21 Handa henela Atati kwayoa bhabhawilinge na kwapeanga umomi, hele hela Mwana kwapekea umomi mundu jola jwampala. 22 Atati nganhukumula mundu joajola, nambo lihengo lyoa lya kuhumula annekile Mwana jwabhe, 23 ili bhandu bhoa bhantopee Mwana handa henela chibhantopea Atati. Mundu joajola jwangantopea Mwana, hela hela ngantopea Atati jwantumite."

24 "Kweli ndendakunnobholelanga, mundu joajola jwaajoa malobhe gangu na kwaahobhalela jonijola jwandumite, akweti umomi gwa machobha goa gwangapela. Na jonojwe ngahukumulikwa ng’o, nambo apakubhee apetite kubhoka kumalilo na kujingila mu umomi gwa machobha goa. 25 Kweli ndendakunnobholelanga, lichobha lipakuhika, nangocheni gahikite, bhabhawilinge pabhapakujoanga lilobhe lya Amwana bha Annoongo, na bhenaangota bhabhapakujoanga bhapakubhee bhamomi. 26 Handa henela Atati chibhabhile ndando ja umomi, hela hela ampekie Mwana jwabhe kubhee ndando ja umomi nkati jabhe. 27 Bhena ampekie Mwana jwabhe ukolo gwa kuhukumula kwa kubhee bhenabho nga Mwana jwa Mundu. 28 Nkotokangachanga kujoa gangani, kwa kubhee lichobha lipakuhikaa yakubhee bhenibhala bhabhawilinge bhapakujoanga lilobhe yabhe, 29 bhenaangota bhapakubhokanga mumakabuli gabhenji. Bhenibhala bhabhatendinge gammbone bhapakuyokanga na kupata umomi, na bhenibhala bhabhatendite mabohu bhapakuyokanga na bhahukumulwe."

30 "Nenga ngakombola kutenda chikubho choachela kwa ukolo gwangu namwene. Nenga ndendakuhukumula handa chindendakujoa kubhoka kwa Annoongo, na kuhukumula kwangu kutendakondekwa nnongi ja Annoongo. Ligongo ngatenda handa chimbala namwene, ila ndenda chenichela chibhapala jwandumite."

31 "Handa mbakuchikongolela nenga namwene, bahi malobhe gangu nga ga kweli.

7 Nambo nannobholelnga kweli, mbaya kwaachinu nenga nyaule, handa ngajaula Ajangatii ngahika kwaachinunji. Nambo handa nyawile mbaakuntuma kwaachinunji. 8 Na bhenabho chibhapakuhika, apakwaalangia bhandu bha pachilambo kubhee bhatekulemwa nnani ja mabhou, hikubho hiikondekwa nnongi ja Annoongo na hukumulo ja Annoongo. 9 Bhatekutendanga mabohu ligongo nganhobhalelanga nenga,

30 Ayesu akaalobholelanga, "Lilobhe hele lijohanike ligono linunji, ngabha ligongo lyangu nenga. 31 Nangocheni nga muda gwa bhandu bha chilambo heche kuhukumulwa, ngocheni akolo bha chilambo heche apakupokonyolwa ukolo gwabhe. 32 Nambo nenga, pambakubhambwa panchalaba, mbakwahutanga bhandu bhoa bhaikange kwachangu."

38 Jonijo mundu akalobhola, "Mwe Hangwana, ndendakuhobhalela ngapena akatindibhala majugwa na kwachalila."

39 Ayesu akalobhola, "Ndekuika pachilambo pani ligongo lya kuhukumula, ili bhenibhala bhangalola bhapatange kulola, na bhabhalola bhakotokulolanga."

1 Mummpokelange jonijola jwangabhee na machili mu kuhobhalela, nambo nkotokupwatilana na kutaukananga kwa ngani ja kuganikia kwabhe. 2 Mundu jumo kuhobhalela kwabhe kutendakwalekelea kulyee kila chilebhe, nambo mundu jongi jwangabhee na machili mu kohobhalela alyee tu likoolo. 3 Mundu jonojwe jwaalyee kila chilebhe akotokwaabhelua jonojwe jwangalyee. Jonojwe jwaalyee likoolo akotokwahukumula jonijola jwaalyee kila chilebhe, kwa kubhee Annoongo atekwakoonda. 4 Mwenga nga aganiki mpaka mwahukumule antumichi jwa jongi? Handa ajemite au handa agwile lenelyo nga lihengo lya akolo bhabhe, eloo, apakujema maha, kwa kubhee Hangwana Ayesu akombola kwajemea.

12 Henela bahi kila jumo jwitu apakulongela ngani jabhe mweene nnoongi ja Annoongo.

13 Bahi, tuleke kwahukumulanga bhangi, nambo mmangange miho mundu akotokwaanyambukia jongi agwee mu mabohu. 14 Mu kulondanika na Hangwana Ayesu, ndendakuhimanyi kweli kubhee chaakwa chilebhe choachela chichipakundenda tukokondekwa kwa kwaachalila Annoongo, nambo handa mundu akaganikia kubhee chilebhe chengi chichitutenda twenga tukotokondekwa kwa kwaachalila, bahi, kwaachebhe twenga ngakondekwa kwaachalila.

5 Henela nkotokuhukumulanga mundu joajola machobha gakwe tangu gangahika, nnendelange mpaka Hangwana pabhapakuhika. Jonojwe apakuileta panhana hilebhe yeniyela hiitekuchiiya palubhendu na kubheka palugwinjili na genigala gabhaganikianga bhandu mu mitima jabhenji. Ngapena kila jumo apakulumbaliwa muno na Annoongoo.

2 maana chimpakunhukumula nnyinu na mwangota chimpakuhukumulwa, na chipemelo chela chela chimpakupemela bhandu nga chochocho Annoongo nga chibhapakunpemelanga mwangota. 3 Kwaniki muchibhona chipande chichoko chichibhile mu lio lya anung’una jwinu, na kongo chipalapata chichibhile nkati ja lio linu ngachilola? 4 Nkombola bholi, kunnobholela anung’una jwinu, ‘Anung’una bhangu, nnende nimmoe chipande chichoko mu lio linu na kongo mwabhene nkweti chipalapata mu lio linu?