Irrepreensível
Ser irrepreensível não é ser perfeito — é viver com integridade diante de Deus e dos homens. A Bíblia nos chama a buscar uma vida reta, pura e sem manchas visíveis de hipocrisia.
O padrão divino
Deus é perfeito e chama seus filhos à integridade. A palavra de Deus é purificada e Ele é escudo dos que caminham na retidão.
Buscar a perfeição em Cristo
Todos tropeçamos em muitas coisas, mas o alvo é a maturidade. Cristo é a fonte da salvação eterna para todos os que lhe obedecem.
Ofikyɛ yɛ nu biala di mvomsoɛ mmerɛ pee. Sɛ ebie dwudwo na onni mvomsoɛ a, bɔ okyire yeɛ ole kyɛ, sɔ sona ne de, ɔte pɛ, na ɔkora hyɛ ye nipadua namukoraati so.
Nyamesom bɔ odi mu, na efiɛ biala nne ye nwo wɔ yɛ Nyameɛ, ne yɛ Baba ne nyunu ɛhe: Kyɛ ebie kɔnea nyisiaa ne akunafoɛ bɔ bɛ nwo ahyere bɛ ne, na wahwe ye nwo wafi wiase ngekayɛɛ nwo.
Akyɛdeɛ pa, ne akyɛdeɛ bɔ odi mu biala fi anwuro; ofi kanea Baba ne berɛ, ye de ɔnzesa, na ɔtte kyɛ wawoɛ bɔ ɔkakyi-kakyi ne.
Na bɛmaa ɔyɛle pɛ ne, ɔɔyɛle ebie bɔ bɛ bɔ betie ye namukoraati nate ye so konya ngoa daa,
Yesu ha hyirele ye kyɛ: "Sɛ ɛpena kyɛ ɛyɛ ye pɛpɛɛpɛ de a, kɔtɔne wɔ nwo nningyein mukoraati, na fa ma ahiafoɛ, na ekonya agyapadeɛ wɔ anwuro; na bra bali me si."
Vida íntegra
Que a vossa alegria seja completa! Vivam em harmonia, sejam irrepreensíveis — transformados pela renovação da mente.
Maha ɛhemɔ mahyire ɛmɔ, na wamaa ɛmɔ anya m’anigye ne bie, na ɛmɔ anigye ne ali mu.
Ná ɔbadwu bekye, ɛmɔ bisalle nikye fee wɔ me dumaa nu. Nakoso ɛmɔ bisa, na ɛmɔ sa kɔha ye, ná wamaa ɛmɔ anigye ne ali mu.
Nnɛmɔ maa wiase ne kyire ɛmɔ bɔ ɛmɔyɛ ɔ, mmom ɛmɔyɛ ɛmɔ adwene foforɛ, kyɛbɔ ɔkɔyɛ a ɛmɔ konwu bɔ Nyameɛ kuro, bɔ ɔte pa, bɔ ɔsɔ ye nye, na odi mu ɔ.
Aliemaa mɔ, mefa y’Awurade Yesu Kristo dumaa mesrɛ ɛmɔ kyɛ, ɛmɔ mukoraati, ɛmɔnya adwene kõ, ná mbakye-mbakye-muɛ biala amma ɛmɔ nu. Ná wamaa ɛmɔ mukoraati ɛmɔ ayɛ kõ wɔ adwene kõ, ne nzusuyɛɛ kõ nu.
Ye mukoraati si ne, ɛmɔwura ɔdɔ kyɛ atadeɛ, ofikyɛ ɔka nningyein bɔnu maa odi mu.
Yeti, sɛ ɛmɔ kɔhora bɛkɔhyɛ ebie nguraen wɔ Kristo nu, sɛ ɛmɔ kɔkyekye ebie wora wɔ ɔdɔ nu, sɛ honhom nu adamvoa bie wɔ berɛ, na sɛ ahunu-ndetelɛ ne anwunvoin bie wɔ berɛ a, ye de, sɛ ɛmɔnya adwene kõ, ɛmɔdodɔ ɛmɔ nwo, ɛmɔyɛ kõ, na ɛmɔnya botae kõ a, na ɔkɔmaa m’anigye koli mu. Nnɛmɔfa manzoin anaa nduhoɛ bɛyɛ nikye fee, mmom ɛmɔbrɛ ɛmɔ nwo ase, na ɛmɔbu afoforɛ kyɛ bɛtra ɛmɔ. Nná bɔ ohia ɛmɔ ngome yeɛ odikyɛ ɛmɔdwene ye nwo ɔ, mmom ɛmɔdwene ɛmɔ mmango mɔ nwo.
Ɛmɔnya adwene bɔ ne Kristo Yesu le ye ne bie:
Ɔwɔ nu, né ye tebea ne ayɛ kyɛ Nyameɛ,
nakoso, wannya adwene lle,
kyɛ ɔne Nyameɛ kɔyɛ pɛ.
Mmom, ɔyakyile nikye biala berɛ,
yɛle ye nwo te kyɛ akoaa,
na ɔwa maa bɛwole ye kyɛ kuro sona.
