Juízo
O juízo de Deus é manifestação de sua justiça e soberania. Ele julga o mundo, julga as nações e julga cada coração com perfeita equidade e misericórdia.
O juízo de Deus
Deus é juiz justo que prova os corações. Seu juízo é verdadeiro e alcança toda obra, secreta ou pública.
Ke ngwel wɛ, emfa ngemɔ̃ ki eseel Tal b’ákwi-ákwi, bvool asuul bɔ mwiĩ, emfa kiki Muaan aseel wu edzii ndɛ. Ndɔɔ yinkyɛ yɛn, Tal k’atsiil ndɔɔ a mbuul si ngɔmɔ̃ wɛ, kɛn a ndɛ owi otsiil b’ãndɔɔ bueel me Muaan. M’emfa okyɛ, bueel alweel Muaan, onge b’elweel bɔ Tal. Wɛn k’alweel Muaan wɛ, k’alweel Tal wu ayuɔɔl ndɛ hɛ̃ wɛ.»
«Taa-taa bam, mɛ̃ eyɛɛn byɛ wɛn, mbuul wu ayoo eyɛɛn e mɛ̃, wu alɔ okiool onse wu ayuɔɔl mɛ̃, oli y’elaã li ɔ̃bu nkal ɔ̃bu. Ndɛ k’àbɔɔ etumbu wɛ, kɛn a ndɛ ombal k’epfu, obwel k’elaã. Taa-taa bam, mɛ̃ eyɛɛn byɛ wɛn, lio èyeya, lɔ emeeya meba, lɛn b’ákwi-ákwi akieel ayoo nkii a Muaan a Nziã, b’akieel ayoo yɔ akieel akal y’elaã. Taa-taa bam, m’emfa kyɛn Tal oli y’elaã me ndyam, emfa kiki hɛ̃ ndɛ osi kwɛn Muaan akal y’elaã me ndyam. Ndɛ hɛ̃ owi ndɛ omfam b’atsiil ãndɔɔ ã baal, me ndɔɔ yi eli ndɛ Muaan a mbuul. Ebee okam me ndɔɔ oyɔ, ke ngwel wɛ lio èyeya lɛn bueel b’ali onse ãmpiɛɛn akieel ayoo nkii a ndɛ, bvool akieel apal: B’ási obvɛ akieel asiool me ndɔɔ elaã, b’ási obi akieel asiool me ndɔɔ etumbu. Mɛ̃ bam ke nkoo k’esa ndɔɔ si ngamɔ̃ me myam wɛ, Mɛ̃ etsiil ãndɔɔ m’emfa ki eyoo mɛ̃. Mɛ̃ etsiil ãndɔɔ m’emfa ki dzu. Ke ngwel wɛ, mɛ̃ k’esa b’edzii mɛ̃ wɛ, mɛ̃ esa b’edzii wu ayuɔɔl mɛ̃.»
«Okɛɛn mɛ̃ ndyam wu etsweel nzuru a mɛ̃ myam, ŋɛn ãyɛɛn ã mɛ̃ k’ãli mɔ̃-a-mɔ̃ wɛ.
Kɛn a mɛ̃, mɛ̃ eyɛɛn byɛ otaa-taa wɛn eli ye bvel me ndɔɔ a byɛ kwɛn mɛ̃ ndyam ngyi. Ke ngwel wɛ, okɛɛn mɛ̃ ke ngyɛn wɛ, Ntwel k’àya ola byɛ wɛ. Kɛn okɛɛn mɛ̃ ngyɛn, mɛ̃ èyuɔɔl byɛ ndɛ. Ŋ’ekieel eya ndɛ, ndɛ àsuo baal b’ɔ̃kiri kal-a-kal ndɔɔ yi etal obi, ndɔɔ yi etal okal dzu, ye ndɔɔ yi etal otsiil b’ãndɔɔ. Me b’otal obi, me ndɔɔ yɛn bɔ k’alɔ okiool onse mɛ̃ wɛ.
Yeso oyɛɛn ndiri: «Nkii oyɔ, ke me ndɔɔ a mɛ̃ eyɛɛn wɛ, yɔ me ndɔɔ a byɛ eyɛɛn. Meba ŋã, àwa ɔ̃kiri wu etumbu, bvool meba ŋã, àtyal mfam wu ɔ̃bi wu ɔ̃kiri wu onkwel-a-nzi. Mɛ̃, ŋ’akieel andɛɛl mɛ̃ ywel fa nsie, mɛ̃ ekieel edzuru baal bueel ola mɛ̃.»
Obobɔ, ndɛ oyɛɛn ndiri: «Mɛ̃ nkiool, Mfam.» Ndɛ bu abvi ãbuo ke nkwel a ndɛ.
