21 Handa vila Tati anguhindula wahovili na kuwapegha ukomu, hilahila na mweni Mwana anguwapegha ukomu wala anguwapala. 22 Tati angumtosa ng’ogha mundu yeyosi, ila kamghola Mwana awatosi wandu wogha. 23 Ili wandu wogha wapati kumtundamila Mwana handa vila wangumtundamila Tati. Yeyosi mweni kumtundamila ng’ogha Mwana, kanguwesa ng’ogha kumtundamila yula mweni kumlaghila.

24 "Ninguwalongela chakaka, yula angulihyoghanila lilando lya nenga, na kumkwinila yula aniyeghili nenga, hayu kana ukomu wa machuwa hyogha bila mwihu, atetoswa ng’ogha, kahubhuka kala kuhuma kukihu na kuyingila kuukomu wa machuwa hyogha bila mwihu." 25 Ninguwalongela chakaka, lipindi linguhika na kangi lihika kala, wala wabhaghulwa kutali na Sapanga wateyoghanila lilowi lya Mwana wa Sapanga, na weni kuhyoghanila, watelama machuwa hyogha bila mwihu. 26 Handa vila Tati kawela na makakala gha kuwapegha wandu ukomu, hilahila kamghola Mwana awapeghi wandu ukomu. 27 Kangi Sapanga kampegha Mwana ghaki makakala gha kutosa kwaikiva mweni ni Mwana wa Mundu. 28 Mkotoho kulikangasa kuhyoghanila hagha, kwaikiva lipindi linguhika wandu wogha wa mmambi wateliyoghanila lilowi lyaki. 29 Weni watehinduka na kuhuku kumamambi ghao wala weni kughola matendu maha na kulama, na wala wagholili uhakata watehinduka na kutoswa.

30 Yesu akayendelela kulonga, "Nenga ninguwesa ng’ogha kughola mghalu wowosi weka ghangu. Nenga ningutosa vila nihyoghanila kuhuma kwa Tati, na utoso wa nenga ni wa chakaka. Lukasini lwa nenga ng’ogha kughola nilipala mwenibaha, ila lila angulipala yula aniyeghili."

31 "Ikiva ninguilongela mweni, milando ninguilongela itewoneka ng’ogha yiwa ni gha chakaka."

7 Ila ninguwalongela uchakaka, ni mbaha nenga nihuki, kwaikiva handa nitehuka ng’ogha hayu mweni kuwatanga atehika ng’ogha, ila paniyenda nitemlaghila kwa mwenga. 8 Hayu pakahika atewalangiha wandu wa mlima wogha hau yiwa wangukosela kwa mighalu gha sambi, kuwalangiha haki, pamonga na utoso wa Sapanga. 9 Kangi hayu Mpumulo atewalangiha yiwa sambi ghao ni kukosela kwa kuleka kunikwinila nenga,

30 Ila Yesu akawalongela, "Lilowi hali kuhuma kwa Sapanga lihika ng’ogha kwaikiva gha nenga, ila ni kwaikiva gha mwenga. uma kwa Sapanga na lihika kwaikiva gha mwenga ng’ogha nenga. 31 Hinaa ndiwa lipindi lya mlima wogha hau kulamulwa, hinaa mkulu wa mlima wogha hau atedangwa panji. 32 Ila nenga paniyinulwa kunani gha mlima, nitewakwegha wandu wogha wahiki kwa nenga."

38 Hinu, yula mundu akalonga, "Ningukukwinila Bambu!" Akamtundamilila.

39 Yesu akalonga, "Nenga nihika kumlimawogha hau kulamula wandu, lukani wandu wala walola ng’ogha waloli, na wala weni kuliwachila yiwa wangulola wakotoho kulola."

1 Mumkemi yula mweni kuwoneka mng’enya wa kukwinila, ila mkotoho kusindana kwa mawachilo ghaki. 2 Wamonga gha wandu wangukwinila wangulyegha kila kindu, ila weni kukwinila mayaghani wangulyegha vindu mayaghani. 3 Mundu mweni kulyegha kila kindu akotoho kumpughanya yula kawesa ng’ogha kulyegha kila kindu, na yula mweni kulyegha likolo lya mahamba weka yaki hilahila akotoho kumlamula yula mweni kulyegha kila kindu, kwaikiva Sapanga kamjumila. 4 Wenga kwa ghani hata uyesi kumlamula mtumikila wa mundu ghangi? Kwaikiva bambu ghaki ndiwa angumanya yiwa kaghola gha maha au ng’ogha. Na mtumikila ghaki ateghola handa ingupalwa kwaikiva Bambu ndiwa mwenikuwesa kumtanga agholi vila ingupalwa.

12 Kwa nagha kila mundu paghati gha twenga atelitetela mweni handa mweni kuulongolo gha Sapanga.

13 Hinu tukotoho kulamulana badili ghaki mkoli lukani hali, mundu akotoho kughola kindu kinguwesa kumngingama au kumguwisa mlongu ghaki kusambi. 14 Mkonganiku ghangu na hayu Bambu Yesu, kungunihighilisila yiwa kwahela kindu chochosi kiwela mwiku kulyegha, ila mundu pakaliwachila yiwa mulyo mtenu unguwela mwiku kulyegha kuulongolo gha Sapanga, hinu kwa mweni kinguwela mwiku kulyegha.

17 Lipindi lya ulamula lihika kala na ulamula hau ungutumbula na wandu ghaki Sapanga mweni, hinu palitumbula kwa twenga, mwihu wa wala watundamila ng’ogha Habali Maha gha Sapanga utewela ghuli?

5 Hinu mkotoho kumlamula mundu yoyosi pambila gha kuhika lipindi lyaki, mlindili mbaka paatehika Bambu. Mweni atelangiha kila kindu kijihigha mulwisa na kuvika lipala mawachilo yavile mumioyu gha wandu. Hinu kila mundu atesifilwa handa ingumpala asifilwe.

2 Kwaikiva vila mngulonga wandu ni wahakata, ndiwa na mwenga mtelongelwa na Sapanga yiwa ni wahakata, kwa laghililo lilalila mtetumila ndiwa litetumilwa kwa mwenga. 3 Kwa kyani unguwesa kukilola likapi liwela kulisu lya mlongo ghako, kunu unguwesa ng’ogha kulola liyeyu liwela mlisu lyako? 4 Au unguwesaghuli kumlongela mlongo ghako, "Unileki nihumisi likapi kulisu lyako kunu kuwela na liyeyu kulisu lyako mweni?"

1 Badili gha hagha nikahyoghanila lilowi handa gha lipinga lya wandu watangala kundumba wakilonga, "Ayinulwi Sapanga! Ulokola na ukulu na makakala ni gha Sapanga watwenga. 2 Kwaikiva angutosa vila ingupala na kwa uchakaka. Sapanga wa twenga kamtosa yula mghola ngongola mkulunga kwa kuughola mlima wogha kughola matendu mahakata. Sapanga kamnyokola kwaikiva gha kuwakoma watumikila ghaki Sapanga." 3 Wakalonga kangi kwa makakala, "Ayinulwi Sapanga! lyohi lya lyoto lyeni kuyalamisa mmbwani hau litekwela kunani machuwa hyogha bila mwihu."