Juízo
O juízo de Deus é manifestação de sua justiça e soberania. Ele julga o mundo, julga as nações e julga cada coração com perfeita equidade e misericórdia.
O juízo de Deus
Deus é juiz justo que prova os corações. Seu juízo é verdadeiro e alcança toda obra, secreta ou pública.
Byoni Ada ya ya awase ni gekwu ni ba nyiso amiri ni kweyi ba gbo olayi ni, mamani Oyi ya da awase ni nyya yimu ni olayi. Ada abiyinu kwashishe epwo lo, oke yoshu ko kwepwo yi do Oyi nu, shini kpiri kase na mo gyiyi byoni aba ma Ada nu gyiyi ni. Ase ni mo Oyi gyiyi lo oya ma Ada ni toleho ni ya gyiyi lo.
Nyya ka dala okwokwoshi, kpiri kase ni pwela hin kweyi okyogwu kpase ni tumoleho ni oya gbo olayi ko gbogbo-gbogbo kweyi aba kwepwo lo, osheyi kikwu gipu ko olayi. Nyya ka dala okwokwoshi, ishi yawa ba kweyi okwobonu wa wa ni ase ni gekwu ba pwoko ko Oyi ko Owuso, kweyi awase ni pwoko nu aba pyo olayi. Byoni Ada gbo olayi ipu nu ni, oyo Oyi gbo olayi ipu nu mamani. Oki danoshu ko kepwo koni owo Oyi ka Asuse ni.
Igbashi naka kwala ikweyi koza mani lo, koni ishi yawa ba ni kpiri kawase ni ba amiri wa ni ba pwoko nu kweyi awase ni yoza neshi ba nyiso kweyi ba gbo olayi, kweyi awase ni yobibi aba kwuwepwo. Ami gboshu ko yojije abiyun lo, nyya kepwo byoni Owuso ka dami ni la, epwo koka hin wa kokwokwoshi, koni nyya tikpo ko yoza ni shumotu ni la lo, ke wako shase ni tumoleho ni otu ni la.
Owoni nyyo olobene ikweyi kiyun, olobene hin wo kwokwoshi lalo.
Nke ya kadala okwokwoshi, ogoga hin ya shoshi dala. Owoni ngga lalo, ino talabo ya webe kala lo, owoni nke ga, nyya toleho webe kala. Ishini owa, oya wa kwese epwo ikweyi kozalabi kpo oza neshi, kpepwo koka ko Owuso: ikweyi kozalabi, koni asuse totu sun lo ni,
Oyesu kamo, <<Oko mani kela ikweyi koneshi kala la, kaka hin lalo. Ishi mani wishi ko kepwo kese mani, anani aba nose kese mani enya. Kweyi ami, ishi ni angmami bwamiri, nyya pyase kpiri webe hin.>>
Ebeni ongo oni kamo, <<Adole, nkyogwu,>> Kweyi ogeyagye danu.
Oyesu kamo, <<Nwwese mani kowa kepwo la, nwwa shini ofiyi na mebe kweyi ase ni ba mebe ni na pwiyi.>>
Prestando contas
Cada um prestará contas de si mesmo a Deus. O juízo começa pela casa de Deus e depois alcança os que não obedecem ao evangelho.
kyogwu kpawase ni otuse wa loshu lo ni, wa koni aya kepwo ikweyi kela ni ashoko ni lalo. Otuse kashe kyogwu danu ko hoza kpiri, ashe ke, otuse nu loshu lo, oya ho epwu kin la Ase ni ya hoza kpiri ni naka tase ni yaha lo ni nye lo, ase ni ke ya hoza kpiri lo naka kwase ni yahoza kpiri ni epwo lo, ikweyi koni Owuso kyogwu kpanu. Owanoho ko kepwo ikweyi koshe kashe? Adole nu pini gboshu ko yo hagye kwo ona gbo la. Oke ya hagye, Ikweyi koni Adole agege koyo hagye.
Mani oni ananoho ya koza ni oya ni do Owuso.
Mani oni, ala ka kwiyikala epwo lo. Abishi koni ala takirikwu shini ala ka wikyikpo ko shikawu kwe oza ni ya yase shishini kwikye itikpi ni lo. Byase oye ni yo dudu kya Adole Oyesu ni, Omanu gye kwokwoshi mo, ona oyoye wosere abi yimu lo. Owoni ashe zoje winyi, ebe nu owinyi.
Ishi ko kepwo yawa, aba kwotu kepwo koka kpawase ko Owuso ikyikyo. Owoni akwotu kpaha, okweyi nu ya lemoji da awase ni kyogwu kpo Oshu Neshi ko Owuso ni?
Mani oni, ala ka kwashishe epwo ome ishi na ya lo. Gwejeji epwo koka wotiri ko gbishi ka Adole na wa ome. Oya byojoji ni ayi teba ebe dibu ni webe yoyu kweyi ya yela kotu kasuse tese. Ishi oni ananoho ya nyiye shosha nu ebe ko Owuso.
Byoni ala ba kwase epwo ni, mamani pini Owuso ya kwala epwo la, owe ni ala bwu ome ala kwase epwo ni, owe ni pini Owuso ya bwu ya kwala epwo la.
<<Ojiya ni oya mikpo kikyashi iyi ko yene wo, kweyi osho ogbulo ni yipu kiyi wo ni bita? Oya kado oyene wo moji, wa na yikpo kikyashi ni yipu kiyi wo ni ngma; ome awo ke gbo ogbulo yiyi wo?
Justiça e redenção
O juízo de Deus é também redenção. Ele livrou Israel do Egito com juízos e salva os arrependidos pela cruz de Cristo.
Itikpi ko omani, npwo oje byo oko kewa kasuse ipu ki iso ya kamo, <<Sho Owuso iye! Ongmongma, igyashi, kpo oshu wako Owuso ka! Epwo koka nu wokwokwoshi kpo otata! Oya gbaza ni yese bya kpe eba boba nu ni yi ngmo. Owuso gbo ogo agye ikweyi koni ongmo ayoleho nu ni.>> Aki sheha mo, <<Sho Owuso iye! Iwola bwi igbenu kola ni yo ogya nyakwu yola ni gi iso ko gbogbo-gbogbo!>>