O juízo final
O juízo final é a conclusão da história humana. Todos os seres humanos comparecerão diante do trono de Deus para o julgamento eterno — os salvos para a vida, os ímpios para a condenação.
O grande trono branco
Vi um grande trono branco e os mortos diante de Deus. Os livros foram abertos e cada um foi julgado segundo as suas obras.
फिरी मीं अक बड्डो छ़ितो तखत ते ज़ै तैस पुड़ बिशोरो थियो लाव, ज़ेसेरे सामनेरां धरती ते अम्बर नश्शू, ते तैन केरे लेई ठार न मैल्ही। फिरी मीं निकड़े बडे ज़ैना मर्रे थिये तखतेरे सामने खड़े लाहे, ते किताबां खोल्ली जेई; ते फिरी अक होरि किताब खोल्ली; मतलब ज़िन्दगरी किताब खोल्ली; ते ज़ेन्च़रे तैन किताबन मां लिखोरू थियूं, तैन केरे कम्मां केरे मुताबिक मुड़दां केरो न्याय कियो। ते समुन्दरे तैना मर्रे मैन्हु दित्ते ज़ैना तैस मां थिये, ते मौतां ते पाताले ज़ैना तैस मां मर्रे थिये दित्ते; ते तैन मरां हर एक्केरो तैन केरे कम्मां केरे मुताबिक न्याय कियो। ते मौत ते पाताल भी अग्गरे समुन्दरे मां शारू, ई अग्गरो समुन्दरे त दूइयोवं मौते। ते ज़ेसेरू भी नवं ज़िन्दगरे किताबी मां लिखोरू न मैल्हू, तै अग्गरे समुन्दरे मां शारो जेव।
फिरी प्रभु यीशुए ज़ोवं, "अवं जल्दी एज्जेलो। अवं एज्जी राहोरोईं ज़ैन लोकेईं कियूं तैसेरे मुताबिक इनाम देनेरे लेई या सज़ाह देनेरे लेई।
फिरी प्रभु यीशुए ज़ोवं, "अवं जल्दी एज्जेलो। अवं एज्जी राहोरोईं ज़ैन लोकेईं कियूं तैसेरे मुताबिक इनाम देनेरे लेई या सज़ाह देनेरे लेई। ‘अवं अलफा ते ओमेगाई, पेइलो ते आखरी, शुरुआत ते अन्त आई।’
"मीं हेरते-हेरते आखरी मां कुन हेरू, कि तखत रख्खे जे, ते कोई बड़ो पुरानो बुज़ुर्ग तैस पुड़ बिश्शो; तैसेरां लिगड़ां हिंवेरां ज़ेरां सुफेद छ़ित्तां थियां, ते तैसेरे दोग्गेरे बाल खालिस उन्नरा ज़ेरे थिये, तैसेरो तखत अग्गरो ज़ेरो ते तैसेरे पेइहे भेखोरी अग्गरे ज़ेरे लेइहोते थिये।
"मीं हेरते-हेरते आखरी मां कुन हेरू, कि तखत रख्खे जे, ते कोई बड़ो पुरानो बुज़ुर्ग तैस पुड़ बिश्शो; तैसेरां लिगड़ां हिंवेरां ज़ेरां सुफेद छ़ित्तां थियां, ते तैसेरे दोग्गेरे बाल खालिस उन्नरा ज़ेरे थिये, तैसेरो तखत अग्गरो ज़ेरो ते तैसेरे पेइहे भेखोरी अग्गरे ज़ेरे लेइहोते थिये। तैस बुज़ूर्गेरे सामनेरां अग्गरो दरिया बगतो थियो; फिरी हज़ारां केरि तैधाती मां लोक तैसेरी सेवा केरि राहोरे थिये। ते लखेइं लोक तैसेरे सामने हाज़र थिये; फिरी न्यायी भी बिश्शी जे, ते किताबां खोल्ली जेई।
ते ज़ैना ज़मीनी मां दबोरेन तैन मरां बड़े लोक ज़ींते भोल्हे, बड़े लोक हमेशारी ज़िन्दगरे लेई, ते बड़े एपनी बदनैमरे लेई ते बड़े भिट्टे ठहरनेरे लेई। तैखन अक्लमन्दा केरि चमक अम्बरेरी ज़ेरि भोल्ही, ते ज़ैना बड़े लोकन धर्मी बनातन, तैना तारां केरे ज़ेरे लौ देते राले।
Preparação para o juízo
Deus estabeleceu um dia para julgar o mundo com justiça. Arrependei-vos, porque o juízo se aproxima e cada palavra será pesada.
