Legalidades

Kuvahulikitsa filongotsi va inyi

1 Chila munu an’ganika avahulikitse filongotsi va Silikali, kwasawuli filongotsi veka vahumaga kwa Mulungu, nawo filongotsi vavisilwe na Mulungu. 2 Ihyo munu yo ankuva tebe na filongotsi va Silikali ankuva tebe na lilajitso lya Mulungu, nawo wo van’dita ihyo vakuhigwa. 3 Filongotsi sivavaditaga vanu vawuya vawone muloto, ila vavaditaga vanu vabi vawone muloto. Mbe, un’gana uleche kuwogopa vanya mamulaka? Ihyo un’ganika uditaje finofu, nawo vakukutsumila. 4 Kwakuva filongotsi iwo wo vatantsi va Mulungu wo van’kola katsi kwa fwayida yako. Lechelelo manyi udite fibi un’ganika uwogope, kwasawuli vafuluche vakupele atsabu. Vene wo vatantsi va Mulungu, vavisilwe ili kuvatova vala wo van’dita fibi. 5 Ihyo yin’ganika uvahulikitse filongotsi va Silikali, siyo kwasawuli ya muloto gwa kutowa na Mulungu, ila kwasawuli un’tsela kuta ulo lo lulongwa lo un’ganika kuludita.

6 Kwasawuli yiyo henye munhomba kodi, kwakuva filongotsi iwo vangumutumichila Mulungu kwa katsi iyo, hala ho van’dita kota hila fyo yin’ganika kudita. 7 Muvapelaje chila munu chila cho an’ganika kupelwa, munu mudaya kodi mumuhombaje kodi, munu va kudaya wusulu mumuhombaje wusulu, yo an’ganika kuhesimilwa, mumuhesimilaje.

Kuvagana vanyalukolo

8 Mulekaje kuva na lulongwa lubi na munu yoyuve, ila mun’ganika kwigana. Kwasawuli munu yo angumugana muyage akuva akwitsitse malajitso ga Mulungu go amupelye Musa.

17 Ino utulonjele chinu cho un’hotsa heve, Mbe, hetwe tun’ganika awu sinambe tuganiche kuhomba kodi kwa muntsajila va Loma?"

18 Lechelelo Yesu akatselaje wubi wawo, akavalonjelaje, "Henye vapunganitsi mbona munsaka kundaditsa? 19 Mundajile ligobole ilyo lyo muhombaga kodi." Nawo vakamuletelaje lindolosi! 20 Lelo Yesu akavaputsaje, "Sula iyi na litawa ili fya nani?" 21 Vakamujibulaje, "Muntsajila va inyi ya Loma?" Iho Yesu akavalonjelaje, "Finu fya muntsajila muvina va Loma mumupele muntsajila va Loma, na finu fya Mulungu mumupele Mulungu."

Kuhomba kodi mu Nyumba ya Mulungu

24 Hovavaga kufika ku muji gwa Kalipenaumu, vanu yo vavaga vankongotsa kodi ya Nyumba ya Mulungu vakabitaje kwa Petulo na kumuputsa kuta, "Mbe, mudahitsi venyu ahombaga kodi ya Nyumba ya Mulungu?" 25 Petulo akajibulaje, "Ee, ahombaga." Petulo hoavaga kuwuya kukaye, Yesu akatalaje kumuputsa kuta, "Simoni, heve un’wona ndawuli? Vantsajila va inyi vakongotsaga kodi kuhuma kwa nani? Mbe, vakong’asaga kuhuma kwa vanu vawo awu kwa vajentsi?" 26 Petulo akamujibulaje, "Vakong’asaga kuhuma kwa vajentsi!" Nayo Yesu akamulonjelaje, "Ihyo lelo yiganikaga vanu vake valeche kutawula kodi nda! 27 Lechelelo tuleche kuvatifya, bite ku lilamba ukateje ndovano. Somba ndongola yo yikugwila, uyigubule mulomo ukuliwona ligobole, na utegule ligobole ilyo ukahombe kodi yako na ya heni."

25 "Mupatane na mutelani vako tandi, homukuva muli mung’asi kubita kwa muhigaji. Nayo muhigaji akukusindika kwa mwimilitsi, nayo mwimilitsi akukusindika kwa muvina va vimilitsi va nyumba ya vawopwa. 26 Wukweli ntsinguvalonjela kuta, siukuhuma umo mbaka uhombe sendi ya wudugo."

18 Nanye mukubulunwa mbaka halutalo ha libalatsa na vantsajila kwasawuli ya heni, ili muvalonjele Ndongwa Nofu na kwa vanu wosi Vayawudi. 19 Lechelelo hovakuvasindika kuko, mulekaje kuhotsa cho mukulonga, kwasawuli luvalalulo mukupelwa cho mukuganika kulonga.

Kuleleka kwa Yesu

1 Siku tsila Kayisali Agusitino akalajitsaje kuta vanu veka wo vangikala mu wutavala wa Valoma vanguganika kuvalilwa. 2 Iyo yo yavaga mbalilo ndongola, luvala ulo Kileniyo hoavaga muvina va mukova gwa Siliya. 3 Duve chila munu akabitaje kwiyandikitsa ku muji gwake go alelechilye. 4 Ihyo Yosefu akawukaje luhuma muji gwa Natsaleti gogwavaga ku Galilaya akabitaje mbaka ku Betelehemu, ku muji go alelechilye Dawudi. 5 Yusufu akabitasaje kiyandikitsa hamwe na Maliyamu, yo vali valajine kwitola. Kuno mwanga avaga na wubofu.

9 Ntsin’wona Mulungu amelye nyafwasi ya kukola katsi yangu yino ngomi, na yivaje kuno ku Efweso kuna vatelani wolofu wo valitebe na heni.

10 Pilato akamulonjelaje kuta heve ulema kulonga na heni? Sinambeutsele kuta heni ntsina mamulaka ga kukulechela awu kukuvamba. 11 Yesu akamupitulaje kuta, "Heve siukakuva na mamulaka gogave kwa heni manyi uka uve siulapelwa kuhuma Kilanga kwa Mulungu. Ihyo yula yo andetite kwa heve, uyo yo akuva na nongwa ngomi ndalahela."