Legalidades

Kwayu’wa alongosi ba nni’ma

1 Kila mundu apalikwa kwayu’wa atawala ba silikali, kwa mwanjaa utawala woti ubu’ka kwa Nnu’ngu', na wembe ubi’kilwe na Nnu’ngu'. 2 Kwa nyo ywataukana na utawala wa silikali, aywo aitaukya amuli ya Nnu’ngu', na babapanga nyo bailetya ukumu bene. 3 Kwa mwanjaa babapanga manogau baayogopali atawala, ila kwa balu' babapanga maakau bai. Kwa nyo mana kokana kwayogopa atawala upange makowe ganannoga, na bembe baalu’a kulumba. 4 Ntawala wa silikali nga ntumisi wa Nnu’ngu', na lyengo lyapanga lya pwaila yinu mwabene. Lakini mana upangite maakau, upalikwa yogopa! Kakape panga abile nawo uweso wo ukumu. Ywembe apanga ntumisi ywa Nnu’ngu', kwa kwaukumu balu' babapanga malau. 5 Kwa nyo mpalikwa kwayu’wa atawala ba silikali, kwenda kwa kitumbu so yogopa ukumu baili, ila kai' kwa kitumbu sa zamili kaneikuauye.

6 Kwa kitumbu so muli’pe koli, kwa mwanjaa atawala nga atumisi ba Nnu’ngu', babatumya masaa gambone kuntumikia mwenga. 7 Mumpei kila mundu aki yake. Ywalonga koli yoyoti ali’pi’lwe, mundu ywapalikwa isimilwa aisimilwe.

Pendana kwa bandu boti

8 Kanemube na lileni kwa mundu ywoywoti, ila mupendane, kwa mwanjaa yu’lu' ywampenda nnyine atimisa salya.

12 Nnyendo winu pakati ya bandu bangalikuntanga Nnu’ngu', upalikwa ube unannoga muno li’nga ata mana banku’pi’ki’ya panga mupanga maakau, bawese tanga iyendo yinu ngolou na nnyo bankwi’ye Nnu’ngu' lisu’ba lyo isa kwake.

13 Bai, mwibi’ke pai' ya utawala woti wa kimundu kwa kitumbu sa Bwana. Mumwisimu nkulungwa winu, kwa mwanjaa ywembe nga kolongosi nku’lu' munni’ma winu. 14 Mwayu’we alongosi babatumilwe na nkulungwa. Batumilwe li’nga kwapwatya babapanga makosa, na kwalumba babanogeya.

17 Aya, utubakiye mwawibona wenga, buli yendayi’ki’ti’lwa au lili twenga li’pa koli kwa Kaisali?" 18 Lakini Yesu autangite ulau wababiniage, ngaayangwa, "Mwenga mwaanapiki, mwanjaa namani munipi’ndi’ka? 19 Munilaye mbanje yo li’pya koli." Nabembe ngabannetya lwela. 20 Naywembe ngaalaluya, "Kuminyo ku' na lina li' lyaliandikilwe pa lya nyai?" 21 Ngabannyangwa, "Ya Kaisali." Bai Yesu ngaabakia, "Mumpei Kaisali yaibile ya Kaisali, na ya Nnu’ngu' yaibile ya Nnu’ngu'."

Li’pa koli ya nyumba ya Nnu’ngu'

24 Pabaaikite Kapernaumu, bandu babakongwa koli ya nyumba ya Nnu’ngu' bannyendeli Petili ngabannaluya, "Buli, mwalimu winu endali’paga koli?" 25 Petili ngayangwa "Elo, endali’paga." Bai Petili paayingi nnyumba abi balo analongelali, Yesu ngannaluya, "Simoni, wenga wibona buli? Akulungwa ba dunia bakongwa koli bu’ka kwa kinyai? Kwa benekaya au kwa ageni?" 26 Petili ngayangwa, "Bu’ka kwa ageni." Yesu ngammakia, "Aya kumbe, benekaya bapalikwali. 27 Lakini li’nga kanetwausi, uyende kulitanda liku’lu' ukataikuli ndowana, wantole omba ywaalongolya kola, waumukwe nkano wake, na nkati waikolya mbanje ya koli. Waitole ukali’pe kwa twenga twabi’li'."

25 "Uyomwane na nsitaki wako kiyu’ngu’ya mubile balo mundi’la kamuyenda kumwalo. Mana nyoli, aakuikia kwa akimu, nembe aakukamukia kwa asikali na kukuyingia muutabilwe. 26 Kakape nikubakia, waapitali mo mpaka uyomwe li’pa lwela lwa kuundi’la.

18 Kai', mwalu’a pelekelwa nnu’ngi' ya api’ndo na akulungwa kwa kitumbu sangu', li’nga munikong’ondeli kwabe na bandu bangali Ayahudi. 19 Lakini pabampeleka kwo ukumilwa, kanemwisuluye bu’kana na galu' gamwalu’a longela wala mu’lu' mwamwalu’a longela, kwa mwanjaa popopo mwapeyelwa makowe gamwalu’a longela.

Belekwa kwa Yesu

1 Masu’ba galu' nkulungwa wa Kiroma ywakemelwage Agusito aoniye lilu’nga kwapala bandu boti panni’ma babalangilwe. 2 Awo ngawai ntumbwo wo balangilwa bandu, masu’ba go Kulenio aai mpi’ndo wa nkoa wa Silia. 3 Bandu boti baayi’i balangilwa, kila mundu pakilambo sake saabelekulile.

4 Yusupu nembe aayabwi mwanja bu’ka kukilambo sa Nasaleti kuwilaya ya Galilaya li’nga akabalangilwe. Mwanjaa ywembe aabile mulukolo lwa Daudi, aayi’i kukilambo sa Betelehemu, kunkoa wa Yudea kwaabelekuli nkulungwa Daudi. 5 Aayi’i balangilwa pamope na Malia nnwawa ywankobekage, naywembe pamasu’ba go aai ntopelwe.

9 Nilu’a tama pano kwa mwanjaa nipatike lipala liku’lu' lyo panga kasi yaileta itunda, pamope no panga kubile na andumu bambone babanikanikia.

10 Kwa nyo Pilato ngammakia, "Ulongelali nanenga? Buli, utangiteli panga nibile nawo utawala wa kukuyu’gu’lya na wa kukubamba?"

11 Yesu ngannyangwa, "Wenga ubileli na utawala wowoti kasangu', ila wu’lu' wopeyelwa na Nnu’ngu'. Kwa mwanjaa, yu’lu' ywanikamukiye kasako ai na sambi ngu’lu' muno."