किजोकि तैनी अक दिहाड़ी ठुवालेवरीए ज़ैखन तै सच़्च़े सेइं दुनियारो न्याय एक्की एरे मैन्हेरे ज़िरिये सेइं केरेलो, ज़ै तैनी रखोरोए, ते तै तैनी मुड़दन मरां ज़ींतो केरतां ऐह गल सैरी मैन्हन साबत कियोरीए।"
अवं तुसन सेइं ज़ोतां, कि ज़ैना-ज़ैना बेकार गल्लां मैन्हु ज़ोले, न्यायेरे दिहाड़े लोकन अपनि हर एक्की तैस गल्लरो हिसाब देनो भोल्हो। किजोकि तू अपने गल्लेईं सेइं धर्मी ते अपने गल्लेईं सेइं दोषी भोल्हो।"
ज़ैखन मैन्हेरू मट्ठू यानी अवं, अपने महिमा मां अपने स्वर्गदूतन सेइं साथी एज्जेलो त अपने महिमारे तखते पुड़ बिशतां लोकन पुड़ राज़ केरेलो। सैरी कौमां मीं कां अकोट्ठी भोल्ही, ते धर्मी लोक बुरे लोकन करां अलग किये गानेन, ज़ेन्च़रे पुहाल भैड्डन, छ़ेल्लन मरां अलग केरते। ते अवं धर्मी लोकन सेइं ज़ैना मेरे देइने पासे भोल्हे, ते बुरे लोकन ज़ैना मेरे बांए पासे भोल्हे।
ज़ैखन मैन्हेरू मट्ठू यानी अवं, अपने महिमा मां अपने स्वर्गदूतन सेइं साथी एज्जेलो त अपने महिमारे तखते पुड़ बिशतां लोकन पुड़ राज़ केरेलो। सैरी कौमां मीं कां अकोट्ठी भोल्ही, ते धर्मी लोक बुरे लोकन करां अलग किये गानेन, ज़ेन्च़रे पुहाल भैड्डन, छ़ेल्लन मरां अलग केरते। ते अवं धर्मी लोकन सेइं ज़ैना मेरे देइने पासे भोल्हे, ते बुरे लोकन ज़ैना मेरे बांए पासे भोल्हे। तैखन राज़ो यानी अवं अपने देइने पासेरे लोकन सेइं ज़ोलो, "एज्जा मेरे बाजेरे धन लोकव इन राज़, ज़ैन दुनियारे शुरू मां तुश्शे लेई तियार कियोरूए। किजोकि अवं नियन्नो थियो, ते तुसेईं मीं रोट्टी खुवाई, अवं ट्लिशोरो थियो, ते तुसेईं मीं पानी पियांव अवं परदेशी थियो, ते तुसेईं अवं अपने घरे मां कुजव। अवं नग्गो थियो, ते तुसेईं मीं लिगड़ां दित्तां, ते अवं बिमार थियो, ते तुसेईं मेरी हेरगेश की अवं कैद थियो, ते तुस मीं मिलने आए।"
तैखन तैना धर्मी मैन्हन ज़ोलो, "हे प्रभु असेईं कैखन तू नियन्नो लाव, ते असेईं तीं रोट्टी खुवाई या तू ट्लिशोरो थियो, ते असेईं तीं पानी पियांव।" असेईं कैखन परदेशी सेमझ़तां तू अपने घरे मां रख्खो, या तू नग्गो थियो, ते असेईं तीं लिगड़ां दित्तां? ते अस कताली तीं बिमार या कैद लेइतां तीं सेइं मिलने आए? तैखन राज़ो यानी अवं जुवाब देलो, "कि अवं तुसन सेइं सच़ ज़ोताईं कि ज़ैखन तुसेईं इन लोकन सेइं ज़ैनेईं मीं पुड़ विश्वास कियो एक्की सेइं भी एरो बर्ताव कियो त एन बुझ़ा कि एन तुसेईं मीं सेइं कियूं।"
तैखन तै बांए पासे बालन सेइं ज़ोलो, "हे लानती लोकव मेरे तुत्तरे अगरां तैस हमेशारी बैलती अग्गी मांजो गाथ, ज़ै परमेशरे, शैतान त कने शैतानेरे दूतां केरे लेई तियार कियोरीए। एल्हेरेलेइ ज़ैखन अवं नियन्नो थियो, ते तुसेईं मीं रोट्टी न खुवाई अवं ट्लिशोरो थियो, ते तुसेईं मीं पानी न पियांव। अवं परदेशी थियो, ते तुसेईं अवं अपने घरे मां न रख्खो, अवं नग्गो थियो, ते तुसेईं मीं लिगड़ां न दित्तां, ते अवं बिमार ते कैद थियो, ते तुस मीं सेइं मिलने न आए।"