Yeso olieel ndɛ ndiri: «Mɛ̃ ngyi onse ɔ̃kiri wu m’otiil o ndɔɔ ngamɔ̃: Baal bɛn k’amwɛn wɛ amwɛn, b’amwɛn akal ɛ̃nkwa-mviil!»
Prestando contas
Cada um prestará contas de si mesmo a Deus. O juízo começa pela casa de Deus e depois alcança os que não obedecem ao evangelho.
Eyɔɔ mbuul wɛn kɛn awam onse okiool wɛ, ebee ndɛ ofiɛɛn m’ɛ̃dzoo ɛ̃ ndɛ. M’emfa okyɛ, mbuul ngɔmɔ̃ okiool bam ndiri ndɛ okoo k’adza bvieel, wukyɛ wɛn kɛn awam wɛ adza kɛn ãsɔɔ. Yɔɔl kwɛn wu adza abee wɛn k’adza wɛ ofiɛɛn, wɛn k’adza wɛ abee hɛ̃ wu adza me mbyel obam, ke ngwel wɛ Nziã amaayɔɔ ndɛ. Yɛ ndyam nã li, kwɛn yɛ tsiil ndɔɔ a anga-ɔ̃sal? Ekal ndɛ okal tɛ, ekal ndɛ obvi, etal mfam a ndɛ. Ndɛ akal tɛ, ke ngwel wɛ Mfam oli ye waan li awuaal a ndɛ.
M’emfa okyɛ, ngɔmɔ̃-ngɔmɔ̃ onse bia-byɛ akieel ayɛɛn me ndɔɔ emfa ki edzuu ndyam ke nkwel a Nziã.
Obobɔ, bia-byɛ ebee bakyɛ me mbyel obam. Ekal y’ãyal kwɛn byɛ ebee ndɔɔ osa yi ebɛɛl nga-ndoo tsa me yɔ wuo yi ebal ndɛ. Mɛ̃ ngyɛɛ ngesɛ bvool nkiool bam ngwanywa me bvoo a mɛ̃ ye Mfam Yeso wɛn, eluɔ k’eli ye mbiin me kyam wɛ. Kɛn okɛɛn mbuul atsam ndiri, eluɔ eli ye mbiin, ŋɛn kyɛ eli ye mbiin me ndɔɔ a ndɛ.
Ke ngwel wɛ, lio li etsiil Nziã ãndɔɔ ã baal emeekoo, lɔ ebɛɛn me Nzɔ a Nziã. Okɛɛn abɛɛn me bia-byɛ, ke b’abee k’alweel Nsia yi Ngesɛ yi Nziã, kieel bwɛn ayesɛn?
Obobɔ, ebee ndɔɔ si ngamɔ̃ otsiil ye k’ekoo lio li éwɛɛ Mfam, ye k’eya ndɛ wu akieel apaal ãndɔɔ m’empeel ke mwiĩ. Ndɛ hɛ̃ akieel asuo ãtsam ã baal kal-a-kal. Obobɔ, mbuul bwɛn a mbuul akieel abɔɔ otuɛɛn o ndɛ b’ofa ola Nziã.
Ke ngwel wɛ, àtsiil ãndɔɔ ã byɛ onge b’ebetsiil byɛ mã bakyɛ, àmvɛɛl ãndɔɔ ã byɛ m’emvɛɛl li ebemvɛɛl byɛ mã bakyɛ. Ndɔɔ mã yi emwɛn yɛ efeel ki eli onse dziil e muaan-ngoo a yɛ, kɛn a yɛ k’amwɛn epaal ki ekwii ki eli onse dziil e yam wɛ? Emfa emã kyɛn yɛ koo k’ayɛɛn muaan-ngoo a yɛ wɛn: "Muaan-ngoo, sa mɛ̃ mbaal yɛ efeel ki eli onse dziil e yɛ", kwɛn ŋɛn yɛ li y’epaal ki ekwii onse dziil e yam?
Justiça e redenção
O juízo de Deus é também redenção. Ele livrou Israel do Egito com juízos e salva os arrependidos pela cruz de Cristo.
Ke mbee oŋɔ̃, mɛ̃ ngyoo nkii yɛn onge nkii yi embuul e baal ki bibi ke ywel. Bɔ ákeyɛɛn kokɔ bubu: «Aleluya! Obvuul, ye lweel, ye waan, eli bvi Nziã a bia-byɛ! Ke ngwel wɛ, ndɛ atsiil ãndɔɔ m’emfa ki taa-taa bvool ki edzu. Ndɛ owi nga-esio wu ɔ̃nɛn etumbu me ndɔɔ yɛn ndɛ ákebiil ɔ̃kiri m’esio e ndɛ. Ndɛ osi kwɛn ndɛ afuru obi o ndɛ b’ébam ndɛ asal a ndɛ.» Embuul elieel li nsa yuaal ndiri: «Aleluya! Yoo li esii ndɛ kal ekeyi ywel ɔ̃bu nkal ɔ̃bu!»