lo byoni ala wayi ko Owuso gyogye ni bese kawase ni yishi kpoza labi ni. Ala yu ipu wa byi inyiwo ni ba yu akpa ni, byoni ala ba dawo oleho ko olayi ni. Owoni ala ya mani, nyya gwabotu kpa ala Eno ko Okristi, oya shiya ase mo otakirikwu hin kpoko hin wo oyeye lo.
Ko owoni aba yun ngmo kweyi yo oyi hin tu shonu byinyi ni otuse kala ya peshi do Owuso ni, otu hin yasha kweyi nyya shotunehe kpala kpiri. Mani oni, owotiri shini otu kala na sha kpa ami mamani.
Owoni Adole kyogwu, nyya to Otimoti oleho ebe kala papa, shini na byotu gbagba ishini npwo oshu ikweyi kala. Anu fufunu pini gbotu oyekponu kpami la, kweyi oya dotose kala kwokwoshi. Ananoho ba yela kiyiwa kin la, wela ko Oyesu Okristi lalo. Ala abiyikala gye mo Otimoti sayi ka arinya neshi, ami kpanu yoko dudu byo oyi kpa ada, ikweyi ko oshu neshi. Mani oni nyya yimu ko toleho ebe kala ishini nmoza ni oya we ebe hin ni. Kweyi nki ya totusa Adole mami abiyun ya gege ya webe kala kwekwe mani. Nke ma mo oya shoshi shini na to oyene kaha ke Epafroditus oleho ebe kala, anu ni yoko kweyi ki kpefu dudu kpami kweyi ki wo oyoleho kala ni ala yo wa tumabo ni. Oya yimu ko mala kpiri kweyi otu nu bya koni ala pwo mo oya gbere ni. Kokwokwoshi ogbere byo oya gekwu oni. Owuso ke miyinyinyi nu, anu fufunu lalo, omiyinyinyi hin mamani, kweyi oyotu byobya nyakwu bize shun. Oni ki wo otata koza ni yun ya yimu ko toleho ebe kala ni, shini otu kala na ki sha ishini ala mo, kweyi otu byobya hin ya kweyi. Ala zo kpo otushosha, byo oyene ipu ka Adole. Ala geyagye dase kpiri ni le byanu ni, koni oyiyinu dikwu byo oya gekwu oni ikweyi koko ko Okristi, shini ona tumabo, owe ni ala gege lo ni.
Ase ni yo bibi ka sanu obibi lo, ala ke yoza neshi kpiyi kala ki kpa ananoho ishi kpiri.