तैखन तैना लोक भी ज़ोले, "हे प्रभु असेईं कताली तू नियन्नो या ते ट्लिशोरो या परदेशी ते नग्गो या बिमार या कैद लाव ते असेईं तेरी सेवा न की?" तैखन अवं अपने बांए पासेरे लोकन जुवाब देलो, "अवं तुसन सेइं सच़ ज़ोताईं कि ज़ैखन तुसेईं मेरे इन निकड़े करां निकड़े लोकन पुड़ ज़ैना मीं पुड़ विश्वास केरतन एक्की सेइं भी एरो ज़ेरो बर्ताव कियो त एन बुझ़ा कि एन मीएं सेइं कियूं। एल्हेरेलेइ एन लोकन हमेशारे लेई सज़ाह भोल्ही, पन धर्मी लोकन हमेशारी ज़िन्दगी मैल्हेली।"
किजोकि परमेशर सेभी कम्मां ते सेभी छ़ेपोरी गल्लां केरो, चाए तैना भली या बुरी भोन तैन केरो न्याय केरेलो।
मीं अपने मने मां ज़ोवं, "परमेशर धेर्मेरो ते दुष्टेरो न्याय केरेलो," किजोकि तैसेरे तैड़ी एक्की-एक्की गल्लरे बारे मां ते एक्की-एक्की कम्मेरो वक्ते।
"प्रभु यहोवा एन ज़ोते, हे इस्राएलेरे घराना, अवं तुसन मरां हर एक्की मैन्हेरो न्याय तैसेरे कम्मां केरे मुताबिक केरेलो। पसताथ, ते अपने सब पाप शारा, फिरी तुश्शो अधर्म तुश्शी ठोकरारी वजाह न बनेली। अपने सब पाप ज़ैना तुसेईं कियोरेन, तैना दूर केरा, अपनि आत्मा ते अपनो मन बदला! हे इस्राएलेरे घराना, तुसां किजो मरथ? किजोकि, प्रभु यहोवा एन ज़ोते, ज़ै मरे, तैसेरे मरने सेइं अवं खुशी न भोईं, एल्हेरेलेइ पसताथ, तैखन तुस ज़ींते राले।"
Segurança em Cristo
Quem crê no Filho tem a vida eterna e não entra em juízo. O amor de Deus é nosso refúgio diante do juízo vindouro.
"किजोकि परमेशरे दुनियारे लोकन सेइं एत्रो प्यार कियो कि तैनी अपनु एकलौतू मट्ठू दित्तू, ताके ज़ै कोई तैस पुड़ विश्वास केरे, तै नाश न भोए, बल्के हमेशारी ज़िन्दगी हासिल केरे।
"किजोकि परमेशरे दुनियारे लोकन सेइं एत्रो प्यार कियो कि तैनी अपनु एकलौतू मट्ठू दित्तू, ताके ज़ै कोई तैस पुड़ विश्वास केरे, तै नाश न भोए, बल्के हमेशारी ज़िन्दगी हासिल केरे। किजोकि परमेशरे अपनु मट्ठू दुनियाई मां एल्हेरेलेइ नईं भेज़ोरू कि तै दुनियारे लोकन (तैन केरे पापां केरि) सज़ाह दे, बल्के एल्हेरेलेइ कि दुनियारे लोक तैसेरे ज़िरिये सेइं (पापां केरि सज़ाही करां) मुक्ति हासिल केरन। ज़ै तैस पुड़ विश्वास केरते, तैस सज़ाह न मैल्हे। पन ज़ै मट्ठे पुड़ विश्वास न केरे, तै पेइलोए दोषी भोइ जेवरोए, किजोकि तैनी परमेशरेरे एकलौते मट्ठेरे नंव्वे पुड़ विश्वास नईं कियोरो। परमेशर, लोकन सज़ाह देनेरी वजा ई आहे कि ज़ैस जो लौ ज़ोतन तै दुनियाई मां एवरीए, परमेशरे अपनि लौ दुनियाई मां भेज़ी, पन लोक ते कने तैन केरां कम्मां बुरां थियां, एल्हेरेलेइ तैनेईं तैस लौई करां जादे पापेरू आंधरू पसंद कियूं।
