11 Malya win eera hadꞌaayeeti kwirsi gaal kehii iisitꞌeeb rhan. Tuubuutwa taabreewwa bariiyooh suuriisii ifoorna laakiin mhiin miraat kiikeen. 12 Aree yꞌaab, idadiswa iwawinwa tehadꞌaayeeti kwirsi suurii gadee rhan. Aree nagal kitab rhan. Kitaab weer nagaalu, aree baruuh umidhhani kitaab ikati. Uudehay yꞌaya gaalka toona tidꞌiyaab iiktiineet dehaay haakamamiyaan, uktaabiib kataab ishagaayoohna imriin. 13 Uubhar oodehay yꞌayaab yhooy iifiin asti igid. Tuuyatwa yꞌayaaneet duniyaawwa han oodehay yꞌayaab yhooy iifiin asti igidna. Aree gaalka toona tidꞌiyaab iiktiineet dehaay haakamamiyaan. 14 Malya tuuyatwa yꞌayaaneet duniyaawwa toonꞌeeti hoodhiib itoogaadna. Uun tunꞌeeti hoodh tooyat tumalya ikati. 15 Uusmuuh umidhhani kitaabiib maraay biikaayeebka, toonꞌeeti hoodhiib itoogaad.

12 Baruuh "Shibiba, ani willa yꞌi andi, oodehay gaalka gwababeeh aniiwi jillaay umiyaawu geebu haay yꞌi andi.

12 Baruuh "Shibiba, ani willa yꞌi andi, oodehay gaalka gwababeeh aniiwi jillaay umiyaawu geebu haay yꞌi andi. 13 Ani Alfaawwa Oomeegaawwa, ani whankaaneewwa wꞌagiyaawwa, ibadootiiwwa imingidwa akati." idi.

31 Baruuh oodehay wꞌadlii haakamiiniyeet yint gaat waasiya. Beet toona aree tak dehaay waasiya. Wꞌankwana barooh tuyatii yakisiyaayt beet toona kasseeh oodehay rhisiya." idi Baawloos.

36 Laakiin ani andi hookna: uudehay yꞌamag bhali hadiidaab ikatiineeb kasseeh whukwimiit tooyin dehaay haasabami iyadna. 37 Baraak ibhaliiyeesookna shibootikina iikti tiyadna, ibhaliiyeesookna aree hukwimami iikti tiyadna." idi.

31 Wꞌaadami Oor umatuuniisooh yꞌiiniyihoob, imalak kassaah geeb yꞌeen. Baruuh tibreeti matuuniib tehadꞌaayeetiyooh iistꞌa indi. 32 Uudehay kassaah bariiyooh suurii itdibil iyadna. Ushakwa tꞌanu tiyaatee wawaasiiniib tꞌiiteena, baruuh han oodehay gaal uraawiika wawaasi indi. 33 Baruuh tꞌanu umaygwadiyooh daasi indi, aree teeya utarhagwadiyooh daasi indi.

31 Wꞌaadami Oor umatuuniisooh yꞌiiniyihoob, imalak kassaah geeb yꞌeen. Baruuh tibreeti matuuniib tehadꞌaayeetiyooh iistꞌa indi. 32 Uudehay kassaah bariiyooh suurii itdibil iyadna. Ushakwa tꞌanu tiyaatee wawaasiiniib tꞌiiteena, baruuh han oodehay gaal uraawiika wawaasi indi. 33 Baruuh tꞌanu umaygwadiyooh daasi indi, aree teeya utarhagwadiyooh daasi indi.

34 Malya whadꞌa bariiyooh umaygwadiib eefeen baliinee dehaay, ‘Mꞌaana, aniib Ubaaba baarakaab ikatiyeeb baliin, tikwasaateekna ahaana. Tuduniya akhligamtaneekka tehadꞌaayi dehookna amaarti. 35 Ani aharagw, aree baraak tamiyeet mꞌari tehiinaheeb, ani aywi, aree baraak naat yam gwꞌastaanaheeb. Ani girbaab iikti, aree baraak tehooyteekna shuumsitaanaheeb. 36 Ani halakaab ashinha, aree baraak tistookwnaheeb, ani lhan, aree baraak timshabaabnaheeb. Ani sijniib iifi, aree baraak usijniib eetaanaheeb.’ indi.

37 Malya uudehay aashbu bariiyooh dehaay igwaab iyadna, ‘Wꞌankwanaay, hinin barook naadoor hargwaa rhinaayt hook tamisna hook? Tari baruuk yam yaweeb akay nhoob gwꞌasna hook? 38 Hinin barook naadoor girbaab akay tehooyteen shuumisna hook? Tari halakaab shinhaa nhoob nistookw hook? 39 Nhoob barook lhaa rhina hook? Tari nhoob aree usijneeb rhinaayt hook malya eena hook?’ iyadna.

40 Whadꞌa bareeyooh dehaay igwaab indi, ‘Ani oosdik andi hookna: een isanaayi idabalooyaayeeb gaalnaay dehaay naat tidꞌaneek, anii dehaay han dꞌiyaabaana.’ indi.

41 Malya baruuh een bariiyooh utarhagwadiib eefeen baliinee dehaay, ‘Hoosu sigiina, baraak atooꞌitaabaana, oobliiswa imalakeeyoohwa dehaay atoomraat toonꞌi tudaayim shuumaana. 42 Ani aharagw, aree baraak mꞌariit naat han tamsaayi kitteena. Ani aywi, aree baraak yam naat han gwꞌasaayi kitteena. 43 Ani girbaa iifi, aree baraak tehooyteekna shuumsaayi kitteena. Ani halakaab ashinha, baraak halakaab sitookwaayi kitteena. Ani lhaa iifi, aree sijniib iifi, aree baraak amshabbaayi kitteena.’ indi.

