Legalidades

No Wa Kpanchi Mkpen

1 Konga no hu tre wa rinkon meme gbu, ritu wa rinkon meme gbu wa ran he ran Izhi ran no wa no wa he ran, nga Izhi nye ka wa dzi ri bubu wan. 2 Inji riwa a ran hu tre wa rinkon meme gbu ran a kawan ri hu kya riwa Izhi tre; nga nji riwa a ti ngamba, ari ngɨzhi bla tre Izhi ye ri ngawan. 3 Wawa wa ti ndindi ti wa ran ti sisiri wa kpanchi ran, ama wawa wa ti meme ti wa ti sisiri mba. Wu wa wuri ran ti sisiri wawa wa ri kpanchi ran? Ngamba wu ka ti kya riwa a bi nga wa gbre yi, 4 ritu wa he wa ndu Izhi wari ri ti ndu ritu mbi. Ama i bi ti meme ti wuka ti sisiri mba, ritu wa he ri gbengbren ri de yaa. Wa he wa ndu Izhi nga wa he ri gbengbren Izhi riwa wa no wawa wa ti meme ti yaa. 5 Ritu nganyi bi hu tre wa kpanchi, a ran ritu yaa Izhi kakre ran, ama ritu rimiren. 6 Ritu ngamba nye ngawen bi han nkren ri meme, ritu wa kpanchi wa ti ndu ri Izhi nye ka wa kre ndu mba. 7 Han wa, ikya riwa wa hu-u; han wa nkren ri meme riwa wa kpi wen, he ri rere nga bi ri no wa nkpen wawu.

Bibi riwa ki ti Ndu ri Nghambu

8 No wa ran hu-u kya riri ran, ikya riwa no wa hu-u no he bi nyime ngambi. Inji riwa a ti rinyi a hu tre doka nye mba.

12 Ti rereri son mbi, ri wawa wana hu Izhi ran, ko ka wa ngaan yi ritu ti meme ti waka to mkpen zren mbi, wari kpanyɨme wari no Izhi mkpen wan inde a ye riwa ari bla tre ri mgbumgblume.

13 Ritu Bachi, ka tu mbi no wa kpanchi son: ko ri chu riwa wawu nye he rinkon, 14 nga wa rinkon wawa ichu zhu, no wa no wawa wa ti meme ti yaa, wari no wawa wa ti ndindi ti mkpen.

17 To la ta kya riwa wu to, a bi ki han nkɨren meme ka no Kaisar kase?>>

18 Ama Yeso, a to meme rimɨren mba, ran tre wa, << Biyi wa gyuru nji Ingye ti bi wa bi ri tsra wen? 19 Tsro wen nkɨren riwa bi han me to. >>Wa ka no kɨren-a, 20 ka miyen wa, <<Riwa a he wu ngha ri nkɨen nyi? Nga a he nde ngha ri nkɨren nyi?>>

21 Wa tre,<< Kaisar,>> Yeso ka tre riwa, <<To no Kaisar kya riwa a he wa Kaisar,> Bi ri no Izhi kya riwa a he wa Izhi.>>

Nkɨren meme ri ko Izhi

24 Riwa Yeso nga mirindu wan wa zhu ri gbu kafarnaum, wawa wa kpa nkɨren meme wa ye ri Bitrus wa ri mɨyen,<<Wa tsro tre mbi wa ran ri han nkɨren ri ko Izhi ran?>>

25 <<Een, ari han,>> A nyime.

Riwa Bitrus a ye rimi ko, Yeso ka gbuchi tre ri. <<ltaka wen he ngye Sima?>> A miyen.<<Ri ngha nye wa chu wa meme wa kpa ndu nga nkɨren ri wa miri mba ka ri wari? >>

26 <<Bitrus ka tre riwa ri,>>

Ka nyime,<<Waka chu miri joo,>>Yeso ka lawu 27 <<Ama ritu riwa kiran kpa sɨromba time ran, hi ri nchon nne wuri yongɨron, Ban Lambe riwa wu gbuchi vuu; wuri bu nyu wan wuto bibi nkɨren. Ban wu ka nowa ri nkɨren wa mo ri wa me.>> No wa.

25 <<Dzon tu imbi kpan fu wen riwa a ngɨzhi-u ri hi tra moo. Ti-u ka bi he nkon imbi-u ran noo no ngizhi-u gra riwo wa bla tre ran, nji ri bla tre ri ka kau no wa lokpa, wa lokpa wa ka kau yo ri tra tren nji. 26 Me lau kpunji tre, wuran zhu rimi tre nyi ran, tse wu han kre pien-pien.

18 Ngha wa vuyi hi kusi nji wa rinkon ri Roma ri wa chu ritu won don bi ri la tre raro kusi mba ri kusi wawa wana he wa tsro tre musa ran. 19 Inde wa vu yi, no sron mbi ran time ritu kya riwa bi tre ran, wa no yi kya riwa bi tre ri vi wan,

Iŋgɨji Yeso

1 Ri vi wa ichu Kaisar Augustus a dɨbu iri nowa bla ko ngha riwa a he ri ndoza kpanchi wan. 2 Rinyi nye a he bla ri gbuchi riwa wa ti ri zamani kiriniyas, ri wa a he rinkon meme suriya. 3 Ko ngha no hi gbu mba nowa hi bla.

4 Yusufu ngawen ka wurunde ri gbu Nazara ri meme Galili, ran hi meme Yudiya ran hi gbu Doda riwa wa yo wu ri Batalami (ritu riwa a he ri gɨzhi wa Doda nye ri nne mba). 5 A hi nowa ngha nde wan ri Meriyamu, riwa a su ran gran wu nga wa ran gben vren.

9 Ritu zizan wa bu nkon ndu ri ndindi rimo riwa me ti, ama wa meme wa kigbu.

10 Bilatu ka tre ri wu ri,<<Wu ran tre ri me ran? Taka ri me he ri gbengbren riwa me kpa-u chuwo nga me ri no wa kpan-u ri tu konkron?>>

11 Yeso ka nyɨme wu ri,<<Wu he ri gbengbren ri tu won kakre ritu Izhi nye ka no-u nji riwa a ka wen no-u a ti meme ti han-u.>>