फिरी भी अवं तुसन सेइं सच़ ज़ोताईं कि मेरू इट्ठां गानू तुश्शे लेई फैइदोए, अगर अवं न गेइलो त तै मद्दतगार तुसन कां नईं एजनो, पन अवं च़लो जेव त तैस अवं तुसन कां भेज़ी देलो। ते ज़ैखन तै एज्जेलो त दुनियाई पाप ते धार्मिकता ते न्यायेरे बारे मां सब किछ बांदू केरेलो। पापेरे बारे मां एल्हेरेलेइ कि दुनियां मीं पुड़ विश्वास न कियो, धार्मिकतारे बारे मां एल्हेरेलेइ कि अवं वापस बाजी कां च़लोरोईं ते तुसेईं अवं फिरी नईं लहनो, न्यायेरे बारे मां एल्हेरेलेइ कि, शैतान ज़ै दुनियाई पुड़ राज़ केरनेबालो मुर्ज़म बनोरोए।"
ते ज़ै प्यार परमेशर असन सेइं केरते, तै असेईं ज़ानो, ते असन तैस पुड़ विश्वासे, परमेशर प्यारे, ज़ै प्यारे मां बनोरो रहते, ते परमेशर तैस मां बनोरो रहते। इस सेइं प्यार असन मां सिद्ध भोव, कि असन न्यायेरे दिहैड़ी दिलेरी भोए, किजोकि ज़ेरो तै आहे, तेरे अस भी दुनिया मां अहम। प्यारे मां डर न भोए, बल्के सिद्ध प्यार डरे दूर केरते, किजोकि डरेरो रिश्तो सज़ाही सेइं भोते, ते ज़ै डरते, तै प्यार मां सिद्ध नईं।
किजोकि ज़रूरीए, कि इश्शो सेब्भी केरो हाल मसीहेरे आदालतरे तखतेरे सामने खुल्ले, कि हर कोन्ची मैन्हु अपने रोड़ां बुरां कम्मां केरो बदलो मैल्हे ज़ैना तैने जिसमे सेइं कियोरन।
एरू तेइस भोल्हु ज़ेइस परमेशर ज़ै खुशखबरी मीं शुनेवरीए तैसेरे मुताबिक यीशु मसीहेरे ज़िरिये मैन्हु केरि छ़ेपोरी गल्लां केरो न्याय केरेलो।
ते ज़ेन्च़रे सेइं मैन्हेरू मरनू ते एक्की बार न्यायेरू भोनू पक्कुए। तेन्च़रे सेइं मसीहे भी बड़े लोकां केरे पाप सैल्तां गानेरे लेई एक्की बार बलिदान भोव, ते दुबारां पापां केरू बलिदान देनेरे लेई नईं, बल्के तैन मुक्ति देनेरे लेई एज्जेलो, ज़ैना तैसेरे इंतज़ारे मां आन।
किजोकि ज़ेन्च़रे पवित्रशास्त्रे मां लिखेरूए,
"हुनी थोड़ू च़िर बाकीए,
कि एजनेबालो एज्जेलो ते च़िर न लाहेलो।
पन मेरे धर्मी लोक मीं पुड़ विश्वासे रखने सेइं ज़ींते राले,
अगर तैना मीं पुड़ विश्वास केरने करां पत्रोवं हटन त मेरो दिल तैन पुड़ खुशी न भोल्हो।"
पन अस हटने बाले नईं, कि परमेशरे पुड़ विश्वास केरने करां पत्रोवं हटम ते नाश भोम, बल्के अस विश्वास केरनेबाले आम, ताके इश्शे प्राण बच़ाए गान।
एल्हेरेलेइ अस होरि केरे ज़ेरे झ़ुलोरे न रहम, पन बींझ़े रहम ते हुशार रहम। किजोकि ज़ैना झ़ुलोरे रातन, तैना राती झ़ुलतन, ते ज़ैना नशे मां रातन, तैना राती नशे मां भोतन। पन अस त दीसेरेम, विश्वास ते प्यार लेइतां कि इश्शी हिफाज़त भोए ज़ेन्च़रे झिलम सिपेहेरी हिफाज़त केरतीए, ते मुक्तरे उमीद लेइतां ज़ेन्च़रे सिपाही टोप लाते, खबरदार रहम। किजोकि परमेशरे अस सज़ाहरे ते क्रोधेरे लेई नईं, पन एल्हेरेलेइ च़ुनोरेम कि अस अपने प्रभु यीशु मसीहेरे ज़िरिये सेइं मुक्ति हासिल केरम।
इन यहोवारे सामने भोए, किजोकि तै एजनेबालोए।
तै धेरतरो न्याय केरनेबालोए, तै धार्मिकता सेइं दुनियारो
ते सच़्च़ाई सेइं मुल्खां-मुल्खां केरे लोकां केरो न्याय केरेलो।