44 Baraah han bariiyooh dehaay igwaab iyadna, ‘Wꞌankwanaay, hinin nhoob barook hargwaa tari yawee rhina hook? Tari baruuk halakaab shinhaa tari lhaa, tari sijniib haayee, nhoob rhinaayt hook amshabbaayeek kinki?’ iyadna.

45 Baruuh han ‘Ani oosdik andi hookna, een bareeh idabalooya gaalnaay dehaay han dꞌiyaab bitkaayneet toona, anii dehaay han kitdꞌiina.’ indi.

46 Malya baraah ujasa udaayim iibi iyadna, laakiin uudehay aashbu umidhhan udaayim iibi iyadna." idi Yasuuꞌa.

16 Ukwaasana tuduniya winneet areeyiini akay Gaalꞌoorooh yhii. Aflaay barooh aamaniiniibka iiyyi kiidi, laakiin daayim midhhan imaar indi.

16 Ukwaasana tuduniya winneet areeyiini akay Gaalꞌoorooh yhii. Aflaay barooh aamaniiniibka iiyyi kiidi, laakiin daayim midhhan imaar indi. 17 Ukwaasana Wꞌoorooh tuduniyaati kehii gaadiib iiktiyi jillaay diigwataab kiiki. Laakiin bariiyooh geebii tuduniya ishidhhiini jillaay diigwataabi. 18 Baliin Wꞌoor aamaneen hukwmami kiidiin. Laakiin baliin barooh aamanaab baakay suur akay hukwmamaaba. Usababu aree, baraah Ukwaasanaay Gaalꞌoor aamanaab kiikeen. 19 Whukwim aree bak daayiini: Uunuur tuduniya eeya, uudehay laakiin igwababaahna amagayt, unuuriika oothibin areeyaan.

7 Laakiin oosdik andi hookna: ani giiganiyeet tuuna dehookna hanyiis. Ani baagiigayeek, ishamaamiiga yꞌi hookna kiidi. Laakiin ani giiganiyeek, malya barooh dehookna diigwati andi. 8 Aashuuk yꞌeenihoob, tuduniyaati dehay danuub ibariineet toona sooyi iyadna. Masi tooshbu sooyi iyadna, Ukwaasanaay hukwim han sooyi iyadna. 9 Baraah aneeb aamanaab kiikeenayt, maagnaayt sakeena, 10 ani Ubaaba iibi andi, aree baraak shaawti rhiheeb kitdiinayt, baraah Ukwaasanaay wꞌadliib shhagwaaba, 11 aree oon tuduniyaati haakim suur akay haakamamaabuuyt, baraah whukwimiib shhagwaaba.

16 Aflaay hinin Ukwaasana dehoon ibariyeeb ureerii dehaay adehamnayeet toona nikteen.

Ukwaasana reeru, aree ureeriib kwanriibka Ukwaasanaay han kwanri. Ukwaasana han bariiyooh kwanri. 17 Oontꞌaaneet, uureer ibitkeen timmiimiya, aflaay whukwimiit tooyin akra ginꞌiib nikati. Toon tuduniyaatiib hinin barooh tꞌiiteeb nikatiyi sabbii tikati. 18 Ureeriib mirkwaay kiihaay. Imirkwaay ujasaay geeb sakiini laakiin uureer usidki imirkwaay mhaliini. Uutak urankwiib ooreeriib timmiimaab kiiki.

10 Kassaan Umasiihiib ugaadi kwirsi suurii ibakii lawnayeet toonaati. Aree gaalka ugarooy tehooyteeb iifiyihoob idꞌiyeet teena tibaruuh astehaliiniyeet imaar indi, maagt tikatiyeek tari daayiinaayt gaalka toona tꞌastehaliiniyeet imaar indi.

16 Tuun tuuna aree Ukwaasana uudehay kwibsaab ikatiineet teena Yasuuꞌaab Umasiihi geebii haakami indiyeeb oombꞌi iikti tindi. Aniib Usakana Udaayi sooyiiniyeet toonaatiit iikti tindi.

27 Wꞌaadami gaalhoob ibakii iyaayi, aree beenaay harꞌii haakamamiini. 28 Umasiih han gwida dehayiit maagnaay gaalhoob giigsiiniyi jillaay karaamaat iki. Baruuh malya door lawi indi, maagnaayt haay giigsiiniyee dehaay kiiki. Laakiin baliib barooh yhagit midhhan dehaay haay yꞌiiniyi jillaay lawi indi.

37 Uuktaab indi,

"Oontꞌa shalikt middaatiib, been uyꞌiiniib yꞌi indi aree iidleel kiidi.

38 Laakiin aniib uushbu uungaal, wꞌiimaanii iidhhan indi.

Aree bareeh gaal han hooy itꞌagiireek,

ani bariiyooh geeb afirhi kaadi." indi.

39 Laakiin hinin agartiit kwidheen dehay kinki, laakiin aamaniit eedhhaniin nikati.

6 Aaraw diweena, laakiin hinin bꞌartiit dagwagw nikatiyeet toonaati. 7 Uudehay idiween, whawaad diweena, aree baliin yꞌaskireen, whawaad askireen. 8 Laakiin hinin oombꞌii dehay nikati. Aflaay hinin ibakii igarooyeen kaleewnayeet toonaatu, wꞌiimaanuunwa ureeruunwa ootak ugadhꞌamaab tꞌiiteeb ikatiineet toonaatu, aree umidhhani sꞌaya tukoofiyaaytiit daasnayeet toonaati. 9 Ukwaasana hini jasaati kiihariw, laakiin Wꞌankwanaayoon Yasuuꞌaab Umasiihi geebii hinin ishidhhiineet toona harriiw.