Na mmerɛ bɔ onwuni kyɛ ɔte sona ne,
ɔbrɛle ye nwo ase,
na ɔyɛle sotie tonn oodwule ewue nu,
asɛnnua so wue nu.
Yeti, Nyameɛ apagya ye ahɔ anwuro paa,
na wama ye dumaa bɔ ɔtra dumaa biala.
Yeti, Yesu dumaa nu yeɛ odikyɛ ebiala koto ɔ,
bɛ bɔ bɛwɔ anwuro, aseɛ so, ɔne aseɛ bo mukoraati.
Ná odikyɛ temverema biala ka kyɛ Yesu Kristo te Awurade,
na ɔfa hyɛ Baba Nyameɛ anuonyam.
Yeti adɔfo, kyɛbɔ daa ɛmɔyɛ sotie mmerɛ bɔ nwɔ berɛ, na nne berɛ po a, ɛmɔyɛ maa ɔbo so ne, ɛmɔhɔ so bɛfa esuronyi ne ahopopo bɛyɛ ɛmɔ bɔbɔ ɛmɔ ngoa nwo adwuma. Ofikyɛ Nyameɛ yeɛ ɔyɛ adwuma wɔ ɛmɔ nu, kyɛbɔ ɔkɔyɛ a, ɛmɔ konya ye nwo anigye, ná ɛmɔ anya anwoserɛ bɔ ɛmɔ kɔfa bɛkɔyɛ bɔ okuro ɔ.
Nnɛmɔfa anwii-nwii ne aporowaa bɛyɛ nikye fee, ná wamaa ɛmɔ ayɛ mmenia bɔ edwirɛ nne bɛ nwo, ná ɛmɔte kronn, Nyameɛ mmaa bɔ ngekayɛɛ biala nne bɛ nwo wɔ aworɛ ndoɔtoasoɛ bɔ wakondo na wahyea he anu, na ɛmɔ ata kyɛ kanea wɔ wiase, bɔ ɛmɔtira ngoa dwirɛ nanu. Ná kyẽa bɔ Kristo kɔwa ne, me koso mahora mali ahurusi, ofikyɛ mese kyɛ manndu mirika ne mbaen, na mamvɛ mangua. Na sɛ ɔba kyɛ bɛhwie me kyɛ nzãa afɔleɛ bɛgua ɛmɔ afɔleɛ, ne ɔsom adwuma bɔ ɛmɔ gyidie ti ɛmɔyɛ naso a, ɔyɛ me fɛ, na mene ɛmɔ mukoraati di ahurusi. Yeti, ɛmɔ koso, ɛmɔma ɛmɔ nye gye, na ɛmɔ ne me li ahurusi.
Me nye la so wɔ Awurade Yesu nu kyɛ, ɔngɔhyɛ ngɔsoma Timoteo ngɔwa ɛmɔ berɛ, na sɛ ɔmaa mete ɛmɔ nga a, m’ahone kɔtɔ me kunu. Nnne ebiala bɔ ɔkofia ye kunu koli ɛmɔ haw nwo dwumaa te kyɛ ye ɔ. Bɛ ngaa ne de, bɛ ngome bɛ nwo yeɛ bɛdwene ɔ, bɛndwene Yesu Kristo adwene. Kyɛbɔ ɛmɔse ne, Timoteo de, ɔne me yɛle adwuma te kyɛ akwalaa ne ye baba maa yɛtrɛle nzɛmba nanu. Me nye la so kyɛ, sɛ menya menwu bɔ ɔkɔ ala pɛ, ngɔsoma ye. Na nne gyidie wɔ Awurade nu kyɛ, me bɔbɔ ngɔwa dɔ.
Nakoso, kesaalae de, menwu ye kyɛ odikyɛ mesoma Epafrodito meba ɛmɔ berɛ. Ɔte nniema bɔ mene ye yɛ adwuma, ná wayɛ kyɛ me mmango sogyaniɛ; matu ye kyɛ ɔɔso ɛmɔ. Wafe ɛmɔ paa; na ɔha ye kyɛ ɛmɔtele kyɛ ne wafokyɛ ɔ. Né wafokyɛ paa, ahaa owu, nakoso Nyameɛ nwuni ye anwunvo, nná ye ngome, me koso onwuni me anwunvo, na wamma me wora ammɔ soma. Yeti mesoma ye ndɛ meba ɛmɔ berɛ, na sɛ ɛmɔnwu ye bieku a, ɛmɔ nye kɔgye, na m’adwene-dwene so ate. Yeti, ɛmɔfa anigye bɛle ye kama wɔ Awurade nu, na ɛmɔfa nidie bɛma mmenia bɔ bɛte sɔ ne, ofikyɛ Kristo adwuma nati, ɔhale dɛ́, ahaa owu, na ɔfale ye ngoa tole asane nu sili ɛmɔ gya nu sone me, ofikyɛ ne ɛmɔnne wa.
Ɛmɔnea kyɛ ebiala ngɔfa bɔne ngotua ye mmango bɔne so kerɛ, mmom ebiala yɛ bɔ ɔte pa ma ye mmango ne mmenia bɔ baha namukoraati.